لعنت کے معانی، لعنت کے مستحق لوگ اور اعمال

«لعن» یعنی کسی کو ناراضگی کی بنا پر اپنے سے دور کردینا اور دھتکار دینا۔

خدا کی طرف سے کسی شخص پر لعنت سے مراد ہوتی ہے کہ وہ دنیا میں تو اللہ کی رحمت اور توفیق کے اثر پذیر ہونے سے محروم ہوجائے اور آخرت میں عقوبت(سزا) کا مستحق قرار پائے۔

اور انسان کی طرف سے کسی پر لعنت بھیجنے کے معنیٰ "بددعا" کے ہوتے ہیں۔ قرآن میں ہے:

أَلا لَعْنَةُ اللَّهِ عَلَى الظَّالِمِينَ

[سورۃ هود:18]

سن رکھو کہ ظالموں پر اللہ کی لعنت ہے۔

[المفردات فی غریب القرآن: ص741]

۔۔۔۔اور جس پر اللہ لعنت(یعنی اپنی رحمت سے دور) کرے تو اس کیلئے تم کوئی مددگار نہیں پاؤگے۔

[سورۃ النساء:52]

🥀 _*47 لوگ جن پر اللّٰه اور اس کے رسول ﷺ کی لعنت ہے۔*_ 🥀

1. ماں باپ کو گالی دینے والے پر۔

(احمد: 1779)

2. باریک لباس پہننے والی پر۔(احمد: 7063)

3. چور پر۔ (بخاری: 6783)

4. سود کھانے اور کھلانے والے پر۔

(مسلم: 1598)

5. رشوت لینے اور دینے والے پر۔(ترمذی 1337)

6. شراب پینے والے اور پلانے والے اور اس میں شامل تمام لوگوں پر۔ (ابن ماجہ: 1174)

7. تصویر بنانے والے پر۔ (بخاری: 2086)

8. ننگی تلوار لہرانے والے پر۔ (احمد: 19533)

9. ابلیس مردود پر۔ (سورہ نساء: 118)

10. شرک کرنے والے مردوں اور عورتوں پر۔  (فتح: 6)

11. کفر کی حالت میں مرنے والوں پر۔

(بقرہ: 161-162)

12. منافقوں پر۔ (توبہ: 68)

13.  مخنث (ہیجڑے) بننے والوں مردوں پر اور مرد بننے والی عورتوں پر ۔ (بخاری 6834)

14. مساجد میں قبر بنانے والوں پر

(بخاری 1330)

15. قبروں کو سجدہ گاہ بنانے والوں پر ۔(بخاری 3454)

16. الله اور اس کے رسول ﷺ کو تکلیف دینے والوں پر۔  (احزاب: 57)

17 .بغیر ضرورت الله کے نام پر مانگنے والوں پر۔ (جامع الصغیر: 5890)

18. الله کے نام پر نہ دینے والوں پر۔ (جامع الصغیر: 5890)

19. خوشی کے وقت گانے بجانے والوں پر۔ (صحیح الترغیب: 3527)

20. مصیبت کے وقت چینخنے چلانے والوں پر۔ (صحیح الترغیب: 3527)

21. مومن کو قتل کرنے والے پر۔ (نساء: 93)

22. پاک دامن عورت پر تہمت لگانے والے پر۔ (نور: 23)

23. جھوٹ بولنے والوں پر۔ (عمران: 61)

24. ظالموں پر۔ (ھود: 18)

25. الله سے کئے گئے عہد کو توڑنے والے پر۔ (رعد: 25)

26. قطع رحمی کرنے والے پر۔ (رعد: 25)

27. زمین پر فساد پھیلانے والے پر۔ (رعد: 25)

28 غیر الله کے نام پر ذبح کرنے والے پر۔  (مسلم: 3657)

29. قرآن میں زیادتی کرنے والے پر۔

(صحیح ابن حبان: 5719)

30. تقدیر کو جھٹلانے والے پر۔   (صحیح ابن حبان: 5719)

31. رسول الله ﷺ کی سنت چھوڑنے والے پر۔

 (صحیح ابن حبان: 5719)

32. صحابہ کرام کو گالی دینے والے پر۔  (صحیحہ: 2340)

33. غیر کی طرف نسبت کرنے والے پر۔

(مسلم: 2433)

34. اندھے کو غلط راستہ بتلانے والے پر۔

(ادب المفرد: 892)

35. جب شوہر اپنی بیوی کو اپنے بستر پر بلائے اور وہ آنے سے انکار کر دے تو فرشتے صبح تک اس پر لعنت بھیجتے ہیں۔

 (بخاری 5193)

36. جانور سے بدفعلی کرنے والے پر۔   (صحیحہ: 3462)

37. لوگوں کے راستے پر گندگی پھینکنے والے پر۔ (طبرانی اوسط: 5422)

38. خوبصورتی کے لیے گودنے والیوں، چہرے کے بال اکھاڑنے والیوں اور سامنے کے دانتوں کے درمیان کشادگی پیدا کرنے والیوں پر (بخاری 5939)

39. نقلی بال لگانے والی پر۔ (بخاری: 5477)

40. جسم پر نقش بنانے والی پر۔     

(بخاری: 5477)

41. ماتم اور نوحہ کرنے والی پر۔

(شعب الایمان: 10160)

42. بیشک دنیا ملعون ہے اور جو کچھ دنیا میں ہے وہ بھی ملعون ہے، سوائے اللہ کی یاد اور اس چیز کے جس کو اللہ پسند کرتا ہے،

[ترمذی: 2322]

43. دین میں نیا کام نکالنے والے پر۔[مسلم: 3179]

44. بیوی سے دبر میں مباشرت کرنے والے پر ۔[ابو داﺅد: 2162]

45. اہل بیت کی عزت کو پامال کرنے والے پر۔[صحیح ابن حبان: 5719]

46. مردوں کا لباس پہننے والی عورت پر اور عورتوں کا لباس پہننے والے مرد پر۔ [ابو داﺅد: 4098]

47. زکوۃ نہ دینے والے پر۔ [الترغیب: 1408]

حدیث قدسی: الله پاک فرماتا ہے ... جب میں کسی سے ناراض ہوتا ہوں تو اس پر لعنت بھیجتا ہوں اور میری لعنت اس کی ساتویں اولاد تک پہنچتی ہے۔

 (کتاب الزہد للامام احمد: 69)

احادیث اور فقہی تفاسیر کے مطابق، لعنت کرنے کی ممانعت اور اس کی اجازت کے درمیان فرق "عمومی لعنت" اور "خاص حالات میں لعنت" کی بنیاد پر کیا جاتا ہے۔ ذیل میں اس کی وضاحت کی گئی ہے:

---

1. عام حالات میں لعنت کی ممانعت:

قرآن و حدیث میں مسلمانوں کو بددعا، گالی گلوچ، یا کسی بھی مخلوق کو لعنت کرنے سے منع کیا گیا ہے۔ مثال کے طور پر: 

- رسول اللہ ﷺ نے فرمایا: "مومن طعنہ دینے والا، لعنت کرنے والا، فحش گو، اور بدزبان نہیں ہوتا"۔

[ترمذی:1977]

- ایک اور حدیث میں ہے: "مومن کو لعنت کرنے والا نہیں ہونا چاہیے"۔

[ترمذی:2019]

یہ ممانعت اس لیے ہے کہ لعنت کرنا انسان کی فطری رحم دلی اور اخلاقی بلندی کے منافی ہے، نیز یہ معاشرے میں انتشار کا سبب بنتا ہے۔ 

---

2. ظالموں یا کافروں پر لعنت کی اجازت:

بعض خاص حالات میں، جن افراد یا گروہوں نے اسلام کے خلاف کھلم کھلا دشمنی کی ہو اور ان کے کفر یا ظلم پر یقین ہو، ان کے لیے لعنت جائز ہے۔ مثال کے طور پر: 

- قرآن میں کافروں پر لعنت: کا ذکر ہے: {فَلَعْنَةُ اللَّـهِ عَلَى الْكَافِرِينَ}(تو لعنت ہو اللہ کی کافروں پر۔) (البقرة: 89)۔ 

- احادیث میں فرعون، ابوجہل، یا شراب پینے والے جیسے معین افراد پر لعنت کی گئی ہے ۔ 

- فقہاء کے مطابق، "عام صفاتِ مذمومہ" (جیسے کفر، ظلم) والوں پر لعنت کرنا جائز ہے، بشرطیکہ یہ کسی معین شخص کے لیے نہ ہو جس کے بارے میں یقین نہ ہو کہ وہ کفر پر مرا۔

---

3. دونوں حکموں میں تطبیق کیسے؟

- عمومی اصول: مومن کو اپنی عادت میں لعنت کرنے والا نہیں بننا چاہیے، کیونکہ یہ اس کے اخلاقی مرتبے کو گراتا ہے اور اس کی دعاؤں کے اثر کو کم کرتا ہے ۔ 

- استثناء: صرف ان ہی معاملات میں لعنت کی اجازت ہے جنہیں شریعت نے واضح طور پر "ملعون" قرار دیا ہو، جیسے کافر، ظالم، یا وہ لوگ جو اللہ اور رسول کے احکامات کی کھلم کھلا خلاف ورزی کرتے ہیں ۔ 

---

4. لعنت کرنے کے نتائج:

- اگر کوئی شخص کسی بےقصور پر لعنت کرے تو وہ لعنت اسی پر لوٹ آتی ہے ۔ 

- حدیث میں آیا ہے: "جس نے کسی مومن کو لعنت دی، تو یہ اسے قتل کرنے کے برابر ہے" ۔

---

5. خلاصہ:

- ممانعت کا مقصد: مومن کے اخلاق کو پاکیزہ رکھنا اور معاشرتی تعلقات کو بہتر بنانا۔ 

- اجازت کا مقصد: صرف ان موارد میں جہاں شریعت نے واضح حکم دیا ہو، اور یہ "عمومی برائی" کے خلاف اعلانِ بیزاری ہو۔ 

اس لیے حدیث "لَا يَنْبَغِي لِلْمُؤْمِنِ أَنْ يَكُونَ لَعَّانًا"(مومن کو لعنت کرنے والا نہیں ہونا چاہیے) [ترمذی:2019]  میں "عمومی عادت" کی ممانعت ہے، جبکہ ظالموں یا کافروں پر لعنت ایک "شرعی حکم" کے تحت ہے، نہ کہ ذاتی غصے یا عادت کے طور پر۔

لعنت کے مستحق بنے رہنے والوں کا انجام:

القرآن:

یقین رکھو کہ جن لوگوں نے مومن مردوں عورتوں کو ظلم کا نشانہ بنایا ہے، پھر توبہ نہیں کی ہے، ان کے لیے جہنم کا عذاب ہے اور ان کو آگ میں جلنے کی سزا دی جائے گی۔

[سورۃ نمبر 85 البروج، آیت نمبر 10]

القرآن:

اور جو شخص کسی مسلمان کو جان بوجھ کر قتل کرے تو اس کی سزا جہنم ہے جس میں وہ ہمیشہ رہے گا اور اللہ اس پر غضب نازل کرے گا اور لعنت بھیجے گا، اور اللہ نے اس کے لیے زبردست عذاب تیار کر رکھا ہے۔

[سورۃ نمبر 4 النساء، آیت نمبر 93]

القرآن:

یہ وہ لوگ ہیں جن پر اللہ نے پھٹکار ڈال رکھی ہے، اور جس پر اللہ پھٹکار ڈال دے، اس کے لیے تم کوئی مددگار نہیں پاؤ گے۔

[سورۃ نمبر 4 النساء، آیت نمبر 52]

بداخلاقیاں»

حضرت ابوبکر صدیق ؓ کہتے ہیں کہ  رسول اللہ  ﷺ  نے فرمایا: 

مَلْعُونٌ مَنْ ضَارَّ مُؤْمِنًا أَوْ مَكَرَ بِهِ

ترجمہ:

وہ شخص ملعون  (یعنی اللہ کی رحمت سے دور)  ہے جس نے کسی مومن کو نقصان پہنچایا یا اس کو دھوکہ دیا۔

[سنن الترمذي: حديث نمبر 1941]

قرآن کی لعنت، بعض قرآن پڑھنے والوں پر»

حضرت انس بن مالک رضی اللہ عنہ فرماتے ہیں کہ:

رب تال للقرآن والقرآن يلعنه۔

ترجمہ:

بہت سے قرآن کی تلاوت کرنے والے( ایسے ہوتے ہیں کہ وہ قرآن پڑھ رہے ہوتے ہیں) حالانکہ قرآن ان پر لعنت کر رہا ہوتا ہے۔

[احیاء علوم الدین-امام غزالی» (274/1، ط: دار المعرفۃ)]

تشریح:

بعض اسلاف نے فرمایا کہ ایک بندہ جب قرآن کریم کی کوئی سورۃ شروع کرتا ہے، تو قرآن کریم اس کے لیے رحمت کی دعا کرتا ہے، یہاں تک وہ بندہ اس کی قرأت سے فارغ ہوجاتا ہے، اور ایک بندہ جب قرآن کریم کی کوئی سورۃ شروع کرتا ہے، تو قرآن کریم اس پر لعنت کرتا ہے، یہاں تک وہ بندہ اس کی قرأت سے فارغ ہوجاتا ہے، تو کہا گیا کہ یہ کیسے ہوتا ہے؟ تو جواب میں فرمایا: جب قرآن کریم کی حلال کردہ چیزوں کو حلال جانے اور حرام کردہ چیزوں کو حرام جانے، یعنی جب اس کے اوامر و احکام کو پورا کرے اور اس کی منع کردہ چیزوں سے اپنے آپ کو روکے، تو قرآن کریم اس کے لیے رحمت کی دعا کرتا ہے، ورنہ لعنت کرتا ہے۔

بعض علمائے کرام نے فرمایا: بندہ (بسا اوقات )تلاوت کرتا ہے، تو اپنے اوپر لعنت کرتا ہے، حالانکہ اس کو اس کا پتہ نہیں ہوتا ہے، (کیونکہ) وہ آیت پڑھتا ہے: "الا لعنةالله على الظالمين" (خبردار ظالموں پر اللہ تعالی کی لعنت ہے۔) حالانکہ وہ خود اپنے اوپر یا دوسروں پر ظلم کرتا ہے، وہ آیت پڑھتا ہے: "الا لعنةالله على الكاذبين" (خبردار جھوٹوں پر اللہ تعالی کی لعنت ہے۔) حالانکہ وہ خود جھوٹوں میں سے ہوتا ہے۔

[اتحاف السادة المتقين بشرح إحياء علوم الدين » (469/4، ط: مؤسسۃ التاریخ الاسلامی)]

حضرت عائشہ نے فرمایا:

كم من قارئ يقرأ القرآن والقرآن يلعنه يقرأ ألا لعنة الله على الظالمين، وهو ظالم.

ترجمہ:

کتنے ہی قرآن کریم پڑھنے والے ایسے ہیں، جو قرآن کریم پڑھتے ہیں، حالانکہ قرآن کریم ان پر لعنت کرتا ہے، وہ پڑھتا ہے: ﴿خبردار! ظالموں پر اللہ تعالی کی لعنت ہے۔ (سورۃ ھود:18.الاعراف:44)﴾ حالانکہ وہ خود ظالم ہوتا ہے۔

[المدخل-لابن الحاج» ج:٢،ص:٢٩٥،ط:دار التراث]

مہران بن میمون (جو کہ تابعی ہیں) کا قول امام ابن ابی حاتم نے اپنی تفسیر میں نقل کیا ہے:

إن الرجل ليصلي ويلعن نفسه في قراءته فيقول: ألا لعنة الله على الظالمين وإنه لظالم۔

ترجمہ:

یقیناً آدمی نماز پڑھتا ہے اور قرأت میں اپنے آپ پر لعنت کرتا ہے، کیونکہ وہ قرآن مجید کی آیت پڑھتا ہے: "الا لعنة الله على الظالمين" ﴿خبردار! ظالموں پر اللہ تعالی کی لعنت ہے۔ (سورۃ ھود:18.الاعراف:44)﴾ حالانکہ وہ خود ظالم ہوتا ہے۔

[تفسير-لابن أبي حاتم» حدیث نمبر:8484]

[تقریب التھذیب:7049 (ص: 585، ط: دار الیسر)]

دائمی فتوی کمیٹی کے فتاوی: (3 / 213) دوسرا ایڈیشن ، میں ہے کہ:

مسلمان کو قرآن کریم پر عمل کے بغیر پڑھنے سے خبردار کیا گیا ہے؛ کیونکہ کچھ اللہ کے بندے ایسے بھی ہوتے ہیں جو قرآن بھی پڑھتے ہیں اور ایسے کام بھی کرتے ہیں جن سے قران کریم روکتا ہے، مثلاً: قرآن کریم سودی لین دین سے روکتا ہے لیکن وہ پھر بھی سودی لین دین کرتا ہے، قرآن کریم ظلم سے روکتا ہے لیکن پھر بھی وہ ظلم کرتا ہے، اسی طرح قرآن کریم غیبت سے روکتا ہے لیکن وہ پھر بھی غیبت کرتا ہے، اسی طرح قرآن کریم کے دیگر احکامات اور ممنوعہ اعمال کا معاملہ ہے۔ اللہ تعالی عمل کی توفیق دے۔

قرآن کریم میں ایسی چیزیں جو اس شخص کی مذمت اور لعنت کا تقاضا کرتی ہیں، مثلاً: وہ شخص قرآن کریم بھی پڑھتا ہے لیکن اس کے احکامات کی مخالفت کرتا ہے، یا ممنوعہ کاموں کا ارتکاب کرتا ہے، وہ شخص اللہ کی کتاب بھی پڑھتا ہے لیکن قرآن کریم کے احکامات اور ممنوعات کا خیال نہیں کرتا جس کی وجہ سے وہ برا بھلا کہلائے جانے کا حقدار ٹھہرتا ہے۔

اگر یہ روایت نبی صلی اللہ علیہ و سلم سے صحیح ثابت ہو جائے تو اس کا صحیح ترین معنی یہی ہو گا۔"

[مجموع فتاوى ابن باز : 26 / 61]