گناہوں کو نیکیوں میں بدلنے والے تین (3) اعمال

اللہ پاک نے فرمایا:

ہاں مگر جو کوئی (شرک و نافرمانی سے) (1)توبہ کرلے، (2)ایمان بھی لے آئے، (3)اور نیک عمل کرتا رہے تو اللہ ایسے لوگوں کی (پچھلی)برائیوں کو نیکیوں میں تبدیل کردے گا، اور اللہ بہت بخشنے والا، بڑا مہربان ہے۔

[سورۃ الفرقان:70]

یعنی حالت کفر میں انہوں نے جو برے کام کیے تھے، وہ ان کے نامہ اعمال سے مٹا دئیے جائیں گے، اور اسلام لا کر جو نیک عمل کیے ہوں گے وہ ان کی جگہ لے لیں گے۔

یعنی گناہوں کی جگہ نیکیوں کی توفیق دے گا اور کفر کے گناہ معاف کرے گا۔ یا یہ کہ بدیوں کو مٹا کر توبہ اور عمل صالح کی برکت سے ان کی تعداد کے مناسب نیکیاں ثبت فرمائے گا۔ جیسا کہ(نیچے)بعض احادیث سے ظاہر ہے۔

تفسیر:

قتادہ کا قول ہے کہ جس نے توبہ کی اور اپنے رب پر ایمان لایا اور نیک عمل کیا جو اس کے اور اس کے رب کے درمیان ہے۔

حضرت ابن عباس (رض) کا قول ہے کہ آپ کے زمانے میں ہم دو سال تک آیت، والذین لایدعون مع اللہ الھا اخر، پڑھا کرتے تھے پھر دو سال کے بعد نازل ہوئی، الامن تاب وآمن، اس آیت کے نازل ہونے سے اور آیت، انافتحنالک فتحا مبینا،۔ ،، لیغفرلک اللہ ماتقدم من ذنبک وماتاخر، کے نازل ہونے سے جیسا خوش رسول اللہ کو دیکھا ایسا خوش میں نے حضور کو کبھی نہیں دیکھا۔

”فاو لئک یبدل اللہ سیاتھم حسنات وکان اللہ غفورا رحیما۔

ایک جماعت اس قول کی طرف گئی ہے کہ اس تبدیلی کا ظہور دنیا میں ہی ہوگا۔ حضرت ابن عباس، حضرت سعید بن جبیر، حضرت حسن، امام مجاہد، امام سدی، امام ضحاک کے نزدیک اس کا مطلب یہ ہے کہ حالتِ شرک میں کیے ہوئے برے اعمال کی جگہ حالتِ اسلام میں کیے ہوئے اچھے اعمال کو اللہ دے دے گا۔ شرک کو توحید سے مومنوں کے قتل کو حربی مشرکوں کے قتل سے اور زنا کو عفت اور پاکدامنی سے بدل دے گا۔ 

کچھ علماء نے اس کا یہ مطلب بیان کیا کہ اللہ اپنی مہربانی سے اسلام میں کیے ہوئے برے اعمال کو قیامت کے دن نیکیوں میں بدل دے گا، یہی قول سعید بن المسیب ، مکحول ، ام المومنین حضرت عائشہ کا ہے۔

اس کی تائید حضرت ابوذر کی حدیث سے بھی ہوتی ہے کہ رسول اللہ نے فرمایا: قیامت کے دن ایک آدمی کو لایا جائے گا، اور حکم ہوگا اس کے چھوٹے گناہ اس کے سامنے لاؤ، حسب الحکم چھوٹے گناہ اس کے سامنے لائیں گے اور اس کے بڑے گناہ پوشیدہ رکھے جائیں گے وہ چھوٹے گناہوں کا اقرار کرے گا، انکار نہیں کرے گا، اور بڑے گناہوں کا اندیشہ کرتا رہے گا، حکم ہوگا ہر گناہ کی جگہ اس کو ایک نیکی دو وہ کہے گا میرے گناہ تو اور بھی ہیں جو مجھے یہاں دکھائی نہیں دیتے۔ راوی حدیث حضر ت ابوذر فرماتے ہیں کہ یہ ارشاد فرماتے وقت حضرت محمد (صلی اللہ علیہ وآلہ وسلم) اتنا ہنس پڑے کہ کچلییاں نظر آنے لگیں۔ بعض حضرات کا قول ہے کہ اللہ عزوجل اس کے گناہ اس کی ندامت کی وجہ سے مٹادیں گے ۔ پھر اس کی ہر برائی کے بدلے میں نیکی دی جائے گی۔

[تفسیر امام البغوی]

تشریح محدث:

اور محیی السنۃ (امام بغوی) نے کہا: ایک گروہ کا مذہب(رائے) یہ ہے کہ یہ (برائیوں کا نیکیوں میں بدلنا) دنیا میں ہے۔ حضرت ابن عباس وغیرہ نے کہا: اللہ تعالیٰ ان کے شرک کے زمانے کے قبیح اعمال کے بدلے اسلام میں اچھے اعمال عطا فرماتا ہے؛ پس شرک کے بدلے ایمان، مؤمنوں کے قتل کے بدلے مشرکوں کا قتل، اور زنا کے بدلے عفت و پاکدامنی (یا شادی شدہ ہونا) بدل دیتا ہے۔

اور حضرت ابن المسیب وغیرہ نے کہا: اللہ تعالیٰ ان کے ان گناہوں کو جو انہوں نے اسلام میں کیے، قیامت کے دن نیکیوں میں بدل دے گا۔

اور امام ابن کثیر نے کہا: گزرے ہوئے گناہ خالص توبہ کے نفس سے نیکیوں میں بدل جاتے ہیں، کیونکہ جب بھی وہ انہیں یاد کرتا ہے تو نادم ہوتا ہے، ”إنا لله وإنا إليه راجعون“ کہتا ہے اور استغفار کرتا ہے، تو گناہ اطاعت میں بدل جاتا ہے۔ پس قیامت کے دن اگرچہ وہ گناہ اس کے نامہ اعمال میں لکھے ہوئے پائے جائیں، لیکن وہ اسے نقصان نہیں دیں گے، بلکہ اس کے صحیفے میں نیکی میں بدل جائیں گے، جیسا کہ اس کی دلیل مسلم میں مروی حضرت ابوذر رضی اللہ عنہ کی حدیث ہے۔ رسول اللہ ﷺ نے فرمایا: ”میں جہنم سے سب سے آخر میں نکلنے والے اور جنت میں سب سے آخر میں داخل ہونے والے آدمی کو جانتا ہوں۔“ پھر فرمایا: ”اس کے بڑے گناہ اس پر پیش کرو اور اس کے چھوٹے گناہوں کے بارے میں پوچھو۔“ کہا: تو اس سے کہا جائے گا: ”تو نے فلاں دن ایسا ایسا کیا، اور فلاں دن ایسا ایسا کیا۔“ تو وہ کہے گا: ”ہاں“، وہ ان میں سے کسی چیز کا انکار نہیں کر سکے گا۔ پھر کہا جائے گا: ”پس بے شک تیرے لیے ہر گناہ کے بدلے ایک نیکی ہے۔“ تو وہ کہے گا: ”اے رب! میں نے ایسے کام کیے ہیں جنہیں میں یہاں نہیں دیکھ رہا۔“ کہا: پس رسول اللہ ﷺ ہنسے حتیٰ کہ آپ کے نواجذ (دانت) ظاہر ہو گئے۔

اور الزجاج نے کہا: گناہ بعینہٖ خود نیکی نہیں بنتا، پس اس کی تاویل یہ ہے کہ گناہ توبہ کے ذریعے مٹا دیا جاتا ہے اور توبہ کے ساتھ نیکی لکھ دی جاتی ہے۔

[ارشاد الساری لشرح صحیح البخاری – القسطلانی: 2/344]

عَنْ سَلَمَةَ بْنِ نُفَيْلٍ قَالَ: جَاءَ رَجُلٌ إلَى رَسُولَ اللهِ - صلى الله عليه وسلم - فَقَالَ: أَرَأَيْتَ رَجُلًا عَمِلَ الذُّنُوبَ كُلَّهَا فَلَمْ يَتْرُكْ مِنْهَا شَيْئًا وَهُوَ فِي ذَلِكَ لَمْ يَتْرُكْ حَاجَةً وَلَا دَاجَةً (٢) إِلَّا أَتَاهَا فَهَلْ لَهُ مِنْ تَوْبَةٍ؟ , قَالَ: " فَهَلْ أَسْلَمْتَ؟ " , قَالَ: أَمَّا أَنَا فَأَشْهَدُ أَنْ لَا إِلَهَ إِلَّا اللهُ وَحْدَهُ لَا شَرِيكَ لَهُ، وَأَنَّكَ رَسُولُ اللهِ , قَالَ: " نَعَمْ، تَفْعَلُ الْخَيْرَاتِ، وَتَتْرُكُ السَّيِّئَاتِ، فَيَجْعَلُهُنَّ اللهُ لَكَ خَيْرَاتٍ كُلَّهُنَّ " , قَالَ: وَغَدَرَاتِي وَفَجَرَاتِي (٣)؟ , قَالَ: " نَعَمْ " , قَالَ: اللهُ أَكْبَرُ، فَمَا زَالَ يُكَبِّرُ حَتَّى تَوَارَى (٤). (٥)

ترجمہ:

سلمہ بن نفیل کہتے ہیں: ایک شخص رسول اللہ ﷺ کے پاس آیا اور کہا: آپ کا اس شخص کے بارے میں کیا خیال ہے جس نے تمام گناہ کیے، ان میں سے کچھ بھی نہ چھوڑا، اور اس حالت میں کوئی حاجت اور اس کے پیروکار/متعلق چیز (٢) بھی نہ چھوڑی مگر اسے بھی کر ڈالا؟ تو کیا اس کے لیے توبہ ہے؟

آپ ﷺ نے فرمایا: ”کیا تو اسلام لایا ہے؟“

اس نے کہا: رہا میں، تو میں گواہی دیتا ہوں کہ اللہ کے سوا کوئی معبود نہیں، وہ اکیلا ہے، اس کا کوئی شریک نہیں، اور یہ کہ آپ اللہ کے رسول ہیں۔

آپ ﷺ نے فرمایا: ”ہاں، تو نیک کام کر اور برائیوں کو چھوڑ دے، اللہ ان سب کو تیرے لیے نیکیاں بنا دے گا۔“

اس نے کہا: اور میری بے وفائیاں اور میری بدکاریاں (٣) بھی؟

آپ ﷺ نے فرمایا: ”ہاں۔“

وہ کہنے لگا: اللہ اکبر! وہ مسلسل تکبیر کہتا رہا یہاں تک کہ نظر سے غائب ہو گیا (٤) (٥)۔

حواشی وحوالہ جات

حاشیہ (١): [الفرقان: 70] — یعنی سورۃ الفرقان، آیت 70۔

حاشیہ (٢): «الحاجّ والحاجّة»: حج کرنے والوں میں سے ایک شخص۔ «الدَّاجُّ والدَّاجّة»: تابع اور مددگار۔ مراد وہ حاجیوں کی جماعت اور ان کے ساتھ آنے والے متبعین ہیں۔

ماخذ: النهاية في غريب الأثر (1/895)۔

حاشیہ (٣): «الفجرات» جمع ہے «فَجْرة» کی، جو «فجور» سے ایک مرتبہ کا اسم ہے۔ «فجور» ہر شر کو جامع نام ہے۔

حاشیہ (٤): «توارى»: چھپ گیا، غائب ہو گیا۔

حاشیہ (٥):

(طب) 7235 — معجم الطبرانی الکبیر، حدیث نمبر 7235۔

(خط) 1156 — تاریخ بغداد للخطیب البغدادی، نمبر 1156۔

الصحيحة: 3391 — سلسلۃ الأحادیث الصحیحۃ، نمبر 3391۔

صحيح الترغيب والترهيب: 3164 — صحیح الترغیب والترہیب، نمبر 3164۔

[الجامع الصحيح للسنن والمسانيد: 20/360]

پہلی تفسیر حدیث سے (دنیا میں برائیوں کا نیکیوں میں بدلنا):

عَنْ سَعِيدِ بْنِ جُبَيْرٍ قَالَ: (أَمَرَنِي عَبْدُ الرَّحْمَنِ بْنُ أَبْزَى أَنْ أَسْأَلَ ابْنَ عَبَّاسٍ - رضي الله عنهما - عَنْ هَاتَيْنِ الْآيَتَيْنِ مَا أَمْرُهُمَا: {وَالَّذِينَ لَا يَدْعُونَ مَعَ اللهِ إِلَهًا آَخَرَ وَلَا يَقْتُلُونَ النَّفْسَ الَّتِي حَرَّمَ اللهُ إِلَّا بِالْحَقِّ وَلَا يَزْنُونَ وَمَنْ يَفْعَلْ ذَلِكَ يَلْقَ أَثَامًا , يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَانًا , إِلَّا مَنْ تَابَ وَآَمَنَ وَعَمِلَ عَمَلًا صَالِحًا فَأُولَئِكَ يُبَدِّلُ اللهُ سَيِّئَاتِهِمْ حَسَنَاتٍ وَكَانَ اللهُ غَفُورًا رَحِيمًا} (١) {وَمَنْ يَقْتُلْ مُؤْمِنًا مُتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا} (٢) قَالَ: فَسَأَلْتُ ابْنَ عَبَّاسٍ , فَقَالَ: لَمَّا أُنْزِلَتْ الَّتِي فِي الْفُرْقَانِ) (٣) (قَالَ نَاسٌ مِنْ أَهْلِ الشِّرْكِ مِنْ أَهْلِ مَكَّةَ كَانُوا قَدْ قَتَلُوا فَأَكْثَرُوا , وَزَنَوْا فَأَكْثَرُوا: يَا مُحَمَّدُ , إِنَّ الَّذِي تَقُولُ وَتَدْعُو إِلَيْهِ لَحَسَنٌ , لَوْ تُخْبِرُنَا أَنَّ لِمَا عَمِلْنَا كَفَّارَةً) (٤) (فَقَدْ قَتَلْنَا النَّفْسَ الَّتِي حَرَّمَ اللهُ , وَدَعَوْنَا مَعَ اللهِ إِلَهًا آخَرَ , وَقَدْ أَتَيْنَا الْفَوَاحِشَ فِي الْجَاهِلِيَّةِ , فَأَنْزَلَ اللهُ: {إِلَّا مَنْ تَابَ وَآمَنَ , وَعَمِلَ عَمَلًا صَالِحًا فَأُولَئِكَ يُبَدِّلُ اللهُ سَيِّئَاتِهِمْ حَسَنَاتٍ , وَكَانَ اللهُ غَفُورًا رَحِيمًا} , قَالَ: فَهَذِهِ لِأُولَئِكَ) (٥) (يُبَدِّلُ اللهُ شِرْكَهُمْ إِيمَانًا , وَزِنَاهُمْ إِحْصَانًا , وَنَزَلَتْ: {قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللهِ , إِنَّ اللهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ} (٦)) (٧) (وَأَمَّا الَّتِي فِي سُورَةِ النِّسَاءِ , فَالرَّجُلُ إِذَا) (٨) (دَخَلَ فِي الْإِسْلَامِ) (٩) (وَعَرَفَ شَرَائِعَهُ , ثُمَّ قَتَلَ (١٠)) (١١) (فلَا تَوْبَةَ لَهُ (١٢)) (١٣) ({فَجَزَاؤُهُ جَهَنَّمُ خَالِدًا فِيهَا}) (١٤) (ثُمَّ قَالَ: وَاللهِ لَقَدْ أَنْزَلَهَا اللهُ فِي آخِرِ مَا أَنْزَلَ , وَمَا نَسَخَهَا شَيْءٌ) (١٥) (قَالَ سَعِيدٌ: فَذَكَرْتُهُ لِمُجَاهِدٍ فَقَالَ: إِلَّا مَنْ نَدِمَ (١٦)) (١٧).

ترجمہ:

سعید بن جبیر کہتے ہیں: مجھے عبدالرحمٰن بن ابزی نے حکم دیا کہ میں ابن عباس رضی اللہ عنہما سے ان دو آیتوں کے بارے میں پوچھوں کہ ان کا معاملہ کیا ہے:

{اور جو اللہ کے ساتھ کسی بھی دوسرے معبود کی عبادت نہیں کرتے، اور جس جان کو اللہ نے حرمت بخشی ہے، اسے ناحق قتل نہیں کرتے، اور نہ وہ زنا کرتے ہیں، اور جو شخص بھی یہ کام کرے گا، اسے اپنے گناہ کے وبال کا سامنا کرنا پڑے گا۔ قیامت کے دن اس کا عذاب بڑھا بڑھا کر دگنا کردیا جائے گا، اور وہ ذلیل ہو کر اس عذاب میں ہمیشہ ہمیشہ رہے گا۔ ہاں مگر جو کوئی توبہ کرلے، ایمان لے آئے، اور نیک عمل کرے تو اللہ ایسے لوگوں کی برائیوں کو نیکیوں میں تبدیل کردے گا، اور اللہ بہت بخشنے والا، بڑا مہربان ہے۔} (١)

{اور جو شخص کسی مسلمان کو جان بوجھ کر قتل کرے تو اس کی سزا جہنم ہے جس میں وہ ہمیشہ رہے گا اور اللہ اس پر غضب نازل کرے گا اور لعنت بھیجے گا، اور اللہ نے اس کے لیے زبردست عذاب تیار کر رکھا ہے۔} (٢)۔

کہا: میں نے ابن عباس رضی اللہ عنہما سے پوچھا، تو انہوں نے فرمایا: جب سورۃ الفرقان والی آیت نازل ہوئی (٣) تو اہل مکہ کے مشرکین میں سے کچھ لوگوں نے، جنہوں نے بہت زیادہ قتل کیا تھا اور بہت زیادہ زنا کیا تھا، کہا: اے محمد! جو بات آپ کہتے ہیں اور جس کی دعوت دیتے ہیں وہ یقیناً اچھی ہے، کاش آپ ہمیں بتائیں کہ ہمارے اعمال کا کوئی کفارہ ہے؟ (٤) ہم نے وہ نفس قتل کیا ہے جسے اللہ نے حرام کیا، ہم نے اللہ کے ساتھ دوسرے معبود کو پکارا، اور جاہلیت میں فواحش کا ارتکاب کیا۔ تو اللہ تعالیٰ نے یہ آیت نازل فرمائی:

{ہاں مگر جو کوئی توبہ کرلے، ایمان لے آئے، اور نیک عمل کرے تو اللہ ایسے لوگوں کی برائیوں کو نیکیوں میں تبدیل کردے گا، اور اللہ بہت بخشنے والا، بڑا مہربان ہے۔}

فرمایا: یہ انہی لوگوں کے لیے ہے (٥)۔ اللہ ان کے شرک کو ایمان سے اور ان کے زنا کو عفت سے بدل دیتا ہے۔ اور یہ آیت نازل ہوئی:

{کہہ دو کہ : ”اے میرے وہ بندو ! جنہوں نے اپنی جانوں پر زیادتی کر رکھی ہے، اللہ کی رحمت سے مایوس نہ ہو۔ یقین جانو اللہ سارے کے سارے گناہ معاف کردیتا ہے۔ یقینا وہ بہت بخشنے والا بڑا مہربان ہے۔} (٦) (٧)۔

اور رہی سورۃ النساء والی آیت، تو وہ شخص جب (٨) اسلام میں داخل ہو جائے (٩) اور اس کے شرائع کو جان لے، پھر قتل کرے (١٠) (١١) تو اس کے لیے توبہ نہیں (١٢) (١٣)۔

{تو اس کی سزا جہنم ہے جس میں وہ ہمیشہ رہے گا} (١٤)۔

پھر فرمایا: اللہ کی قسم! اللہ نے اسے اپنی آخری نازل کردہ آیات میں نازل فرمایا، اور کسی چیز نے اسے منسوخ نہیں کیا (١٥)۔

سعید کہتے ہیں: میں نے یہ بات مجاہد کو بتائی تو انہوں نے کہا: مگر جو نادم ہو جائے (١٦) (١٧)۔

حواشی وحوالہ جات:

حاشیہ (١): [الفرقان/68-70] یعنی سورۃ الفرقان، آیات 68 تا 70۔

حاشیہ (٢): [النساء/93] یعنی سورۃ النساء، آیت 93۔

حاشیہ (٣): (خ) 3642 — صحیح البخاری، حدیث نمبر 3642۔

حاشیہ (٤): (خ) 4532 — صحیح البخاری، حدیث نمبر 4532۔

حاشیہ (٥): (خ) 3642، (م) 122 — صحیح البخاری 3642 اور صحیح مسلم 122۔

حاشیہ (٦): [الزمر/53] یعنی سورۃ الزمر، آیت 53۔

حاشیہ (٧): (س) 4003، (خ) 4532 — السنن الصغرى للنسائي 4003 اور صحیح البخاری 4532۔

حاشیہ (٨): (خ) 3642 — صحیح البخاری 3642۔

حاشیہ (٩): (م) 3023 — صحیح مسلم 3023۔

حاشیہ (١٠): ابن عباس رضی اللہ عنہما کا مقصود یہ ہے کہ سورۃ الفرقان والی آیت اہل شرک کے بارے میں نازل ہوئی، اور سورۃ النساء والی آیت اہل اسلام کے بارے میں نازل ہوئی، یعنی وہ لوگ جنہوں نے اسلام کے احکام اور قتل کی حرمت کو جان لیا۔ پس ابن عباس رضی اللہ عنہما نے دونوں آیتوں کا محل الگ الگ قرار دیا۔

بخاری کی ایک روایت میں ہے: ابن عباس رضی اللہ عنہما نے فرمایا: ”یہ (فرقان والی) مکی ہے، میرا خیال ہے کہ اسے مدنی آیت نے منسوخ کیا ہے، جو سورۃ النساء میں ہے۔“

اس روایت سے ظاہر ہوتا ہے کہ ابن عباس رضی اللہ عنہما کے نزدیک دونوں آیتوں کا محل ایک ہی ہے۔ حافظ ابن حجر نے «فتح الباری» میں فرمایا: ابن عباس رضی اللہ عنہما کبھی دونوں آیتوں کو ایک ہی محل میں رکھتے ہیں، اسی لیے ایک کی نسخ دوسری سے بتا دیتے ہیں، اور کبھی دونوں کا محل الگ الگ قرار دیتے ہیں۔

ان کے دونوں اقوال میں یوں جمع کیا جا سکتا ہے کہ سورۃ الفرقان والی آیت کے عمومی حکم میں سے مومن کو جان بوجھ کر قتل کرنے کا ارتکاب خاص کر دیا گیا ہے۔ سلف میں بہت سے لوگ «نسخ» کا لفظ «تخصیص» کے معنی میں بھی استعمال کرتے ہیں۔ یہ تطبیق اس سے بہتر ہے کہ ابن عباس رضی اللہ عنہما کے کلام کو متناقض سمجھا جائے، اور اس سے بھی بہتر ہے کہ یہ دعویٰ کیا جائے کہ انہوں نے پہلے نسخ کہا، پھر اس سے رجوع کر لیا۔

ماخذ: عون المعبود، ج 9، ص 309۔

حاشیہ (١١): (خ) 3642 — صحیح البخاری 3642۔

حاشیہ (١٢): یہی مشہور قول ابن عباس رضی اللہ عنہما سے منقول ہے۔ اور ابن عباس رضی اللہ عنہما کے اسی موقف کے مطابق بہت سی احادیث آئی ہیں:

ان میں سے ایک وہ ہے جو احمد اور نسائی نے معاویہ رضی اللہ عنہ سے روایت کی ہے، وہ کہتے ہیں: میں نے رسول اللہ ﷺ کو فرماتے سنا: ”ہر گناہ ایسا ہے کہ اللہ اسے معاف فرما دے، سوائے اس شخص کے جو کافر حالت میں مرے، اور اس شخص کے جو مومن کو جان بوجھ کر قتل کرے۔“

تمام اہل سنت، صحابہ، تابعین اور ان کے بعد والوں کا مذہب یہ ہے کہ اس باب میں جو روایات آئی ہیں وہ تغلیظ یعنی عذاب کی شدت بیان کرنے پر محمول ہیں، اور انہوں نے قاتل کی توبہ کو دوسرے گناہگاروں کی طرح صحیح قرار دیا ہے۔ وہ کہتے ہیں: «فَجَزَاؤُهُ جَهَنَّمُ» کا معنی یہ ہے کہ اگر اللہ اسے سزا دینا چاہے تو دے گا۔ انہوں نے سورۃ النساء ہی کی اس آیت سے استدلال کیا:

{إِنَّ اللهَ لَا يَغْفِرُ أَنْ يُشْرَكَ بِهِ وَيَغْفِرُ مَا دُونَ ذَلِكَ لِمَنْ يَشَاءُ}

یعنی اللہ شرک کے سوا جسے چاہے معاف فرما دیتا ہے۔

اس کی دلیل میں بنی اسرائیل والے شخص کی مشہور حدیث ہے، جس نے ننانوے نفس قتل کیے، پھر سو پورے کرنے کے لیے ایک شخص سے پوچھا، اس نے کہا: توبہ نہیں، تو اسے قتل کر دیا، اس طرح سو پورے کر دیے۔ پھر ایک اور شخص کے پاس آیا، اس نے کہا: تمہارے اور توبہ کے درمیان کون حائل ہو سکتا ہے؟ یہ حدیث مشہور ہے۔

جب یہ ثابت ہے کہ اس امت سے پہلے والوں میں سے کسی کی توبہ قبول ہوئی، تو اس امت کے لیے تو اور زیادہ اولیٰ ہے، کیونکہ اللہ تعالیٰ نے ان پر وہ بوجھ ہلکے کیے جو پہلے لوگوں پر تھے۔

ماخذ: فتح الباری، ج 13، ص 282۔

حاشیہ (١٣): (م) 3023، (خ) 4486 — صحیح مسلم 3023 اور صحیح البخاری 4486۔

حاشیہ (١٤): (خ) 3642 — صحیح البخاری 3642۔

حاشیہ (١٥): (م) 3023، 4314 — صحیح مسلم 3023 اور 4314۔

حاشیہ (١٦): یعنی اس کے لیے بھی توبہ ہے۔

ماخذ: عون المعبود، ج 9، ص 309۔

حاشیہ (١٧): (خ) 3642 — صحیح البخاری 3642۔

[ماخذِ کتاب: الجامع الصحيح للسنن والمسانيد: 20/359]

قرآن سے شواہد

سورۃ الفرقان 25:68-70: شرک، ناحق قتل اور زنا کے بعد بھی سچی توبہ، ایمان اور نیک عمل سے اللہ تعالیٰ برائیوں کو نیکیوں میں بدل دیتا ہے۔

سورۃ النساء 4:93: مومن کو جان بوجھ کر قتل کرنے کی انتہائی سنگینی اور وعید کو بیان کرتی ہے۔

سورۃ النساء 4:48: شرک کے سوا دیگر گناہوں کی مغفرت اللہ کی مشیت کے تحت ہے۔

سورۃ الزمر 39:53: اللہ کی رحمت سے مایوس نہ ہونے اور تمام گناہوں کی مغفرت کا اعلان۔

حاصل اسباق و نکات

دونوں آیتوں کا مصداق الگ الگ ہے: فرقان والی آیت مشرکین کے لیے، نساء والی آیت اسلام جاننے کے بعد جان بوجھ کر قتل کرنے والے کے لیے۔

اسلام سے پہلے کے گناہوں کے لیے سچی توبہ کا دروازہ کھلا ہے۔

اسلام کے بعد جان بوجھ کر قتل کی سنگینی کم نہیں ہوتی؛ «لا توبة له» وعید کی شدت کے لیے ہے۔

سلف کے ہاں «نسخ» کا لفظ کبھی «تخصیص» کے معنی میں بھی آتا ہے۔

صحابہ وتابعین کا علمی ورثہ سوال، تحقیق، روایت اور تطبیق پر مبنی تھا۔

دوسری تفسیر حدیث سے (قیامت میں برائیوں کا نیکیوں میں بدلنا):

(حديث قدسي) - حَدَّثَنَا ابْنُ أَبِي رَجَاءٍ الْمِصِّيصِيُّ ، قَالَ : ثنا وَكِيعٌ ، قَالَ : ثنا الأَعْمَشُ ، عَنِ الْمَعْرُورِ بْنِ سُوَيْدٍ ، عَنْ أَبِي ذَرٍّ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " يُؤْتَى بِالرَّجُلِ يَوْمَ الْقِيَامَةِ ، فَيُقَالُ : اعْرِضُوا عَلَيْهِ صِغَارَ ذُنُوبِهِ ، وَيَخْبَأُ عَنْهُ كِبَارُهَا ، فَيُقَالُ : عَمِلْتَ يَوْمَ كَذَا كَذَا وَكَذَا ، وَعَمِلْتَ يَوْمَ كَذَا وَكَذَا ، وَعَمِلْتَ يَوْمَ كَذَا وَكَذَا ثَلاثَ مَرَّاتٍ ، قَالَ : وَهُوَ مُقِرٌّ لَيْسَ بِمُنْكِرٍ ، وَهُوَ مُشْفِقٌ مِنَ الْكَبَائِرِ أَنْ تَجِيءَ ، قَالَ : فَإِذَا أَرَادَ اللَّهُ بِهِ خَيْرًا ، قَالَ : أَعْطُوهُ مَكَانَ كُلِّ سَيِّئَةٍ حَسَنَةً ، فَيَقُولُ : يَا رَبِّ إِنَّ لِي ذَنُوبًا مَا رَأَيْتُهَا هَاهُنَا ، فَلَقَدْ رَأَيْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَضْحَكُ حَتَّى بَدَتْ نَوَاجِذُهُ ، ثُمَّ تَلا رَسُولُ اللَّهِ صَلَّى اللَّهُ عَلَيْهِ وَسَلَّمَ : فَأُولَئِكَ يُبَدِّلُ اللَّهُ سَيِّئَاتِهِمْ حَسَنَاتٍ (سورة الفرقان آية 70) " .

ترجمہ :

(حدیث قدسی یعنی وہ حدیث ہے جو اللہ کے رسول صلی اللہ علیہ وسلم اللہ تعالیٰ کی طرف نسبت کرتے ہوئے بیان فرماتے ہیں)

حضرت ابوذرؓ سے مروی ہے کہ نبی کریمؐ نے ارشاد فرمایا:

قیامت کے دن ایک آدمی کو لایا جائے گا اور کہا جائے گا کہ اس کے سامنے اس کے چھوٹے چھوٹے گناہوں کو پیش کرو (چنانچہ اس کے سامنے صغیرہ گناہ لائے جائیں گے) اور کبیرہ گناہ چھپا لیے جائیں گے، اور اس سے کہا جائے گا کہ تم نے فلاں فلاں دن ایسا ایسا کیا تھا اور  فلاں فلاں دن ایسا ایسا کیا تھا اور فلاں فلاں دن ایسا ایسا کیا تھا  اور فلاں فلاں دن ایسا ایسا کیا تھا تین مرتبہ۔

(آگے) فرمایا:

وہ ہر گناہ کا اقرار کرے گا کسی کا بھی انکار نہیں کرے گا اور کبیرہ گناہوں کے آنے کے خوف سے ڈر رہا ہوگا۔

آپ ﷺ نے فرمایا:

پھر ارادہ فرمائے گا الله اس سے بھلائی کا، تو حکم ہوگا کہ ہر گناہ کے بدلے اسے ایک نیکی دے دو۔

وہ کہے گا کہ اے میرے رب! میرے بہت سے گناہ ایسے ہیں جنہیں ابھی تک میں نے دیکھا ہی نہیں ہے۔

حضرت ابوذرؓ کہتے ہیں کہ اس بات پر میں نے نبی کریم ﷺ کو اتنا ہنستے ہوئے دیکھا کہ دندانِ مبارک ظاہر ہوگئے۔

پھر (یہ آیت) نبی ﷺ نے تلاوت فرمائی:

۔۔۔سو ان کو بدل دے گا، اللہ برائیوں کی جگہ بھلائیاں اور ہے اللہ بخشنے والا مہربان.

(سورۃ الفرقان :70)

[صحیح مسلم:190، سنن ترمذی:2596،۔صحیح ابن حبان:7375]

[مستخرج أبي عوانة » كِتَابُ الإِيمَانِ » بَيَانٌ فِي رُؤْيَةِ رَبِّ الْعِزَّةِ يَوْمَ الْقِيَامَةِ ...,رقم الحديث: 435(503)]

[المعجم الكبير للطبراني » ‌‌عَطَاءٌ، عَنِ ابْنِ عَبَّاسٍ » رقم الحديث: 11480+12501]

[تفسير الطبري(م310ھ):19/ 312-سورۃ الفرقان:70]

[تفسير البغوي-(م516ھ) : «حدیث1573» ج3 / ص458 - إحياء التراث]

[تفسير الثعلبي، تفسير السمعاني، تفسير القرطبي، تفسير الخازن، تفسير ابن كثير]

تشریح:

قاری رحمہ اللہ نے کہا: یہ یا تو اس لیے ہے کہ وہ اللہ تعالیٰ کی طرف تائب ہے، اور اللہ تعالیٰ نے فرمایا ہے: {إِلَّا مَنْ تَابَ وَآمَنَ وَعَمِلَ عَمَلًا صَالِحًا فَأُولَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُورًا رَحِيمًا} [الفرقان: 70] یعنی ”مگر جو توبہ کرے اور ایمان لائے اور نیک عمل کرے، تو ایسے لوگوں کی برائیوں کو اللہ نیکیوں سے بدل دے گا، اور اللہ بڑا بخشنے والا، رحم کرنے والا ہے۔“

قاری نے کہا: لیکن یہ اشکال ہے کہ وہ جہنم سے سب سے آخری نکلنے والا کیسے ہوگا؟ اور یہ کہا جا سکتا ہے کہ اس نے توبہ کے بعد ایسے گناہ کیے جن سے عذاب مستحق ہوا، اور اس کے لیے تبدیلی کا واقع ہونا رب الارباب کی فضل کے باب سے ہے۔ قاری نے کہا: دوسرا جواب زیادہ ظاہر ہے، اور اس کی تائید یہ ہے کہ اس وقت اس نے اللہ سبحانہ وتعالیٰ کے کرم میں طمع کی۔ ختم ہوا۔ (المرقاة: 9/553)۔

”فَيَقُولُ“ وہ آدمی، جب اللہ تعالیٰ کے فضل کی وسعت اور اس کے عظیم احسان کو دیکھے گا، باوجود اس کے کہ اس نے اللہ کے ساتھ بہت زیادتی کی ہے، کہے گا: ”رَبِّ“ حرف نداء حذف ہونے کے ساتھ، یعنی اے رب! جیسے حریری رحمہ اللہ نے ”ملحة الإعراب“ میں کہا:

”وَحَذْفُ يَا يَجُوزُ فِي النِّدَاءِ … كَقَوْلِهِمْ: رَبِّ اسْتَجِبْ دُعَائِي“

یعنی نداء میں ”یا“ کا حذف جائز ہے، جیسے ان کا قول: ”اے رب، میری دعا قبول فرما“۔

”قَدْ عَمِلْتُ أَشْيَاءَ“ یعنی میں نے بڑے گناہ کیے، ”لَا أَرَاهَا هَاهُنَا“ یعنی میں انہیں یہاں نہیں دیکھتا، یعنی اعمال کے صحیفوں میں یا تبدیلی کے مقام میں۔ حضرت ابوذر رضی اللہ عنہ نے کہا: ”فَلَقَدْ رَأَيْتُ رَسُولَ اللهِ ﷺ ضَحِكَ حَتَّى بَدَتْ نَوَاجِذُهُ“ یعنی میں نے رسول اللہ ﷺ کو دیکھا کہ آپ ہنسے حتیٰ کہ آپ کے نواجذ ظاہر ہو گئے۔ ابو عوانہ کی روایت میں اضافہ ہے: ”ثُمَّ تَلَا رَسُولُ اللهِ ﷺ: {فَأُولَئِكَ يُبَدِّلُ اللَّهُ سَيِّئَاتِهِمْ حَسَنَاتٍ}“ یعنی پھر رسول اللہ ﷺ نے یہ آیت تلاوت فرمائی: ”تو ایسے لوگوں کی برائیوں کو اللہ نیکیوں سے بدل دے گا۔“

”النواجذ“ ”ناجذ“ کی جمع ہے، اور وہ دانت جو ڈاڑھ اور ناب کے درمیان ہوتا ہے۔ ثعلب نے کہا: مراد ناب (canine teeth) ہیں۔ اور کہا گیا: ناجذ آخری ڈاڑھ ہے، یعنی عقل کی ڈاڑھ، کیونکہ یہ بلوغ اور عقل کی تکمیل کے بعد نکلتی ہے۔ اور کہا گیا: تمام ڈاڑھیں نواجذ ہیں۔ ”البارع“ میں کہا گیا: نواجذ انسان اور حافر (سُم والے جانور) کے ہوتے ہیں، اور ذوات الخف (اونٹ وغیرہ) میں یہ ناب ہوتے ہیں۔ ختم ہوا۔

نبی ﷺ نے صرف اس آدمی کی اس طمع پر تعجب سے ہنسی فرمائی کہ وہ اپنے بڑے گناہوں کے بدلے نیکیاں ملنے کی امید رکھتا ہے، حالانکہ پہلے وہ ان پر مؤاخذے سے شدید خوف میں تھا۔ واللہ تعالیٰ اعلم بالصواب، وإلیہ المرجع والمآب، وهو المستعان، وعلیہ التکلان۔

اس حدیث سے متعلق دو مسائل:

(پہلا مسئلہ): حضرت ابوذر رضی اللہ عنہ کی یہ حدیث مصنف (امام مسلم) رحمہ اللہ کی منفرد روایات میں سے ہے۔

(دوسرا مسئلہ): اس کی تخریج میں:

اسے (مصنف) نے یہاں ”الإيمان“ میں [90/474 و 475] (190) پر روایت کیا، اور (ترمذی) نے ”صفة جهنم“ (2596) میں اور ”الشمائل“ (229) میں، اور (احمد) نے ”مسند“ (5/571 و 170) میں، اور (ابن حبان) نے ”صحیح“ (7375) میں، اور (ابو عوانہ) نے ”مسند“ (434 و 435) میں، اور (ابو نعیم) نے ”مستخرج“ (471) میں، اور (ابن مندہ) نے ”الإيمان“ (847 و 848 و 849) میں، اور (بیہقی) نے ”الأسماء والصفات“ (ص 54) میں، اور (بغوی) نے ”شرح السنة“ (4360) میں روایت کیا۔ واللہ تعالیٰ اعلم بالصواب، وإلیہ المرجع والمآب، وهو المستعان، وعلیہ التکلان۔

[البحر المحیط الثجاج فی شرح صحیح الإمام مسلم بن الحجاج: 5/266]

نوٹ:

اس آیت میں مذکور فضیلت سے مراد عام طور پر گناہوں کی معافی اور برائیوں کے نیکیوں میں بدل جانے کا وعدہ ہے۔ اس مکمل فضیلت کے حصول کے لیے تین بنیادی امور ہیں:

(1) توبہ: یعنی گناہ کو فوراً چھوڑ دینا، دل میں نادم و شرمندہ ہونا، آئندہ گناہ نہ کرنے کا پختہ عزم کرنا، اور اگر گناہ کا تعلق بندوں کے حقوق سے ہو تو حق واپس کرنا یا صاحبِ حق سے معافی مانگنا۔ اگر گناہ اعلانیہ ہو اور اس سے دوسروں کی گمراہی یا دل آزاری ہوئی ہو تو حتیٰ الامکان اس کی اصلاح اور وضاحت بھی توبہ میں شامل ہوگی۔

(2) ایمان: یعنی اللہ، اس کے فرشتوں، کتابوں، رسولوں، آخرت اور تقدیر پر دل سے یقین رکھنا؛ گناہ کو برا اور حرام ماننا؛ اس کی برائی اور نقصان کو جاننا؛ اور کفر و انکار سے باز آنا۔ محض "گناہ کو برا ماننا" ایمان کی مکمل تعریف نہیں، بلکہ ایمان اس سے کہیں وسیع ہے۔

(3) عمل صالح: یعنی فرائض و واجبات کی پابندی، حرام سے اجتناب، اور اللہ کی رضا کے لیے نیک اعمال جاری رکھنا۔ اس میں نماز، روزہ، زکوٰۃ، والدین کے ساتھ حسنِ سلوک، سچائی، امانت داری، اور صبح و شام اللہ کی یاد و استغفار کی عادت سب شامل ہیں۔

لہٰذا جس شخص میں ان میں سے کسی بنیادی عنصر کی کمی ہوگی، اسے آیت میں مذکور مکمل فضیلت حاصل نہیں ہوگی۔ مثلاً اگر کسی نے بندوں کے حقوق میں ظلم کیا اور ان کے حقوق ادا نہ کیے، تو اس گناہ کی مکمل توبہ نہیں ہوگی۔ اسی طرح اگر کسی نے گناہ کے گناہ ہونے کا اقرار ہی نہ کیا، یا ایمانیات کی ضروری باتوں کا انکار کیا، تو وہ ایمان کے تقاضے پورے نہیں کر رہا۔

تاہم یہ یاد رکھنا چاہیے کہ اللہ کی رحمت وسیع ہے؛ اگر کوئی مخلصانہ کوشش کے باوجود کسی کمی کا شکار ہو جائے تو اللہ اسے معاف بھی کر سکتا ہے۔ اس لیے "مکمل فضیلت" اور "بنیادی قبولیت" میں فرق رکھنا چاہیے۔

خاص اعمال

(1)مجالسِ ذکر وعلم کی فضیلت:

حضرت انس بن مالک سے روایت ہے کہ رسول الله ﷺ نے ارشاد فرمایا:

ما من قوم اجتمعوا يذكرون الله عز وجل لا يريدون بذلك إلا وجهه؛ إلا ناداهم منادٍ من السماء: أن قوموا مغفوراً لكم، قد بُدِّلَتْ سيئاتُكم حسناتٍ۔
ترجمہ:

جو قوم جمع ہو اللہ کے ذکر کے لئے ، نہ ہو ان کا ارادہ اس میں سوائے اس(الله)کی رضا کے، تو آسمان سے ایک پکارنے والا پکارتا ہے کہ اٹھو! اللہ نے تمہیں بخش دیا، تمہاری برائیاں بھلائیوں سے بدل گئیں۔

[صحيح الترغيب والترهيب:1504، الترغيب في فضائل الأعمال وثواب ذلك لابن شاهين:160، مسند أبي يعلى الموصلي:4141، الأحاديث المختارة:2675، مسند البزار:6467، مسند احمد:12453، ا لمعجم الأوسط-الطبراني:1556، مجمع الزوائد:16764]

تفسیر ابن کثیر»سورۃ الکھف:28

یہ حدیث حضرت عبدالله بن مغفل اور حضرت سہیل بن حنظلہ سے بھی روایت کی گئی ہے۔

[الصَّحِيحَة:2210، صحيح الجامع:5610،

شعب الإيمان-البيهقي:530+684، مصنف ابن أبي شيبة:29477+35713، المعجم الكبير للطبراني:6039]

حضرت سہیل بن حنظلہ سے روایت ہے کہ رسول الله ﷺ نے ارشاد فرمایا:

«مَا جَلَسَ قَوْمٌ مَجْلِسًا يَذْكُرُونَ اللهَ عَزَّ وَجَلَّ فِيهِ، فَيَقُومُونَ حَتَّى يُقَالَ لَهُمْ قُومُوا، قَدْ غَفَرَ اللهُ لَكُمْ ذُنُوبَكُمْ، وبُدِّلَتْ سَيِّئَاتُكُمْ حَسَنَاتٍ»

ترجمہ:

کوئی قوم اللہ کا ذکر کرنے نہیں بیٹھتی پھر وہ فارغ ہوتی ہے مگر یہاں تک ان کو کہا جاتا ہے کہ اٹھو، اللہ نے تمہارے گناہوں کی مغفرت کردی اور تمہاری برائیوں کو نیکیوں میں بدل دیا۔

[مصنف ابن ابی شیبہ:29477-35713، طبرانی:6039، شعب الإيمان-للبيهقي:683-684، صحيح الجامع الصغير:5610]

حضرت انس بن مالک سے بھی روایت ہے کہ رسول اللہ ﷺ نے ارشاد فرمایا:

مَا مِنْ قَوْمٍ اجتمعوا يذكرون اللهَ، لَا يُرِيدُونَ بِذَلِكَ إِلَّا وَجْهَهُ، إِلَّا نَادَاهُمْ مُنَادٍ مِنَ السَّمَاءِ: أَنْ قُومُوا مَغْفُورًا لَكُمْ، قَدْ بُدِّلَتْ سَيِّئَاتُكُمْ حسنات

ترجمہ:

”کوئی بھی گروہ ایسا نہیں جو اللہ کا ذکر کرنے کے لیے جمع ہو، اور اس سے صرف اللہ کی رضا کا ارادہ رکھتا ہو، مگر آسمان سے ایک منادی کرنے والا انہیں پکارتا ہے: ’اٹھ جاؤ، تمہیں بخش دیا گیا، تمہاری برائیاں نیکیوں سے بدل دی گئیں۔‘“

[احمد:12453، البزار:6467، ابویعلیٰ:4141، الترغیب لابن شاھین:160، شعب الایمان-للبیھقی:530، الاحادیث المختارۃ:2678]

﴿المعجم الأوسط-الطبرانی:1556، جامع الاحادیث-للسیوطی:20652﴾

(الصَّحِيحَة:2210 , صَحِيح التَّرْغِيبِ وَالتَّرْهِيب: 1504)

شرح للمناوی:

"(کوئی قوم اللہ تعالیٰ کا ذکر کرتے ہوئے نہیں بیٹھتی مگر یہ کہ آسمان سے ایک پکارنے والا انہیں پکارتا ہے: اٹھو، تمہاری بخشش ہو گئی) یعنی جب مجلس ختم ہو اور تم اٹھو تو تمہاری یہ حالت ہو کہ تم بخشے جا چکے ہو، مراد چھوٹے گناہ ہیں۔ اس سے یہ مراد نہیں کہ ذکر چھوڑ کر فوراً اٹھ جانے کا حکم ہے۔ (احمد اور ضیاء نے حضرت انس رضی اللہ عنہ سے ایک صحیح سند کے ساتھ روایت کیا ہے)"

"(کوئی قوم اللہ تعالیٰ کا ذکر کرتے ہوئے نہیں بیٹھتی یہاں تک کہ ان سے کہا جاتا ہے: اٹھو، بیشک اللہ نے تمہارے گناہ معاف کر دیے ہیں اور تمہاری برائیاں نیکیوں سے بدل دی گئی ہیں) یعنی جب اس کے ساتھ صحیح توبہ بھی شامل ہو۔ (طبرانی، ہبیرہ اور ضیاء نے حضرت سہل بن حنظلہ رضی اللہ عنہ سے ایک حسن سند کے ساتھ روایت کیا ہے)"

[التيسير بشرح الجامع الصغير للمناوي: 2/347]

---

حاصل شدہ اسباق ونکات:

1. مجلس ذکر کی عظمت: اللہ تعالیٰ کے ذکر کے لیے بیٹھنے والی ہر جماعت کو آسمانی پکار کے ذریعے مغفرت کی بشارت دی جاتی ہے، جو اجتماعی عبادت کی فضیلت کو ظاہر کرتا ہے۔

2. مغفرت کا وعدہ: ذکر الٰہی کی محفلوں میں شرکت کرنے والوں کے لیے خاص مغفرت کا وعدہ، جو چھوٹے گناہوں کے معاف ہونے پر مشتمل ہے۔

3. شرط کمال: صحیح توبہ: دوسری حدیث میں واضح کیا گیا ہے کہ گناہوں کے نیکیوں میں بدلنے کی یہ فضیلت اس وقت حاصل ہوتی ہے جب ذکر کے ساتھ "صحیح توبہ" بھی موجود ہو۔ یعنی ندامت، گناہ ترک کرنا اور آئندہ نہ کرنے کا عزم۔

4. ذکر سے محبت اور استقامت: احادیث میں "جب مجلس ختم ہو اور تم اٹھو" کے الفاظ سے اشارہ ملتا ہے کہ ذکر کی محفل کو برقرار رکھنا اور اسے جلد ترک نہ کرنا مطلوب ہے۔

5. سند کی قوت: پہلی حدیث کی سند صحیح اور دوسری کی سند حسن قرار دی گئی ہے، جو دونوں احادیث کے قابل اعتماد ہونے کی دلیل ہے۔

6. عمل کی جامعیت: یہ احادیث ایمان کے تین اہم ستونوں کو جمع کرتی ہیں: ذکر (اللہ سے تعلق)، توبہ (گناہوں سے پاکیزگی) اور اجتماعیت (باہمی روحانی رابطہ)۔

7. اللہ کی رحمت کی وسعت: گناہوں کو نیکیوں میں بدلنا اللہ تعالیٰ کی بے انتہا رحمت اور کرم کی عکاسی کرتا ہے، جو بندے کی ذرا سی محنت کو کئی گنا بڑھا کر قبول فرماتا ہے۔

خلاصہ: یہ احادیث اور ان کی تشریح ہمیں سکھاتی ہے کہ اللہ کے ذکر کی اجتماعی محفلیں قربِ الٰہی، مغفرت اور روحانی ترقی کا ذریعہ ہیں، بشرطیکہ انہیں خلوصِ نیت اور صحیح توبہ کے ساتھ اختیار کیا جائے۔

فجر اور عصر کے بعد ذکر ودعا کرنے کی فضیلت:

القرآن:

اور اپنے آپ کو استقامت سے ان لوگوں کے ساتھ رکھو جو صبح و شام اپنے رب کو اس لیے پکارتے ہیں کہ وہ اس کی خوشنودی کے طلبگار ہیں۔ (22) اور تمہاری آنکھیں دنیوی زندگی کی خوبصورتی کی تلاش میں ایسے لوگوں سے ہٹنے نہ پائیں۔ اور کسی ایسے شخص کا کہنا نہ مانو جس کے دل کو ہم نے اپنی یاد سے غافل کر رکھا ہے، اور جو اپنی خواہشات کے پیچھے پڑا ہوا، اور جس کا معاملہ حد سے گزر چکا ہے۔

[سورۃ الکھف:28]

تفسیر:

22: بعض کفار کا مطالبہ یہ بھی تھا کہ جو غریب اور کم حیثیت لوگ آنحضرت ﷺ کے ساتھ رہتے ہیں، اگر آپ انہیں اپنے پاس سے ہٹادیں تو ہم آپ کی بات سننے کو تیار ہوں گے، موجودہ حالت میں ہم ان غریبوں کے ساتھ بیٹھ کر آپ کی کوئی بات نہیں سن سکتے، یہ آیت اس مطالبے کو رد کرکے آنحضرت ﷺ کو ہدایت دے رہی ہے کہ آپ اس مطالبے کو نہ مانیں اور اپنے غریب صحابہ کی رفاقت نہ چھوڑیں، اور اس ضمن میں ان غریب صحابہ کرام کی فضیلت اور ان کے مقابلے میں ان مالدار کافروں کی برائی بیان فرمائی گئی ہے۔ یہی مضمون سورة انعام (6۔ 52) میں بھی گزرچکا ہے۔

(2)کثرت گناہوں کے باوجود سچی توبہ کی فضیلت اور رحمتِ الٰہی سے ناامید نہ ہونا:

حضرت ابو ہریرہ‌ؓ سے مروی ہے کہ رسول اللہ ‌ﷺ ‌نے فرمایا:

«لَيَتَمَنَّيَنَّ أَقْوَامٌ لَوْ أَكْثَرُوا مِنَ السَّيِّئَاتِ» قَالُوا: بِمَ يَا رَسُولَ اللَّهِ؟ قَالَ: «الَّذِينَ بَدَّلَ اللَّهُ سَيِّئَاتِهِمْ حَسَنَاتٍ»

ترجمہ:

کچھ لوگ تمنا کریں گے کہ کاش وہ بہت زیادہ برائیاں کرتے، صحابہ نے کہا: اے اللہ کے رسول ﷺ ! کس وجہ سے؟ آپ ﷺ ‌نے فرمایا: وہ لوگ جن کی برائیوں کو اللہ تعالیٰ نیکیوں میں بدل دے گا۔

[مستدرك الحاكم:7643، صَحِيح الْجَامِع: 5359، الصَّحِيحَة: 2177]

شرح للمناوی:

”(توبہ کرنے والوں میں سے کچھ لوگ تمنا کریں گے) کہ کاش انہوں نے (گناہ) زیادہ کیے ہوتے۔“ گویا پوچھا گیا: وہ کون ہیں؟ فرمایا: ”وہ لوگ جن کی برائیوں کو اللہ عز وجل نیکیوں میں بدل دے گا۔“

حدیث کا ظاہری مفہوم یہ ہے کہ خود گناہوں کی حقیقتوں/چیزوں کو نیکیوں سے بدل دیا جائے گا۔ اور ”الکشاف“ میں ہے کہ ”سیئات کو حسنات سے بدلنے“ سے مراد یہ ہے کہ اللہ تعالیٰ توبہ کے ذریعے انہیں مٹا دے گا اور ان کی جگہ نیکیاں یعنی ایمان، اطاعت اور تقویٰ قائم کر دے گا۔ اور کہا گیا ہے: اللہ ان کے شرک کے بدلے ایمان، مسلمانوں کے قتل کے بدلے مشرکوں کے قتل، اور زنا کے بدلے عفت اور پاکدامنی (یا شادی شدہ ہونے) کو بدل دے گا۔ یہ الزمخشری کا کلام ہے۔

اور یہ حدیث اگر صحیح ہو تو آیت کی تفسیر میں اصل/بنیاد ہے۔ (اسے حاکم نے 2/252 میں روایت کیا، اور البانی نے ”صحیح الجامع“ 5359 میں حسن کہا) حضرت ابوہریرہ رضی اللہ عنہ سے؛ مصنف نے اس کی صحت کی طرف رمز سے اشارہ کیا ہے۔

[التنویر شرح الجامع الصغیر – الصنعانی: 9/213]

"(ليتمنين أقوام لو أكثروا من السيئات)یعنی اس (کثرتِ گناہ) کے کرنے والے لوگ۔ پوچھا گیا: اے اللہ کے رسول! وہ کون ہیں؟ آپ نے فرمایا: (وہ لوگ جن کے گناہوں کو اللہ نے نیکیوں سے بدل دیا)۔ اس حدیث اور اس سے پہلی حدیث میں یہ بات ہے کہ اگر کوئی نیکی کے کام کے لیے ہو تو ناممکن چیز کی تمنا کرنا جائز ہے۔ اور ممکن ہے کہ یہاں 'تمنی' اپنے اصل معنی میں نہ ہو بلکہ اس سے مقصود اللہ کی رحمت کی وسعت کی طرف توجہ دلانا ہو۔"

[فیض القدیر للمناوی: 7549]

حاصل اسباق ونکات:

1. اللہ کی رحمت کی وسعت: اس تفسیر کا بنیادی نکتہ یہ ہے کہ اللہ تعالیٰ کی رحمت نہایت وسیع ہے، جو سچے تائب بندوں کے گناہوں کو نیکیوں میں بدل دیتی ہے۔ یہ گناہگاروں کے لیے بے پناہ امید کا پیغام ہے۔

2. تمنیٰ کی حقیقی مراد: یہاں "تمنیٰ" (آرزو) سے مراد حقیقی طور پر گناہوں کی کثرت کی خواہش نہیں، بلکہ اللہ کی خاص رحمت اور بخشش کے عظیم معیار کی طرف لوگوں کی توجہ مبذول کروانا ہے۔ یہ ایک بیانیہ انداز ہے جو رحمتِ الٰہی کی عظمت کو اجاگر کرتا ہے۔

3. توبہ کی قدر و منزلت: ان لوگوں کی نشاندہی جن کے گناہ نیکیوں میں بدل دیے جاتے ہیں، درحقیقت سچی توبہ کرنے والوں کی طرف اشارہ ہے۔ اس سے معلوم ہوتا ہے کہ اللہ کے ہاں خلوصِ نیت سے کی گئی توبہ نہ صرف گناہ مٹا دیتی ہے بلکہ اسے نیکی کی صورت میں بدل دیتی ہے۔

4. بیان کا اسلوب: کبھی کبھار احادیث میں تمثیل و تخیل کے اسلوب کو اپنایا جاتا ہے تاکہ بات مؤثر طریقے سے سمجھائی جا سکے۔ اس کا مقصد حقیقت میں ایسی چیز کی ترغیب دینا نہیں ہوتا جو ناپسندیدہ ہو، بلکہ ایک گہرے مفہوم کو واضح کرنا ہوتا ہے۔

5. تعلیمی نقطہ: یہ تفسیر ہمیں یہ سکھاتی ہے کہ احادیث کو سمجھتے وقت ظاہری الفاظ پر ہی نہ رُکا جائے، بلکہ ان کے پیچھے چھپے حکمت آمیز مقاصد اور شرعی مفاہیم کو بھی سمجھنے کی کوشش کی جائے۔

خلاصہ: یہ عبارت دراصل اللہ تعالیٰ کی بے انتہا رحمت اور توبہ قبول کرنے کے اس کے وسیع فضل کو بیان کرتی ہے۔ اس کا مقصد لوگوں کو مایوسی سے بچانا اور نیکی کی طرف راغب کرنا ہے، نہ کہ گناہوں کی کثرت کی خواہش کی ترغیب دینا۔

ﮨَﻮﺍ ﻭ ﺣِﺮﺱ ﻭﺍﻻ ﺩﻝ ﺑﺪﻝ ﺩﮮ

ﻣِﺮﺍ ﻏﻔﻠﺖ ﻣﯿﮟ ﮈُﻭﺑﺎ ﺩِﻝ ﺑﺪﻝ ﺩﮮ

ﺧﺪﺍﯾﺎ ﻓﻀﻞ ﻓﺮﻣﺎ ﺩﻝ ﺑﺪﻝ ﺩﮮ

بدل دے دل کی دنیا دل بدل دے

ﻣِﺮﺍ ﻏﻔﻠﺖ ﻣﯿﮟ ﮈُﻭﺑﺎ ﺩِﻝ ﺑﺪﻝ ﺩﮮ

ﮔﻨﮩﮕﺎﺭﯼ ﻣﯿﮟ ﮐﺐ ﺗﮏ ﻋﻤﺮ ﮐﺎﭨُﻮﮞ

ﺑﺪﻝ ﺩﮮ ﻣﯿﺮﺍ ﺭﺳﺘﮧ ﺩﻝ ﺑﺪﻝ ﺩﮮ

ﺳﻨﻮﮞ ﻣﯿﮟ ﻧﺎﻡ ﺗﯿﺮﺍ ﺩﮬﮍﮐﻨﻮﮞ ﻣﯿﮟ

ﻣﺰﮦ ﺁ ﺟﺎﮰ ﻣﻮﻻ ﺩﻝ ﺑﺪﻝ ﺩﮮ

ﮨﭩﺎﻟﻮﮞ ﺁﻧﮑﮫ ﺍﭘﻨﯽ ﻣﺎ ﺳِﻮﺍ ﺳﮯ

ﺟﯿﻮﮞ ﻣﯿﮟ ﺗﯿﺮﯼ ﺧﺎﻃﺮ ﺩﻝ ﺑﺪﻝ ﺩﮮ

ﮐﺮﻭﮞ ﻗﺮﺑﺎﻥ ﺍﭘﻨﯽ ﺳﺎﺭﯼ ﺧﻮﺷﯿﺎﮞ

ﺗﻮ ﺍﭘﻨﺎ ﻏﻢ ﻋﻄﺎ ﮐﺮ ﺩﻝ ﺑﺪﻝ ﺩﮮ

ﺳﮩﻞ ﻓﺮﻣﺎ ﻣﺴﻠﺴﻞ ﯾﺎﺩ ﺍﭘﻨﯽ

ﺧﺪﺍﯾﺎ ﺭﺣﻢ ﻓﺮﻣﺎ ﺩﻝ ﺑﺪﻝ ﺩﮮ

ﭘﮍﺍ ﮨﻮﮞ ﺗﯿﺮﮮ ﺩﺭ ﭘﮧ ﺩﻝ ﺷﮑﺴﺘﮧ

ﺭ ﮨﻮﮞ ﮐﯿﻮﮞ ﺩﻝ ﺷﮑﺴﺘﮧ ﺩﻝ ﺑﺪﻝ ﺩﮮ

ﺗﯿﺮﺍ ﮨﻮﺟﺎﺅﮞ ﺍﺗﻨﯽ ﺁﺭﺯﻭ ﮨﮯ

ﺑﺲ ﺍﺗﻨﯽ ﮨﮯ ﺗﻤﻨّﺎ ﺩﻝ ﺑﺪﻝ ﺩﮮ

ﻣﯿﺮﯼ ﻓﺮﯾﺎﺩ ﺳﻦ ﻟﮯ ﻣﯿﺮﮮ ﻣﻮﻻ

ﺑﻨﺎﻟﮯ ﺍﭘﻨﺎ ﺑﻨﺪﺍ ﺩﻝ ﺑﺪﻝ ﺩﮮ

ﺩﻝِ ﻣﻐﻤﻮﻡ ﮐﻮ ﻣﺴﺮﻭﺭ ﮐﺮﺩﮮ

ﺩﻝِ ﺑﮯ ﻧﻮﺭ ﮐﻮ ﭘُﺮ ﻧﻮﺭ ﮐﺮﺩﮮ

ﭘﮍﺍ ﮨﻮﮞ ﺗﯿﺮﮮ ﺩﺭ ﭘﮧ ﺩﻝ ﺷﮑﺴﺘﮧ

ﺭﮨﻮﮞ ﮐﯿﻮﮞ ﺩﻝ ﺷﮑﺴﺘﮧ ﺩﻝ ﺑﺪﻝ ﺩﮮ

ﺗﯿﺮﺍ ﮨﻮﺟﺎﺅﮞ ﺍﺗﻨﯽ ﺁﺭﺯﻭ ﮨﮯ

ﺑﺲ ﺍﺗﻨﯽ ﮨﮯ ﺗﻤﻨّﺎ ﺩﻝ ﺑﺪﻝ ﺩﮮ

ﭘﮍﺍ ﮨﻮﮞ ﺗﯿﺮﮮ ﺩﺭ ﭘﮧ ﺩﻝ ﺷﮑﺴﺘﮧ

ﺭہﻮﮞ ﮐﯿﻮﮞ ﺩﻝ ﺷﮑﺴﺘﮧ ﺩﻝ ﺑﺪﻝ ﺩﮮ

ﺗﯿﺮﺍ ﮨﻮﺟﺎﺅﮞ ﺍﺗﻨﯽ ﺁﺭﺯﻭ ﮨﮯ

ﺑﺲ ﺍﺗﻨﯽ ﮨﮯ ﺗﻤﻨّﺎ ﺩﻝ ﺑﺪﻝ ﺩﮮ

ﻓﺮﻭﺯﺍﮞ ﺩﻝ ﻣﯿﮟ ﺷﻤﻊِ ﻃﻮﺭ ﮐﺮﺩﮮ

ﯾﮧ ﮔﻮﺷﮧ ﻧﻮﺭ ﺳﮯ ﻣﻌﻤﻮﺭ ﮐﺮﺩﮮ

ﻣﯿﺮﺍ ﻇﺎﮨﺮ سنور ﺟﺎﺋﮯ ﺍﻟٰﮩﯽ

ﻣﯿﺮﮮ ﺑﺎﻃﻦ ﮐﯽ ﻇﻠﻤﺖ ﺩﻭﺭ ﮐﺮﺩﮮ

ﮨﮯ ﻣﯿﺮﯼ ﮔﮭﺎﺕ ﻣﯿﮟ ﺧﻮﺩ ﻧﻔﺲ ﻣﯿﺮﺍ

ﺧﺪاﯾﺎ ﺍﺳﮑﻮ ﺑﮯ ﻣﻘﺪﻭﺭ ﮐﺮﺩﮮ

ﻣﺌﮯ ﻭﺣﺪﺕ ﭘِﻼ ﻣﺨﻤﻮﺭ ﮐﺮﺩﮮ

ﻣﺤﺒﺖ ﮐﮯ ﻧﺸﮯ ﻣﯿﮟ ﭼُﻮﺭ ﮐﺮﺩﮮ

https://youtu.be/lnG461vFUNc?si=ny4bNRjkoAXd1hTx