اصول سنّت و بدعت

بدعت کیا ہے؟

(1)جو بات اللہ کی کتاب میں ہو اور محمد ﷺ کے ہدایت میں ہو، وہ دین ہے۔

[حوالہ:-سورۃ آل عمران:132، الانفال:1، النور:56]

اس کے علاؤہ اپنے خیال وخواہش سے کسی بات کو نیکی/گناہ سمجھنا بدعت (یعنی دین میں نکالی گئی نئی بات) ہے۔

[حوالہ:-سورۃ الکھف:104، الزخرف:37، الاعراف:30 (فاطر:8، محمد:14)]

حضرت جابر بن عبداللہ ؓ کہتے ہیں کہ رسول اللہ ﷺ اپنے خطبہ میں اللہ کی حمد و ثنا بیان کرتے جو اس کی شایانِ شان ہوتی، پھر آپ ﷺ فرماتے:

«مَنْ يَهْدِهِ اللَّهُ فَلَا مُضِلَّ لَهُ، وَمَنْ يُضْلِلْهُ فَلَا هَادِيَ لَهُ، إِنَّ أَصْدَقَ الْحَدِيثِ كِتَابُ اللَّهِ، وَأَحْسَنَ الْهَدْيِ هَدْيُ مُحَمَّدٍ، وَشَرُّ الْأُمُورِ مُحْدَثَاتُهَا، وَكُلُّ مُحْدَثَةٍ بِدْعَةٌ وَكُلُّ بِدْعَةٍ ضَلَالَةٌ، وَكُلُّ ضَلَالَةٍ فِي النَّارِ»
ترجمہ:

جسے اللہ راہ دکھائے تو کوئی اسے گمراہ نہیں کرسکتا، اور جسے گمراہ کر دے تو اسے کوئی ہدایت نہیں دے سکتا، سب سے سچی(بہترین) بات اللہ کی کتاب ہے، اور سب سے بہتر طریقہ محمد ﷺ کا طریقہ ہے، اور بدترین کام نئے کام ہیں، اور ہر نیا کام بدعت ہے اور ہر بدعت گمراہی ہے، اور ہر گمراہی جہنم میں لے جانے والی ہے۔

[سنن النسائي:1578، القدر للفريابي:448، صحيح ابن خزيمة:1785، الشريعة للآجري:84+408، الإبانة الكبرى - ابن بطة:1491، المسند المستخرج على صحيح مسلم لأبي نعيم:1953، المدخل إلى السنن الكبرى - البيهقي - ت الأعظمي:202،      الأسماء والصفات - البيهقي:137، الاعتقاد للبيهقي:ص229، صحيح الجامع الصغير:1353]

{مسند أحمد:14334، صحيح مسلم:867، سنن ابن ماجه:45، مسند أبي يعلى:2111، المنتقى - ابن الجارود:326،     صحيح ابن حبان: التقاسيم والأنواع:4503، الإحسان في تقريب صحيح ابن حبان:10، المسند المستخرج على صحيح مسلم لأبي نعيم:1951، السنن الكبرى - البيهقي:5753، صحيح الترغيب والترهيب:50}

تشریح:
اس دنیا سے رسول اللہ ﷺ کے رخصت ہو جانے کے بعد آپ ﷺ کی لائی ہوئی اللہ کی کتاب قرآن مجید اور آپ ﷺ کی تعلیمات جن کا معروف عنوان سنت ہے اس دنیا میں ہدایت کا مرکز و سرچشمہ اور گویا آپ ﷺ کی مقدس شخصیت کے قائم مقام ہے اور امت کی صلاح و فلاح ان کی پیروی و پابندی سے وابستہ ہے رسول اللہ ﷺ نے اس بارے میں امت کو مختلف عنوانات سے ہدایت و آگاہی دی ہے اور محدثات و بدعات سے اجتناب کی تاکید فرمائی ہے اگلی امتیں اسی لیے گمراہ ہوئی کہ محدثات و بدعات کو اپنا دین بنا لیا اسی سلسلہ میں آپ ﷺ کے چند اہم ارشادات ذیل میں درج کیے جارہے ہیں۔

حضرت جابر کی یہ حدیث صحیح مسلم میں خطبہ جمعہ کے باب میں متعدد سندوں سے روایت کی گئی ہے۔ روایت کے الفاظ سے معلوم ہوتا ہے کہ حدیث کے راوی حضرت جابر ؓٗ نے رسول اللہ ﷺ کی زبان مبارک سے خطبہ جمعہ میں یہ ارشاد بار بار سنا تھا۔ آپ ﷺ کا یہ ارشاد جوامع الکلم میں سے ہے بہت مختصر الفاظ میں امت کو وہ ہدایت دے دی گئی ہے جو قیامت تک راہ راست پر قائم رکھنے اور ہر طرح کی گمراہی سے بچانے کے لئے کافی ہے۔ اعتقادات، اعمال، اخلاق اور جذبات وغیرہ کے بارے میں انسانوں کو جس مثبت یا منفی ہدایت (نیکی کا حکم کرنے یا برائی سے روکنے) کی ضرورت ہے یقینا کتاب اللہ اور طریق محمدی اسکے پورے کفیل ہیں اس کے بعد گمراہی کا ایک دروازہ جاتا ہے کہ اللہ و رسول نے جن باتوں کو دین قرار نہیں دیا ان کو دین کا رنگ دے کر دین میں شامل کیا جائے اور قرب و رضا الہی اور فلاح و اخروی کا وسیلہ سمجھ کر اپنا لیا جائے دین کے رہزن شیطان کا سب سے خطرناک جال یہی ہے ہیں اگلی امتوں کو اس نے زیادہ تر اسی راستہ سے گمراہ کیا ہے۔ مختلف امتوں کے مشرکوں میں بت پرستی عیسائیوں میں تثلیث اور حضرت مسیح کی ابنیت و ولدیت اور کفارہ کا عقیدہ اور احبار و رہبان کو "اربابا من دون الله" بنانے کی گمراہی یہ سب اسی راستے سے آئی تھی۔ اور رسول اللہ ﷺ پر منکشف کیا گیا تھا کہ اگلی امتوں میں جو گمراہیاں آئی تھی وہ سب آپ کی امت میں بھی آئین گی اور انہی راستوں سے آئین گی۔ جن سے پہلی امتوں میں آئی تھی اس لیے آپ ﷺ اپنے مواعظ و خطبات میں بار بار یہ آگاہی دیتے تھے کہ بس کتاب اللہ اور میری سنت کا اتباع کیا جائے اور اسی میں خیر و فلاح ہے۔ اور محدثات اور بدعات سے اپنی اور دین کی حفاظت کی جائے بدعت خواہ ظاہری نظر میں کیسی ہی حسین وجمیل معلوم ہو فی الحقیقت وہ صرف ضلالت اور ہلاکت ہے۔ آپ ﷺ کا یہ ارشاد جو بقول حضرت جابر ؓٗ آپ جمعہ کے خطبوں میں بار بار فرماتے تھے اس کا یہی پیغام ہے اور اس میں یہی آگاہی دی گئی ہے۔

بدعتی شخص کی پہچان:

اللہ کے رسول ﷺ نے ارشاد فرمایا:

...وہ جو کہیں گے اس پر خود عمل نہیں کریں گے، اور (عمل) وہ کریں گے جس کا انہیں حکم نہیں دیا گیا...

[صحیح مسلم:50(179)، مسند احمد:4379]

القرآن:

...اور رھبانیت کو"ایجاد"کیا انہوں نے،نہیں کیا تھا ہم نے اس کو ان پر،صرف تلاش کرنے کیلئے اللہ کی رضا کو...

[سورۃ الحدیدہ:27]

نوٹ:

وہ بات جو ثواب کی امید سے کیا جائے جس کا حکم نہیں دیا گیا۔

دنیا کی حلال لذتیں اور زینتی کو حرام کرنا رہبانیت ہے۔

[حوالہ»سورۃ آل عمران:93، الاعراف:32]

بدعت سے بچنے کا بیان۔

حضرت عبداللہ بن عباس ؓ کہتے ہیں کہ رسول اللہ ﷺ نے فرمایا:

أَبَى اللَّهُ أَنْ يَقْبَلَ عَمَلَ صَاحِبِ بِدْعَةٍ حَتَّى يَدَعَ بِدْعَتَهُ.

ترجمہ:

انکار کیا ہے اللہ نے کہ وہ قبول کرے کوئی عمل کسی بدعتی کا جب تک کہ وہ چھوڑ نہ دے اپنی بدعت کو۔

[سنن ابن ماجہ:50، السنة-ابن أبى عاصم:37، جامع الأحاديث-للسيوطي:246]

حضرت انس سے روایت ہے کہ اللہ کے رسول ﷺ نے ارشاد فرمایا:

«إِنَّ اللَّهَ حَجَبَ التَّوْبَةَ ﴿احتجز التَّوْبَةَ﴾ ﴿حجر التوبة/إحتجب الله التَّوْبَةَ﴾ عَنْ صَاحِبِ كُلِّ بِدْعَةٍ»

ترجمہ:

بےشک اللہ نے توبہ (کی قبولیت) کو روکے رکھا ﴿پکڑ کر رکھا﴾ ﴿منع کر رکھا﴾ ہے ہر بدعت والے سے۔

[المعجم الأوسط-للطبراني:4202 ﴿الصحیحة:1620﴾ ﴿شعب الایمان-للبيهقي:9456-9457﴾]

یہ حدیث صحیح ہے۔

[ظلال الجنة-الألباني:37]

بدعت کیا ہے؟

(2)جو محمد ﷺ اور ان کے خلفاء راشدین کی سنت میں نہ ہو۔

اختلاف کے دور میں کون سی راہ پر چلیں؟

فَقَالَ الْعِرْبَاضُ: صَلَّى بِنَا رَسُولُ اللَّهِ صَلَّى اللهُ عَلَيْهِ وَسَلَّمَ ذَاتَ يَوْمٍ، ثُمَّ أَقْبَلَ عَلَيْنَا فَوَعَظَنَا مَوْعِظَةً بَلِيغَةً ذَرَفَتْ مِنْهَا الْعُيُونُ وَوَجِلَتْ مِنْهَا الْقُلُوبُ، فَقَالَ قَائِلٌ: يَا رَسُولَ اللَّهِ كَأَنَّ هَذِهِ مَوْعِظَةُ مُوَدِّعٍ، فَمَاذَا تَعْهَدُ إِلَيْنَا؟ فَقَالَ «أُوصِيكُمْ بِتَقْوَى اللَّهِ وَالسَّمْعِ وَالطَّاعَةِ، وَإِنْ عَبْدًا حَبَشِيًّا، فَإِنَّهُ مَنْ يَعِشْ مِنْكُمْ بَعْدِي فَسَيَرَى اخْتِلَافًا كَثِيرًا، فَعَلَيْكُمْ بِسُنَّتِي وَسُنَّةِ الْخُلَفَاءِ الْمَهْدِيِّينَ الرَّاشِدِينَ، تَمَسَّكُوا بِهَا وَعَضُّوا عَلَيْهَا بِالنَّوَاجِذِ، وَإِيَّاكُمْ وَمُحْدَثَاتِ الْأُمُورِ، فَإِنَّ كُلَّ مُحْدَثَةٍ بِدْعَةٌ، وَكُلَّ بِدْعَةٍ ضَلَالَةٌ»۔

ترجمہ:

حضرت عرباض(بن ساریہؓ) نے فرمایا کہ رسول اللہ ﷺ نے ایک روز ہمیں نماز پڑھائی پھر ہماری طرف متوجہ ہوئے اور ہمیں ایک بلیغ اور نصیحت بھرا وعظ فرمایا: کہ جسے سن کر آنکھیں بہنے لگے اور قلوب اس سے ڈر گئے تو ایک کہنے والے نے کہا: اے الله کے رسول ﷺ! گویا کہ یہ رخصت کرنے والے کی نصیحت ہے، تو آپ ہمارے لیے کیا مقرر فرماتے ہیں؟ فرمایا: میں تمہیں اللہ سے ڈرنے اور تقوی کی وصیت کرتا ہوں اور سننے کی اور ماننے کی اگرچہ ایک حبشی غلام تمہارا امیر(حکمران) ہو پس جو شخص تم میں سے میرے بعد(غیرحاضری میں) زندہ رہے گا تو عنقریب وہ بہت زیادہ اختلافات دیکھے گا پس تم پر لازم ہے کہ تم میری سنت اور خلفائے راشدین میں جو ہدایت یافتہ ہیں کی سنت کو پکڑے رہو اور اسے ڈاڑھوں سے پکڑ کر محفوظ رکھو اور دین میں نئی باتیں نکالنے سے بچتے رہو کیونکہ ہر نئی بات بدعت ہے اور ہر بدعت گمراہی ہے۔
[سنن ابوداؤد:حدیث نمبر 4607، سنت کا بیان :سنت کو لازم پکڑنے کا بیان]

[سنن الترمذي:2676، سنن أبي داود:4607، سنن ابن ماجه:42+43، سنن الدارمي:96، صحيح ابن حبان(الاحسان):5، المستدرك على الصحيحين للحاكم:329+331+332+333]

م

اس حدیث پاک سے درج ذیل باتیں معلوم ہوئیں:

رسول کریم ﷺ کے بعد زندہ رہنے والا بہت کثرت سے اختلاف دیکھے گا۔

سارے اختلافوں میں دو باتیں معلوم کی جائیں (۱) نبی کریم ﷺ کا طریقہ کیا تھا،(۲) خلفائے راشدین یعنی حضرت ابوبکرؓ، عمرؓ، عثمانؓ اور علیؓ رضی الله تعالی عنہم کا طریقہ کیا تھا؟ ان پر عمل کیا جائے اور اس کے علاوہ دوسرے طریقے خواہ کتنے خوش نما اور اچھے معلوم ہوں انہیں چھوڑ دیا جائے۔

اگر چیز بظاہر یوں نظر آرہی ہے کہ وہ خلفائے راشدین کے دور میں شروع ہوئی ، تو اسے بدعت نہیں بلکہ سنت ہی قرار دیا جائے گا، کیوں کہ نبی کریم  ﷺ کو خلفائے راشدین رضی الله تعالی عنہم کے طرز عمل پر اس قدر اطمینان تھا کہ اس کی پیروی کا حکم بھی دیا اور خلفائے راشدین رضی الله تعالیٰ عنہم کو مہدیین یعنی ہدایت یافتہ بھی قرار دیا، اب خلفائے راشدین رضی الله تعالی عنہم کے طریقہ پر عمل بھی درحقیقت اس حدیث پاک پر عمل کرنا ہے ۔

سیدنا علی المرتضیٰؓ کی نظر میں، خلفاء راشدین کا عمل بھی سنت ہے:

سیدنا علی المرتضیٰؓ نے فرمایا:
جَلَدَ النَّبِيُّ صَلَّى اللهُ عَلَيْهِ وَسَلَّمَ أَرْبَعِينَ، وَجَلَدَ أَبُو بَكْرٍ أَرْبَعِينَ، وَعُمَرُ ثَمَانِينَ، " وَكُلٌّ سُنَّةٌ.

ترجمہ:
نبی ﷺ اور حضرت ابوبکرؓ نے شرابی کو چالیس کوڑے سزا دی، اور حجرت عمرؓ (اور حضرت عثمانؓ) نے اسّی کوڑے سزا دی، اور دونوں باتیں سنت ہیں۔

[صحیح مسلم:1707، سنن أبي داود:448، سنن ابن ماجه:، مسند أحمد:624+1184، مسند الدارمي:23582571، (معرفة علوم الحديث للحاكم:181)]

سأل ابن الكواء عليا عن السنة والبدعة وعن الجماعة والفرقة فقال يا ابن الكواء حفظت المسألة فافهم الجواب السنة والله سنة محمد - صلى الله عليه وسلم - والبدعة ما فارقها والجماعة والله مجامعة أهل الحق وإن قلوا والفرقة مجامعة أهل الباطل وإن كثروا.
[جامع الأحاديث:33424، كنز العمال:1644، تاريخ ابن عساكر:7/ 301 ط بيروت]
ترجمہ:
حضرت علیؓ سے جب سنت اور بدعت ، اجتماعیت اور فرقہ وایت کے بارے میں سوال کیا گیا تو آپؓ نے جواب میں ارشاد فرمایا :

”سنت، اللہ کی قسم! محمد ﷺ کا طریقہ ہے اور بدعت ہر وہ کام جسے حضور ﷺ نے نہیں کیا ہے، اور جماعت (اجتماعیت) اللہ کی قسم! اہلِ حق کا اجتماع اور ملنا ہے، اگرچہ وہ تھوڑے اور کم ہوں اور فرقہ واریت اہلِ باطل سے ملنا ہے اور ان کا جمع ہونا ہے اگرچہ وہ تعداد میں زیادہ ہوں“ ۔

[حياة الصحابة:2/232، الناشر: مؤسسة الرسالة، حیاة الصحابہ :2/9 دار القلم ،دمشق]

دنیاوی ایجادات innovations بدعت نہیں، بدعت تو دین میں نئی بات نکالنا ہے:

عَنْ عَائِشَةَ رَضِيَ اللَّهُ عَنْهَا، قَالَتْ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «مَنْ أَحْدَثَ فِي أَمْرِنَا هَذَا مَا لَيْسَ فِيهِ، فَهُوَ رَدٌّ»

ترجمہ :
حضرت عائشہ رضی اللہ عنہا سے روایت کرتے ہیں انہوں نے بیان کیا کہ رسول اللہ ﷺ نے فرمایا کہ جس نے ہمارے حکم (دین) میں کوئی ایسی نئی بات نکالی جو اس میں نہیں، تو وہ مردود ہے.

[الطيالسي:1422، البخاري:2697، مسلم:1718، ابوداود:4606، ابن ماجه:14، أبو يعلى:4594، أبو عوانة: 4/17-18 و18، ابنُ حبان:26+27]

أَخْبَرَتْنِي عَائِشَةُ، أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ: «مَنْ عَمِلَ عَمَلًا لَيْسَ عَلَيْهِ أَمْرُنَا فَهُوَ رَدٌّ»

ترجمہ :
حضرت عائشہؓ نے خبر دی کہ رسول اللہ ﷺ نے فرمایا: جس نے ایسا عمل کیا جس پر ہمارا حکم نہیں ہے تو وہ مردود ہے۔

[صحیح مسلم:1718، مسند احمد:25128، السنة لابن أبي عاصم:52]

تشریح:
(1) حکم یعنی دین "میں" نکالنا مردود ہے، لیکن دین کی ضرورت "کیلئے" نہیں۔ جیسے:- (1)قرآن مجید کی حفاظت کیلئے اسے ایک کتابی شکل میں صحابہ کا جمع کرنا (2)یا عجمیوں کے اختلاف وغلطیوں سے حفاظت کیلئے قرآن مجید میں اعراب لگانا (3)یا عربی قاعدے سکھانا بدعت نہیں۔

اسی طرح دنیا کی نئی نئی ایجادات یا معاملات اور طریقہ کار جنہیں دینی حکم (نیکی یا گناہ) نہیں سمجھا جاتا، وہ بدعات نہیں رسوم ورواج ہیں، اور جن باتوں کو دینی حکم(نیکی یا اگناہ) سمجھ کر کیا یا چھوڑا جائے جبکہ اس کا حکم (ثبوتاً اور معناً ثابت) نہ ہو تو وہ شریعت میں بدعت ہے۔

(2) لفظ ’’ہمارا حکم‘‘ فرمانا دلیل ہے کہ نبی ﷺ نے اپنے صحابہ کی جماعت کو بھی شامل فرمایا ہے۔ صحابہ کے طریقہ کی پیروی کی فضیلت قرآن مجید نے بھی فرمائی ہے۔
[دیکھیے، سورۃ التوبۃ:100]

(3) اتباع جیسے فعل(یعنی کرنے) میں ہے اسی طرح ترک(یعنی نہ کرنے) میں بھی ہے، سو جس نے ایسے نئے فعل،طریقہ،تعداد،جگہ،وقت،کیفیت یا درجہ دینے پر مواظبت(ہمیشگی/پابندی) کی جو نبی ﷺ اور صحابہ کرام نے نہیں کی، تو وہ بدعت(یعنی دین میں نئی بات نکالنا) ہے، جو مردود ہے۔

خواہشات:- نیکی میں بھی بدعات کا دروازہ کھولتی ہیں، کیونکہ جو کام نبی ﷺ نے نہیں کیا اسے نہ کرنا بھی سنت ہے۔

دلیل:

حَدَّثَنَا سَعِيدُ بْنُ أَبِي مَرْيَمَ ، أَخْبَرَنَا مُحَمَّدُ بْنُ جَعْفَرٍ ، أَخْبَرَنَا حُمَيْدُ بْنُ أَبِي حُمَيْدٍ الطَّوِيلُ ، أَنَّهُ سَمِعَ أَنَسَ بْنَ مَالِكٍ رَضِيَ اللَّهُ عَنْهُ ، يَقُولُ : جَاءَ ثَلَاثَةُ رَهْطٍ إِلَى بُيُوتِ أَزْوَاجِ النَّبِيِّ صَلَّى اللَّهُ عَلَيْهِ وَسَلَّمَ يَسْأَلُونَ عَنْ عِبَادَةِ النَّبِيِّ صَلَّى اللَّهُ عَلَيْهِ وَسَلَّمَ ، فَلَمَّا أُخْبِرُوا كَأَنَّهُمْ تَقَالُّوهَا ، فَقَالُوا : وَأَيْنَ نَحْنُ مِنَ النَّبِيِّ صَلَّى اللَّهُ عَلَيْهِ وَسَلَّمَ قَدْ غُفِرَ لَهُ مَا تَقَدَّمَ مِنْ ذَنْبِهِ وَمَا تَأَخَّرَ ؟ قَالَ أَحَدُهُمْ : أَمَّا أَنَا ، فَإِنِّي أُصَلِّي اللَّيْلَ أَبَدًا ، وَقَالَ آخَرُ : أَنَا أَصُومُ الدَّهْرَ وَلَا أُفْطِرُ ، وَقَالَ آخَرُ : أَنَا أَعْتَزِلُ النِّسَاءَ فَلَا أَتَزَوَّجُ أَبَدًا ، فَجَاءَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِلَيْهِمْ ، فَقَالَ : " أَنْتُمُ الَّذِينَ قُلْتُمْ كَذَا وَكَذَا ، أَمَا وَاللَّهِ إِنِّي لَأَخْشَاكُمْ لِلَّهِ وَأَتْقَاكُمْ لَهُ لَكِنِّي أَصُومُ وَأُفْطِرُ ، وَأُصَلِّي وَأَرْقُدُ ، وَأَتَزَوَّجُ النِّسَاءَ ، فَمَنْ رَغِبَ عَنْ سُنَّتِي فَلَيْسَ مِنِّي " .

ترجمہ:

حضرت انسؓ فرماتے ہیں کہ تین صحابی ازواج مطھرات رضی اللہ عنھن کے گھروں میں حاضر ہوئے اور نبی اکرم ﷺ کی عبادت کے بارے میں سوال کیا، جب انہیں اس کے بارے میں بتایا گیا تو انہوں نے آپ ﷺ کی عبادت کو کم سمجھا اور آپس میں کہا: "نبی اکرم ﷺ کے مقابلے میں ہمارا کیا مقام ہے، انکی تو اگلی پچھلی تمام خطائیں معاف کردی گئی ہیں (لہذا ہمیں آپ ﷺ سے زیادہ عبادت کرنی چاہیے)۔" ان میں سے ایک نے کہا : میں ہمیشہ ساری رات نماز پڑھوں گا (آرام نہیں کروں گا)"۔ دوسرے نے کہا: "میں ہمیشہ روزے رکھوں گا اور کبھی ترک نہیں کروں گا"۔ تیسرے نے کہا: میں عورتوں سے الگ رہوں گا اور کبھی نکاح نہیں کروں گا"۔ جب رسول اللہ ﷺ تشریف لائے تو ان سے پوچھا: "کیا تم نے ایسا اور ایسا کہا ہے؟" (انکے اقرار کرنے پر) آپ ﷺ نے ارشاد فرمایا: "خبردار! اللہ کی قسم میں تم سب سے زیادہ اللہ سے ڈرنے والا اور تم سب سے زیادہ پرہیزگار ہوں، لیکن میں روزہ رکھتا بھی ہوں، ترک بھی کرتا ہوں، رات کو قیام بھی کرتا ہوں اور آرام بھی کرتا ہوں اور میں نے عورتوں سے نکاح بھی کیے ہیں (یاد رکھو!) جس نے میری سنت سے منہ موڑا اس کا مجھ سے کوئی تعلق نہیں۔"

[بخاری، کتاب النکاح، باب الترغیب فی النکاح : 5063]

تشریح:
استغفر اللہ، کتنی عظیم محرومی ہے؟ کہ ایسے لوگوں کا نبوی تعلق بھی مردود ہے۔

امام احمد بن ابی الحواریؒ(م246ھ) فرماتے ہیں:

مَنْ عَمِلَ ‌بِلا ‌اتِّبَاعِ ‌سُنَّة رَسُول اللَّهِ صَلَّى اللَّهُ عَلَيْهِ وَسَلَّمَ، فَبَاطِل عَمَلُهُ۔

ترجمہ:

جس نے عمل کیا رسول اللہ ﷺ کی اتباع کے بغیر تو وہ عمل باطل (يعني بیکار.ضائع.ناقابل قبول) ہے۔

[الرسالة القشيرية:1/ 68، تاريخ دمشق لابن عساكر:71/ 250، الاستقامة-ابن تيمية:1/ 96، مدارج السالكين-ابن القيم:3/ 273، الاعتصام للشاطبي:1/ 127]

[مفتاح الجنة في الاحتجاج بالسنة-السيوطي: صفحہ49]

بدعت کے مثل سنت اٹھالی جاتی ہے۔

حضرت غضیف بن حارث ثمالی ؓ بیان کرتے ہیں ، رسول اللہ ﷺ نے فرمایا :

مَا أَحْدَثَ قَوْمٌ بِدْعَةً إِلَّا رُفِعَ مِثْلُهَا مِنَ السُّنَّةِ " فَتَمَسُّكٌ بِسُنَّةٍ خَيْرٌ مِنْ إِحْدَاثِ بِدْعَةٍ۔

ترجمہ:

جب کوئی قوم بدعت ایجاد کرتی ہے تو اسی(بدعت) کی مثل سنت اٹھا لی جاتی ہے۔ لہٰذا سنت پر عمل کرنا بدعت ایجاد کرنے سے بہتر ہے۔

[مسند أحمد:16970، السنة للمروزي:97، شرح أصول اعتقاد أهل السنة والجماعة:121]

بدعت کے سبب سنت ضایع ہوجاتی ہے۔

«‌مَا ‌مِنْ ‌أُمَّةٍ ‌ابْتَدَعَتْ بَعْدَ نَبِيِّهَا فِي دِينِهَا بِدْعَةً إِلَّا أَضَاعَتْ بَدَلَهَا مِنَ السُّنَّةِ»

ترجمہ:

‌‌جب بھی کوئی امت اپنے نبی کے بعد، اپنے دین میں کوئی بدعت (نئی بات) نکالتی ہے تو وہ(امت) اس(بدعت) کے مثل کوئی سنت ضائع کردیتی ہے۔

[المعجم الكبير للطبراني:178، معرفة الصحابة لأبي نعيم:5546]

ہر سال بدعت نکالی جاتی رہے گی۔

عَنِ ابْنِ عَبَّاسٍ قَالَ: مَا أَتَى عَلَى النَّاسِ عَامٌ إِلَّا أَحْدَثُوا فِيهِ بِدْعَةً وَأَمَاتُوا فِيهِ سُنَّةً، حَتَّى تَحْيَا ‌الْبِدَعُ ‌وَتَمُوتَ ‌السُّنَنُ۔

ترجمہ:

حضرت ابن عباس رضی اللہ عنہما سے مروی ہے کہ انہوں نے کہا: "لوگوں پر کوئی سال ایسا نہیں آتا مگر وہ اس میں بدعت نکالتے ہیں اور وہ اس میں ایک سنت کو مٹاتے ہیں، حتیٰ کہ بدعات زندہ رہ جائیں گی اور سنتیں مرجائیں گی۔"

[مجمع الزوائد:894 رَوَاهُ الطَّبَرَانِيُّ فِي الْكَبِيرِ، وَرِجَالُهُ مُوَثَّقُونَ]

عَنِ ابْنِ عَبَّاسٍ قَالَ قَالَ رَسُولُ اللهِ صَلَّى اللهُ عَلَيْهِ وَسَلَّمَ : مَنْ أَدَّى حَدِيثَاً إِلَى أُمَّتِي لِتُقَامَ بِهِ سُنَّةٌ أَوْ تُنَامَ (تُثْلَمُ) بِهِ ‌بِدْعَةٌ ‌فَلَهُ ‌الْجَنَّةُ۔

ترجمہ:

حضرت ابن عباس رضی اللہ عنہما سے مروی ہے کہ رسول اللہ صلی اللہ علیہ وسلم نے فرمایا: ”جو شخص میری امت کے لیے کوئی حدیث لائے تاکہ اس کے ذریعے سنت قائم ہو یا اس کے ساتھ کسی بدعت کو سلادے(توڑدے) تو اس کے لیے جنت ہے۔ "

[مشيخة ابن شاذان الصغرى:46، حلية الأولياء:10/ 44، شرف أصحاب الحديث للخطيب البغدادي: ص79، المشيخة الكبرى - قاضي المارستان:682، الأربعون البلدانية لأبي طاهر:ص37، الأربعون للبكري:ص49 مفتاح الجنة في الاحتجاج بالسنة-السيوطي:ص54، تدريب الراوي:-السيوطي:2/ 571]

عَنْ ‌عُرْوَةَ ، عَنْ أَبِيهِ ، قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «‌مَنْ ‌وَقَّرَ صَاحِبَ بِدْعَةٍ فَقَدْ أَعَانَ عَلَى ‌هَدْمِ الْإِسْلَامِ».

ترجمہ:

عروہ اپنے والد(زبیر)سے روایت ہے، انہوں نے کہا: رسول اللہ صلی اللہ علیہ وسلم نے فرمایا: "جس نے بدعتی شخص کی تعظیم کی اس نے اسلام کو تباہ کرنے میں مدد کی۔"

[البدع والنهي عنها-ابن وضاح:119]

یہ فرمانِ نبوی حضرت معاذ بن جبلؓ سے بھی مروی ہے۔

[المسند للشاشي:1402، المعجم الكبير للطبراني:188، مسند الشاميين للطبراني:413، حلية الأولياء-أبو نعيم:6 /97]

یہ فرمانِ نبوی حضرت عائشہؓ سے بھی مروی ہے۔

[المعجم الأوسط للطبراني:6772، الشريعة للآجري:2039+2040، السابع من فوائد أبي عثمان البحيري:78، ذم الكلام وأهله-الهروي:925]

یہ فرمانِ نبوی حضرت عبد الله بن بسرؓ سے بھی مروی ہے۔

[حلية الأولياء-أبو نعيم:5 /218]

یہی بات تابعی أَبَا إِسْحَاقَ الْهَمْدَانِيَّؒ(م129ھ) نے فرمائی۔

[القدر للفريابي:381، الشريعة للآجري:2043]

یہی بات فضیل بن عیاضؒ(م187ھ) نے بھی فرمائی۔

[شرح السنة للبربهاري:ص137، حلية الأولياء-أبو نعيم:8 /103]

فضیل بن عیاضؒ نے فرمایا: جو کسی بدعتی سے محبت کرتا ہے اللہ تعالیٰ اس کے اعمال کو باطل کر دیتا ہے اور اس کے دل سے اسلام کا نور ختم کر دیتا ہے۔

[ذم الكلام وأهله-الهروي:933]

یہی بات امام حسن بصریؒ(م110ھ) نے بھی فرمائی۔

[معجم ابن الأعرابي:1958]

یہی بات إِبْرَاهِيمَ بْنِ مَيْسَرَةَؒ(م132ھ) نے بھی فرمائی۔

[شرح أصول اعتقاد أهل السنة والجماعة:273، شعب الإيمان:9464(9018)، ذم الكلام وأهله-الهروي:927+928]

یہی بات امام الْأَوْزَاعِيَّؒ(م157ھ) نے بھی فرمائی۔

[ذم الكلام وأهله-الهروي:923، الطيوريات:256]

یہی بات امام مُحَمَّدَ بْنَ مُسْلِمٍؒ(م150ھ) نے بھی فرمائی۔

[ذم الكلام وأهله-الهروي:929]

یہی بات امام ابْنُ عُيَيْنَةَؒ(م198ھ) نے بھی فرمائی۔

[ذم الكلام وأهله-الهروي:930]

یہی بات حضرت إِبْرَاهِيمَ بْنَ أَدْهَمَؒ(م161ھ) نے بھی فرمائی، بس تعظیم کی جگہ مصافحہ(ہاتھ ملانے) کا لفظ ہے۔

[ذم الكلام وأهله-الهروي:932]

مخالفِ سنت بدعتی کی دو نشانیاں:

عَنْ عَبْدِ اللهِ بْنِ مَسْعُودٍ، أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ: «مَا مِنْ نَبِيٍّ بَعَثَهُ اللهُ فِي أُمَّةٍ قَبْلِي إِلَّا كَانَ لَهُ مِنْ أُمَّتِهِ حَوَارِيُّونَ، وَأَصْحَابٌ يَأْخُذُونَ بِسُنَّتِهِ وَيَقْتَدُونَ بِأَمْرِهِ، ثُمَّ إِنَّهَا تَخْلُفُ مِنْ بَعْدِهِمْ خُلُوفٌ يَقُولُونَ مَا لَا يَفْعَلُونَ، وَيَفْعَلُونَ مَا لَا يُؤْمَرُونَ، فَمَنْ جَاهَدَهُمْ بِيَدِهِ فَهُوَ مُؤْمِنٌ، وَمَنْ جَاهَدَهُمْ بِلِسَانِهِ فَهُوَ مُؤْمِنٌ، وَمَنْ جَاهَدَهُمْ بِقَلْبِهِ فَهُوَ مُؤْمِنٌ، وَلَيْسَ وَرَاءَ ذَلِكَ مِنَ الْإِيمَانِ حَبَّةُ خَرْدَلٍ»

ترجمہ:

سیدنا عبداللہ بن مسعودؓ سے روایت ہے، رسول اللہ ﷺ نے فرمایا : ” اللہ تعالیٰ نے مجھ سے پہلے کوئی نبی ایسا نہیں بھیجا کہ جس کے اس کی امت میں سے حواری نہ ہوں اور اصحاب نہ ہوں جو اس کے طریقے پر چلتے ہیں اور اس کے حکم کی پیروی کرتے ہیں۔ پھر ان لوگوں کے بعد ایسے نالائق لوگ پیدا ہوتے ہیں (1) وه جو کہتے ہیں وه کرتے نہیں (2) اور  جو کرتے ہیں ان کا حکم نہیں۔ پھر جو کوئی ان کے خلاف جدوجہد کرے ہاتھ سے تو وہ مؤمن ہے اور جو کوئی ان کے خلاف جدوجہد کرے زبان سے تو وہ بھی مؤمن ہے، اور جو کوئی ان کے خلاف جدوجہد کرے دل سے ( یعنی برا جانے اور ان باتوں میں شریک نہ ہو ) تو وہ بھی مؤمن ہے اور اس کے بعد رائی کے دانے برابر بھی ایمان نہیں۔ “

[صحیح مسلم: كِتَابُ الْإِيمَانَ، باب بَابُ بَيَانِ كَوْنِ النَّهْيِ عَنِ الْمُنْكَرِ مِنَ الْإِيمَان۔۔۔ حدیث#50]

یعنی
(1)وه نیک باتوں کا لوگوں کو حکم کریں گے لیکن اپنے آپ کو بھول جائیں گے
[سورۃ البقرہ:44]
دعوے کریں گے لیکن وہ کام نہیں کریں گے
[سورۃ الصف:2-3]
(2)جس بات کا انہیں حکم نہیں دیا گیا اسے دین وثواب کا عمل سمجھ کر مضبوطی سے پکڑیں گے۔
[دلائل سورۃ فاطر:8، محمد:14، الاعراف:30، الکھف:104،الزخرف:37]

رسم اور بدعت میں فرق:

(1)علاقائی/خاندانی رواج/عادت کو رسم کہتے ہے۔

اور

دین میں نئی بات نکالنے۔۔۔جو دین نہیں اسے دین ماننے کو بدعت کہتے ہے۔

(2)لہٰذا رسم کو ثواب سمجھ کر نہیں کیا جاتا۔

لیکن

بدعت کو ثواب کا کام سمجھ کر ہی کیا جاتا ہے۔

(3)رسم میں کوئی ناجائز بات نہ ہو تو کرنا جائز ہے

لیکن

دین میں "ہر" نئی بات بدعت، ناجائز اور بدترین گناہ ہے۔

حضرت علیؓ نے کتنی خوبصورت بات کہی:

       بات کو سمجھنے کے لئے ایک واقعہ سنئے، خلیفہ رابع، دامادِ نبی حضرت سیدنا علی رضی اللہ تعالیٰ عنہ نے دیکھا کہ ایک شخص نمازِ عید سے پہلے نفل پڑھ رہا ہے (اور یہ مسئلہ تو آپ کو معلوم ہی ہوگا کہ نمازِ عید سے پہلے گھر میں اور عیدگاہ میں نفل نہیں پڑھے جاسکتے ہیں، ہاں عید کی نماز کے بعد عیدگاہ میں نوافل ادا کرنا جائز نہیں البتہ گھر میں پڑھے جاسکتے ہیں)

       حضرت سیدنا علیؓ نے اس شخص کو نوافل پڑھنے سے روکا، تو اس شخص نے کہا:

       یَا اَمِیْرُ الْمُوٴْمِنِیْن اِنِّی اَعْلَمُ اَنَّ اللّٰہَ تَعَالیٰ لاَ یُعَذِّبُ عَلَی الصَّلوٰةِ ․

امیر المومنین آپ نماز پڑھنے سے روکتے ہیں! میں کوئی برائی کا کام کر رہا ہوں! میرا خیال ہے کہ اللہ رب العزت مجھے نماز پڑھنے پر سزا نہیں دے گا۔

       (اس شخص کو وہی غلط فہمی تھی جو آج کل کے بدعتیوں کو ہے کہ میں نفل پڑھ رہا ہوں،نیکی کا کام کررہا ہوں،آپ مجھے نیکی کے کام سے ․․․․ نماز پڑھنے سے روکتے ہیں)

       سیدنا علیؓ نے اس شخص کی یہ دلیل سن کر کتنی خوبصورت اور گہری بات فرمائی: فرمایا

       اِنِّیْ اَعْلَمُ لاَ یَثِیْبُ عَلیٰ فِعْلٍ حَتّٰی یَفْعَلَہ رَسُوْلُ اللّٰہِ صَلَّی اللّٰہُ عَلَیْہِ وَسَلَّمَ اَوْ یحِثُّ عَلَیْہِ․

تو کہتا ہے کہ میں نماز پڑھ رہا ہوں،اور نماز پڑھنے پر اللہ مجھے سزا نہیں دے گا۔ کان کھول کے سن! اللہ تعالیٰ کسی ایک کام پر کبھی ثواب نہیں دے گا، جس کام کو آنحضرت ﷺ نے نہ کیا ہو یا اس کے کرنے کی ترغیب نہ دی ہو۔

       اس لئے کہ

 فَتَکُوْنُ صَلوٰتُکَ عَبَثًا والعَبَثُ حَرَامٌ فَلَعَلَّہ تَعَالٰی یُعَذِّبُکَ بِہ لِمُخَالِفَتِکَ لِرَسُوْلِہ صَلَّی اللّہُ عَلَیْہِ وَسَلَّم.
[مجمع البحرین: م ۱۸ ص ۱۲۹، رسالة إنقاذ الهالكين-البركوي: ص۱۰۵، نظم البیان: ص۷۳، لجنہ ۱۶۵]

تیری یہ نماز فضول فعل ہے، اور فضول فعل شریعت میں حرام ہے۔ اللہ تعالیٰ تجھے اس نماز پر سزا دے گا، اس لئے کہ تو نے رسول انور ﷺ کی مخالفت کی ہے، تو اس نماز کو نیکی اور ثواب سمجھ رہا ہے۔ اس کا مطلب یہ ہوا کہ تم نیکی کے ایک ایسے کام پر مطلع ہوگئے ہو جس کام پر آنحضور صلی اللہ علیہ وسلم بھی مطلع نہیں ہوئے۔ اللہ تعالیٰ تجھے اس بدعت کے کرنے پر سزا دے گا۔ تم نے رسول اللہ کی مخالفت کی ہے۔ (بدعتی آنحضرت  ﷺ کا مخالف اور دشمن ہوتا ہے) ایسے کام کو نیکی اور ثواب سمجھ رہے ہو، جو آنحضرت ﷺ سے قولاً و فعلاً ثابت نہیں ہے۔

امام ابوحنیفہؒ(م150ھ)نے فرمایا:

‌عَلَيْكَ ‌بِالْأَثَرِ ‌وَطَرِيقَةِ ‌السَّلَفِ، وَإِيَّاكَ وَكُلَّ مُحْدَثَةٍ، فَإِنَّهَا بِدْعَةٌ

ترجمہ:

تم لازم کرلو نقش قدم اور طریقے سلف(پیشرو) کے، اور بچو ہر نئی بات (دین میں) نکالنے سے، کیونکہ یہ بدعت ہے۔

[أحاديث في ذم الكلام وأهله-أبو الفضل الرازي(م454ھ) : صفحہ86، حدیث نمبر 1006]

حضرت امام مالکؒ(م179ھ) نے فرمایا:

      سَمِعْتُ مَالِكًا يَقُولُ: " مَنِ ابْتَدَعَ فِي الْإِسْلَامِ بِدْعَةً يَرَاهَا حَسَنَةً، زَعَمَ أَنَّ مُحَمَّدًا صَلَّى اللَّهُ عَلَيْهِ وَسَلَّمَ خَانَ الرِّسَالَةَ، لِأَنَّ اللَّهَ يَقُولُ: {الْيَوْمَ أَكْمَلْتُ لَكُمْ دِينَكُمْ} [المائدة: 3]، فَمَا لَمْ يَكُنْ يَوْمَئِذٍ دِينًا، فَلَا يَكُونُ الْيَوْمَ دِينًا۔

ترجمہ:

جو شخص بدعت کا کام کرتا ہے، اور اسے نیکی سمجھتا ہے وہ گمان کرتا ہے کہ رسول ﷺ نے تبلیغِ رسالت میں خیانت کی ہے۔ اللہ تعالیٰ کا فرمان ہے: میں نے تمہارے لئے دین کو مکمل کردیا ہے۔(سورۃ المائدۃ:3) پس جو کام اس زمانے میں دین نہیں تھا، وہ کام آج بھی دین نہیں ہوگا۔

[الاعتصام للشاطبي: ج1، ص68  ت الهلالي]

امام شافعیؒ(م204ھ)نے فرمایا:

من ‌استحسن فكأنما يشرع في الدين۔

ترجمہ:

جس نے اس (بدعت) کو حسنہ قرار دیا، تو گویا اس نے دین میں قانون سازی کی۔

[التلخيص في أصول الفقه-الجويني(م478ھ) : جلد3/صفحہ310، مسئلہ نمبر 1785]

امام احمد بن حنبلؒ(م240ھ)نے فرمایا:

‌أُصُولُ ‌السُّنَّةِ ‌عِنْدَنَا: التَّمَسُّكُ بِمَا كَانَ عَلَيْهِ أَصْحَابُ رَسُولِ اللَّهِ صَلَّى اللهُ عَلَيْهِ وَسَلَّمَ ، وَالِاقْتِدَاءُ بِهِمْ ، وَتَرْكُ الْبِدَعِ ، وَكُلُّ بِدْعَةٍ فَهِيَ ضَلَالَةٌ

ترجمہ:

ہمارے نزدیک سنت کے اصول یہ ہیں کہ اللہ کے رسول ﷺ کے اصحاب جس (عقیدے،طریقے) پر تھے اسے مضبوط پکڑیں اور ان کی اقتداء(اتباع) کریں اور بدعات کو چھوڑدیں کیونکہ ہر بدعت گمراہی ہے۔

[أصول السنة لأحمد بن حنبل: صفحہ14-15]

اعتراض کی حقیقت:
اہل بدعت کا یہ کہنا کہ جس چیز کی منع کتاب و سنت میں موجود نہ ہو اس کا نکالنا اور کرنا برا نہیں، یہ ایسا ہی ہے جیسے کوئی کہے کہ باپ کو گھر سے نکالنے سے منع قرآن وسنت میں نہیں لہذا یہ کام برا نہیں ۔۔۔۔ سراسر باطل اور قطعا مردود ہے اور محدثین عظام اور فقہائے کرام کے صریح ضوابط کے خلاف ہے ۔۔علماء اسلام نے اس کی تصریح فرمائی ہے کہ جیسے عزائم سے خدا تعالیٰ کی بندگی اور عبادت و خشنودی کی جاتی ہے اسی طرح رخصتوں سے بھی اللہ تعالیٰ کی رضا جوئی متعلق ہے اور جس طرح جناب رسول اللہ ﷺ کا کسی کام کو کرنا سنت ہے اسی طرح کسی کام کا چھوڑنا بھی سنت ہے ۔ لہذا آپ کے ترک فعل کی اتباع بھی سنت ہے اور اس کی مخالفت بدعت ہے ۔۔۔چناچہ ملاعلی قاری رحمۃ اللہ علیہ اور شیخ عبد الحق محدث دہلوی رحمۃ اللہ علیہ ایک حدیث شریف یوں پیش فرماتے ہیں :

"اللہ تعالیٰ جیسے عزائم کی ادائیگی کو پسند کرتا ہے اسی طرح وہ اس کو بھی پسند کرتا ہے کہ اس کی رخصتوں پر بھی عمل کیا جائے۔
(مرقات ج 2 ص 15)(اشعۃ اللمعات ج 1 ص 12)

نیز حضرت ملا علی قاری رحمۃ اللہ علیہ مشکوۃ شریف کی پہلی حدیث "انما الاعمال بالنیات"کی شرح میں یہ نقل کرتے ہیں کہ "متابعت جیسے فعل میں ہوتی ہے اسی طرح ترک میں بھی متابعت ہوتی ہے ۔سو جس نے کسی ایسے کام پر مواظبت کی جو شارع علیہ السلام نے نہیں کیا تو وہ بدعتی ہے"(مرقات ج 1 ص 41)

اور اسی موقع پر شیخ عبد الحق محدث دہلوی رحمۃ اللہ علیہ لکھتے ہیں کہ " اتباع جیسے فعل میں واجب ہے اسی طرح ترک میں بھی اتباع ہوگی ۔سو جس نے کسی ایسے کام پر مواظبت کی جو شارع علیہ السلام نے نہیں کیا وہ بدعتی ہوگا ۔اسی طرح محدثین کرام نے فرمایا ہے "
(اشعۃ اللمعات ج 1 ص 20)

شرح مسند امام ابو حنیفہ رحمۃ اللہ علیہ میں ہے "اتباع جیسے فعل میں ہے اسی طرح ترک میں بھی ہے سو جس نے ایسے فعل پر مواظبت کی جو شارع علیہ السلام نے نہیں کیا تو وہ مبتدع ہوگا ۔کیوں کہ اس کو آنحضرت صلیٰ اللہ علیہ وسلم کا یہ قول شامل ہے کہ جس نے کوئی ایسا کام کیا جس پر ہمارا ثبوت نہیں تو وہ مردود ہوگا"(انتہی)
(مواہب لطیفہ شرح مسند ابی حنیفہ بحث تلفظ بالنیۃ)

ان عبارات سے یہ بات واضح ہوگئی کہ باوجود محرک اور سبب کے آنحضرت ﷺ  کا کسی کام کو نہ کرنا ایسا ہی سنت ہے جیسا کہ آپ کو کسی کام کو کرنا سنّت ہے ۔۔۔۔۔۔ اور جو شخص آپ کی اس سنت پر عمل نہیں کرتا ،وہ محدثین کرام کی تصریح کے مطابق بدعتی ہوگا۔۔اور یہی کچھ ہم کہنا چاہتے ہیں کہ وہ تمام کام جو اہل بدعت کرتے ہیں اس کے داعی اور محرکات آنحضرت ﷺ کے وقت بھی موجود تھے مگر آپ نے ان کو ترک فرمایا اور آپ کا ان کو ترک فرمانا سنت ہے اور اس کی مخالفت بدعت ہے۔


حَدَّثَنَا وَكِيعٌ ، عَنْ حَمَّادٍ ، عَنْ بِشْرِ بْنِ حَرْبٍ ، سَمِعْتُ ابْنَ عُمَرَ ، يَقُولُ : " إِنَّ رَفْعَكُمْ أَيْدِيَكُمْ بِدْعَةٌ ، مَا زَادَ رَسُولُ اللَّهِ صَلَّى اللَّهُ عَلَيْهِ وَسَلَّمَ عَلَى هَذَا " ، يَعْنِي : إِلَى الصَّدْرِ .

[مسند أحمد بن حنبل » مُسْنَدُ الْعَشَرَةِ الْمُبَشَّرِينَ بِالْجَنَّةِ ... » مُسْنَدُ المُكْثِرِينَ مِنَ الصَّحَابَةِ » مُسْنَدُ عَبْدِ اللَّهِ بْنِ عُمَرَ بْنِ الْخَطَّابِ ... رقم الحديث: 5114]

حضرت عبد اللہ بن عمر رضی اللہ عنہ فرماتے ہیں کہ " تمہارے (اس طرح ) ہاتھ اٹھانا بدعت ہے کیوں کہ آنحضرت ﷺ نے سینہ مبارک سے اوپر ہاتھ نہیں اٹھائے "۔

خلاصة حكم المحدث : إسناده حسن

المحدث : أحمد شاكر

المصدر : مسند أحمد الصفحة أو الرقم: 7/163 / 

عَنْ غُضَيْفِ بْنِ الْحَارِثِ الثُّمَالِيِّ، قَالَ: بَعَثَ إِلَيَّ عَبْدُ الْمَلِكِ بْنُ مَرْوَانَ، فَقَالَ: يَا أَبَا أَسْمَاءَ، إِنَّا قَدْ جَمَعْنَا (3) النَّاسَ عَلَى أَمْرَيْنِ، قَالَ: وَمَا هُمَا؟ قَالَ: رَفْعُ (4) الْأَيْدِي عَلَى الْمَنَابِرِ يَوْمَ الْجُمُعَةِ، وَالْقَصَصُ بَعْدَ الصُّبْحِ وَالْعَصْرِ، فَقَالَ: أَمَا إِنَّهُمَا أَمْثَلُ  بِدْعَتِكُمْ عِنْدِي، وَلَسْتُ مُجِيبَكَ إِلَى شَيْءٍ مِنْهُمَا قَالَ: لِمَ؟ قَالَ: لِأَنَّ النَّبِيَّ صَلَّى اللهُ عَلَيْهِ وَسَلَّمَ قَالَ: " مَا أَحْدَثَ قَوْمٌ بِدْعَةً إِلَّا رُفِعَ مِثْلُهَا مِنَ السُّنَّةِ " فَتَمَسُّكٌ بِسُنَّةٍ خَيْرٌ مِنْ إِحْدَاثِ بِدْعَةٍ

حضرت غضیف ؓ سے مروی ہے کہ میرے پاس عبدالملک بن مروان نے پیغام بھیجا کہ اے ابو اسماء! ہم نے لوگوں کو دو چیزوں پر جمع کردیا ہے، پوچھا کون سی دو چیزیں؟ اس نے بتایا کہ جمعہ کے دن منبر پر رفع یدین کرنا اور نماز فجر اور عصر کے بعد وعظ گوئی، حضرت غضیف ؓ نے فرمایا کہ میرے نزدیک یہ دونوں چیزیں تمہاری سب سے مثالی بدعت ہیں، میں تو ان میں سے ایک بات بھی قبول نہیں کرتا، عبدالملک نے وجہ پوچھی تو فرمایا وجہ یہ ہے کہ نبی ﷺ نے فرمایا ہے جو قوم کوئی بدعت ایجاد کرتی ہے، اس سے اتنی ہی سنت اٹھالی جاتی ہے، لہذا سنت کو مضبوطی سے تھامنا بدعت ایجاد کرنے سے بہتر ہے۔

[مسند أحمد:16970، السنة للمروزي:97، شرح أصول اعتقاد أهل السنة والجماعة:121]

وحَدَّثَنَا أَبُو بَكْرِ بْنُ أَبِي شَيْبَةَ ، حَدَّثَنَا عَبْدُ اللَّهِ بْنُ إِدْرِيسَ ، عَنْ حُصَيْنٍ ، عَنْ عُمَارَةَ بْنِ رُؤَيْبَةَ ، قَالَ : رَأَى بِشْرَ بْنَ مَرْوَانَ عَلَى الْمِنْبَرِ رَافِعًا يَدَيْهِ ، فَقَالَ قَبَّحَ اللَّهُ هَاتَيْنِ الْيَدَيْنِ ، " لَقَدْ رَأَيْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ مَا يَزِيدُ عَلَى أَنْ يَقُولَ بِيَدِهِ هَكَذَا وَأَشَارَ بِإِصْبَعِهِ الْمُسَبِّحَةِ " . وحَدَّثَنَاه قُتَيْبَةُ بْنُ سَعِيدٍ ، حَدَّثَنَا أَبُو عَوَانَةَ ، عَنْ حُصَيْنِ بْنِ عَبْدِ الرَّحْمَنِ ، قَالَ : " رَأَيْتُ بِشْرَ بْنَ مَرْوَانَ يَوْمَ جُمُعَةٍ يَرْفَعُ يَدَيْهِ " ، فَقَالَ عُمَارَةُ بْنُ رُؤَيْبَةَ : فَذَكَرَ نَحْوَهُ .

[صحيح مسلم » كِتَاب الْجُمُعَةِ » بَاب تَخْفِيفِ الصَّلَاةِ وَالْخُطْبَةِ ... رقم الحديث: 1449]

حضرت عمارہ بن رویبہ نے بشر بن مروان کو منبر پر دونوں ہاتھ اٹھاتے ہوئے دیکھا تو سخت لہجہ میں یوں ارشاد فرمایا کہ " اللہ تعالیٰ ان دونوں چھوٹے ہاتھوں کا ناس کرے میں نے تو جناب رسول اللہ ﷺ کو اشارہ کی انگلی سے زیادہ اٹھاتے ہوئے نہیں دیکھا۔(اور یہ دونوں ہاتھ اٹھا رہے ہیں)۔

حضرت ابن عباس رضی اللہ عنہ فرماتے ہیں کہ 

فَانْظُرِ السَّجْعَ مِنَ الدُّعَاءِ فَاجْتَنِبْهُ ، فَإِنِّي عَهِدْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ وَأَصْحَابَهُ لَا يَفْعَلُونَ إِلَّا ذَلِكَ " ، يَعْنِي لَا يَفْعَلُونَ إِلَّا ذَلِكَ الِاجْتِنَابَ.

[صحيح البخاري » كِتَاب الدَّعَوَاتِ » بَاب مَا يُكْرَهُ مِنَ السَّجْعِ فِي الدُّعَاءِ ... 

رقم الحديث: 5889(6337 )]

دعا میں سجع (قافیہ آرائی) سے بچو کیوں کہ جناب رسول اللہ ﷺ اور آپ کے صحابہ کرام دعا میں سجع نہیں کیا کرتےتھے

شواهد:

الراوي : عائشة أم المؤمنين
المحدث : الهيثمي / المصدر : مجمع الزوائد

الصفحة أو الرقم: 1/196 / خلاصة حكم المحدث : رجاله رجال الصحيح

آپ حضرات نے ملاحظہ فرمایا کہ حضرت ابن عباس رضی اللہ عنہ ،حضرت ابن عمر رضی اللہ عنہ اور حضرت ابن عمارہ رضی اللہ عنہ تینوں جلیل القدر صحابی ہیں اور وہ ایسے امور کا سختی سے رد فرمارہے ہیں جو آنحضرت ﷺ سے ثابت نہیں ۔۔۔۔ اور ابن عباس رضی اللہ عنہ دعا میں سجع کرنے سے صرف اس لئے منع کرتے ہیں کہ آنحضرت ﷺ اور آپ کے صحابہ کرام نے ایسا نہیں کیا۔

علامہ سدید الدین کاشغری الحنفی رحمۃ اللہ علیہ لکھتے ہیں کہ "رات کے وقت آٹھ رکعت سے زیادہ اور دن کے وقت چار رکعت سے زیادہ ایک سلام کے ساتھ نفلی نماز پڑھنا آئمہ احناف کے اجماع سے مکروہ ہے"(منیۃ المصلیٰ ص 102)

اور نھر الفائق میں اس کی تصریح موجود ہے کہ مکروہ تحریمی ہے ۔۔۔حضرات فقہائے احناف نے اس کی دلیل یہ پیش کی ہے "لعدم وردود الاثربہ" اس لئے مکروہ ہے کہ اس کے لئے کوئی اثر اور دلیل موجود نہیں ہے

اور علامہ علاوالدین ابو بکر بن مسعود الکاسانی الحنفی رحمۃ اللہ علیہ (المتوفی 587ھ) بعض فقہائے کرام سے نقل کرتے ہوئے لکھتے ہیں کہ "اس لئے مکروہ ہے کہ آنحضرت ﷺ سے اس سے زیادہ مروی نہیں ہے"
(البدائع والصنائع ج 1 ص 295)

ملاحظہ فرمایا آپ نے کہ حضرات فقہائے کرام نے آنحضرت ﷺ اور حضرات صحابہ کرام کے عدم فعل کو ایک مستقل قاعدہ اور ضابطہ سمجھ کر متعدد مقامات میں اس سے استدلال کیا ہے

صاحب ہدایہ ایک مقام پر لکھتے ہیں کہ "اور عید گاہ میں نماز عید سے پہلے نماز نہ پڑھی جائے کیوں کہ آنحضرت صلیٰ اللہ علیہ وسلم نے باوجود نماز پر حریص ہونے کے ایسا نہیں کیا پھر اس میں اختلاف ہے کہ یہ کراہت عیدہ گاہ کے ساتھ خاص ہے ،یہ بھی کہا گیا ہے کہ عید گاہ اور غیر عید گاہ دونوں میں کراہت ہوگی کیوں کہ آنحضرت صلیٰ اللہ علیہ وسلم نے عید گاہ اور غیر عید گاہ دونوں میں نماز نہیں پڑھی"
(ہدایہ ج 1 ص 153)

آپ نے ملاحظ فرمایا کہ صاحب ہدایہ نے آنحضرت صلیٰ اللہ علیہ وسلم کے عدم فعل کو حجت اور دلیل کو طور پر پیش کیا حالانکہ صراحتہ مرفوع حدیث سے نہی اس پر پیش کرنا ایک دشوار امر ہے کہ آپ نے عید گاہ میں یا عید کے دن کسی دوسری جگہ نفل پڑھنے سے علی الخصوص منع کیا ہے ۔۔۔ تو پھر اہل بدعت کے نزدیک اس فعل کو برا اور مکروہ نہیں ہونا چاہیے اس لئے کہ آنحضرت صلیٰ اللہ علیہ وسلم کی نہی اس پر موجود نہیں 

علامہ ابراہیم حلبی الحنفیؒ (المتوفی 956ھ) نے صلوۃ رغائب(جو رجب میں پڑھی جاتی ہے)وغیرہ کے بدعت اور مکروہ ہونے کی یہ دلیل پیش کی ہے:
"حضرات صحابہ کرام اور تابعین کرام اور بعد کے آئمہ مجتہدین سے یہ منقول نہیں ہے"
(کبیری ص 433)

اور مشہور حنفی امام احمد بن محمدؒ (المتوفی 446ھ ) ایک مسئلہ کی تحقیق میں یوں ارقام ہیں:
"یہ بدعت ہے حضرات صحابہ کرام اور تابعین کرام سے منقول نہیں ہے"
(الواقعات)

بدعت کیا ہے؟

(1)جو نئی بات نبی ﷺ نے (2)جب، (3)جہاں (4)جتنی، (5)جیسے، (6)جس وجہ سے اور جس (7)حیثیت کی سمجھ کر نہیں کی یا صحابہ کو نہیں سکھائی، اسے دین(عبادت/نیکی/ثواب) سمجھنا اور اس پر مواظبت(ہمیشگی)اختیار کرنا، بدعت(نئی شریعت نکالنا) ہے۔

یعنی دین میں کوئی بھی نئی (1)جنس (2)وقت (3)جگہ (4)تعداد (5)طریقہ-حالت (6)سبب اور (7)درجہ نکالنا، دین بگاڑنا بدعت ہے۔

بدعت کی خرابیاں:
(1) غیردین کو دین بنانا، (2) کسی کام کو اچھا یا برا خود قرار دینا جو ایک طرح سے خود کو خدا بنانا ہے. (3) دین کو نامکمل سمجھنا (4) اور نبی پر پورا دین نہ پہنچانے یا چھپانے کا الزام ظاہر کرنا اور (5) خود کو خدا کا پیغام(دین) پہنچانے والا نبی ہونے کا خفیہ دعوا کرنا ہے۔ جو بدعت کی سب سے خطرناک برائی اور تلبیس ابلیس ہے.

خواہش پرست، مشرک اور گمراہ ہے:
القرآن :

أَفَرَءَيتَ مَنِ اتَّخَذَ إِلٰهَهُ هَوىٰهُ وَأَضَلَّهُ اللَّهُ عَلىٰ عِلمٍ وَخَتَمَ عَلىٰ سَمعِهِ وَقَلبِهِ وَجَعَلَ عَلىٰ بَصَرِهِ غِشٰوَةً فَمَن يَهديهِ مِن بَعدِ اللَّهِ ۚ أَفَلا تَذَكَّرونَ {45:23} 
ترجمہ:
بھلا تم نے اس شخص کو دیکھا جس نے اپنی خواہش کو معبود بنا رکھا ہے اور باوجود جاننے بوجھنے کے (گمراہ ہو رہا ہے تو) اللّٰه نے (بھی) اس کو گمراہ کردیا اور اس کے کانوں اور دل پر مہر لگا دی اور اس کی آنکھوں پر پردہ ڈال دیا۔ اب اللّٰه کے سوا اس کو کون راہ پر لاسکتا ہے۔ بھلا تم کیوں نصیحت نہیں پکڑتے؟ 


کیا کوئی بات خالق کے علم سے باہر ہوسکتی ہے؟

أَلا يَعلَمُ مَن خَلَقَ وَهُوَ اللَّطيفُ الخَبيرُ {67:14} 
بھلا وہ نہ جانے جس نے بنایا اور وہی ہے بھید جاننے والا خبردار 

کیا رسول الله ﷺ نے دین کی کوئی بات چھپائی؟
وَما هُوَ عَلَى الغَيبِ بِضَنينٍ {81:24} 
اور وہ پوشیدہ باتوں (کے ظاہر کرنے) میں بخیل نہیں 

کیا دین مکمل نہیں ہوا ہے؟
... اليَومَ أَكمَلتُ لَكُم دينَكُم وَأَتمَمتُ عَلَيكُم نِعمَتى وَرَضيتُ لَكُمُ الإِسلٰمَ دينًا ۚ ... {5:3}
...  آج ہم نے تمہارے لئے تمہارا دین کامل کر دیا اور اپنی نعمتیں تم پر پوری کر دیں اور تمہارے لئے اسلام کو دین پسند کیا.

کیا محمد رسول الله ﷺ انبیاء کے سلسلہ کو ختم کرنے والے نہیں؟ما كانَ مُحَمَّدٌ أَبا أَحَدٍ مِن رِجالِكُم وَلٰكِن رَسولَ اللَّهِ وَخاتَمَ النَّبِيّۦنَ ۗ وَكانَ اللَّهُ بِكُلِّ شَيءٍ عَليمًا {33:40} 
محمد ﷺ تمہارے مردوں میں سے کسی کے والد نہیں ہیں بلکہ خدا کے پیغمبر اور نبیوں (کی نبوت) کی مہر (یعنی اس کو ختم کردینے والے) ہیں اور خدا ہر چیز سے واقف ہے.

کیا رسول الله ﷺ نے بدعت سے نہیں روکا؟

القرآن :

...وَ مَاۤ اٰتٰىکُمُ الرَّسُوۡلُ فَخُذُوۡہُ ٭ وَ مَا نَہٰىکُمۡ عَنۡہُ فَانۡتَہُوۡا ۚ  (الحشر : ٧)

ترجمة : اور جو دے تم کو رسول سو لے لو اور جس سے منع کرے سو چھوڑ دو

کیا بدعتی اپنے کوششوں کو اچھے کام نہیں سمجھتا؟
قُلۡ هَلۡ نُنَبِّئُکُمۡ بِالۡاَخۡسَرِیۡنَ اَعۡمَالًا ﴿۱۰۳﴾ اَلَّذِیۡنَ ضَلَّ سَعۡیُهُمۡ فِی الۡحَیٰوۃِ الدُّنۡیَا وَ هُمۡ یَحۡسَبُوۡنَ اَنَّهُمْ یُحۡسِنُوۡنَ صُنۡعًا ﴿۱۰۴﴾ سورۃ الکھف
ترجمہ:

 کہہ دو کہ ہم تمہیں بتائیں جو عملوں کے لحاظ سے بڑے نقصان میں ہیں

 وہ لوگ جن کی بھاگ دوڑ دنیا کی زندگی میں برباد ہو گئی اور وہ یہ سمجھے ہوئے ہیں کہ اچھے کام کر رہے ہیں۔

التفسیر:

حضرت علیؓ وغیرہ (حضرت سفیان الثوریؒ نے "اخسرین أعمالا" کی تفسیر) فرماتے ہیں کہ اس سے مراد حروراء والے (خارجی بدعتي) ہیں۔

[تفسیر قرطبی : ١٨/١٢٧، بحوالہ تفسیر ابن کثیر]
یہ سب سے پہلا فرقہ تھا جس نے صحابہ کرام (رضی اللہ عنھم) اور صحابہ کے رفقاء یعنی تابعین (رحمھم الله) کے خلاف بغاوت کی اور بغاوت کو حق سمجھا۔

[تفسیر مظہری : ٧/١٧٣]
مطلب یہ ہے کہ جیسے یہ آیت یہود و نصاریٰ وغیرہ کفّار کو شامل ہے، اسی طرح خارجیوں کا حکم بھی اس میں شامل ہے، کیونکہ آیت عام ہے. جو بھی الله کی عبادت و اطاعت اس طریقے سے بجا لاۓ جو طریقہ الله کو پسند نہیں تو گو وہ اپنے اپنے اعمال سے "خوش" ہو اور "سمجھ" رہا ہو کہ میں نے آخرت کا توشہ بہت کچھ جمع کرلیا ہے، میرے نیک اعمال الله کے پسندیدہ ہیں اور مجھے ان پر اجر و ثواب ضرور ملے گا لیکن اس کا یہ گمان غلط ہے. اس کے اعمال مقبول نہیں بلکہ مردود ہیں اور وہ غلط گمان شخص ہے.

[تفسیر ابن کثیر]

صحابہؓ کے اعمال پر بدعت کا اطلاق نہیں

شاہ عبدالحق محدث دھلوی رح (المتوفی:١٠٥٢ھ) اس کی شرح میں لکھتے ہیں؛

پس ہرچہ خلفائے راشدین بداں حکم کردہ باشند....اطلاق بدعت برآں نتواں کرد۔

ترجمہ : جس چیز کے بارے میں حضرات خلفاء راشدین نے حکم دیا ہے، اگرچہ وہ ان کے قیاس و اجتہاد سے صادر ہوا ہو، وہ بھی سنّت کے موافق ہے اور اس پر بدعت کا اطلاق ہرگز صحیح نہیں جیسا کہ گمراہ فرقہ کرتا ہے.
[أشعة اللمعات: ١/١٣٠]

شیخ عبد القادر جیلانی حنبليِؒ نے فرمایا:
"ہر مومن کو سنت اور جماعت (اہلِ سنّت-والجماعت) کی پیروی کرنا واجب ہے، سنّت اس طریقے کو کہتے ہیں جس پر آپ ﷺ چلتے "رہے" اور جماعت اسے کہتے ہیں جس پر چاروں خلفاءِ راشدین نے اپنے خلافت کے زمانے میں "اتفاق(اجماع)" کیا، یہ لوگ سیدھی راہ دکھانے-والے تھے، کیوں کہ انہیں سیدھی راہ دکھائی گئی تھی."
[غنية الطالبين: صفحة # ١٨٥]

حضرت شیخ کا یہ فیصلہ اہل سنت والجماعت کے اس بنیادی اصول کے تحت ہے کہ بدعت کی حدیں صحابہ کے بعد سے شروع ہوتی ہیں حافظ بن کثیرؒ(۷۷۴ھ)لکھتے ہیں:

"وأماأهل السنةوالجماعة فيقولون في كل فعل وقول لم يثبت عن الصحابة: هوبدعة؛ لأنه لو كان خيرا لسبقونا إليه، لأنهم لم يتركوا خصلة من خصال الخير إلا وقد بادروا إليها"۔

(تفسیر ابن کثیر۔تفسیر الاحقاف:۱۱،شاملہ)

ترجمہ:اہل سنت والجماعت کا عقیدہ ہے کہ ہر وہ قول وفعل جو حضورﷺ   کے صحابہ سے ثابت نہ ہو بدعت ہے کیوں کہ اس(دینی کام)میں کوئی خیر ہوتی تو صحابہ کرام ہم سے پہلے اس کام کی طرف رخ کرتے انہوں نے نیکی کی کسی بات کو نہ چھوڑا مگر یہ کہ وہ اس کی طرف دوڑتے تھے۔

صحابہ کرام خود بھی اس بات کو جانتے تھے کہ ان کی نیکی کا ہر عمل شرعی سند رکھتا ہے وہ نصاً ہو یااجتہاداً سب کے سب قولاً اورعملاًترجمان شریعت تھے، حضرت حذیفہ بن الیمانؓ(۳۶ھ)فرماتے ہیں:

"کل عبادۃ لم یتعبد ھااصحاب رسول اللہ صلی اللہ علیہ وسلم فلا تعبدوھا"۔

(الاعتصام:۱/۵۴)

ترجمہ:دین کا ہر وہ عمل جسے صحابہ نے دین نہیں سمجھا اسے تم بھی دین نہ سمجھنا۔

بدعت کا مبدا ہویٰ اور نفسانی خواہشات ہوتی ہیں؛ سو جن حضرات کے دل تزکیہ وطہارت کی دولت پاچکے تھے ان سے بدعت کا صدور قریب قریب ناممکن ہوگیا تھا، یہ صحیح ہے کہ وہ انسان تھے اور نفوس انسانی رکھتے تھے؛ لیکن حضورﷺ   کی نظر کامل سے تزکیہ قلب کا فیض اس قدر لے چکے تھے کہ دوسرے رواۃ حدیث کی طرح ان پر جرح کی اجازت نہ ہوگی،جرح کا منشاءعدم رضا ہے، سوجن سے خدا راضی ہوچکا اور وہ خدا سے راضی ہوچکے ان پر جرح کیسے ہوسکے، ان پر جرح تو خدا سے عدم رضا کا اظہار ہوا(معاذاللہ)سو! ان حضرات قدسی صفات پر نہ جرح کی اجازت ہے نہ ان سے اتصال سند کا مطالبہ ہے اوروں کی روایت کثرت رواۃ سے قوت پائے گی ؛یہاں ایک صحا بی بھی کوئی بات کہہ دے تو اب اور کسی سے پوچھنے کی ضرورت نہیں، یہاں تک کہ اپنے ہر مسئلہ میں کسی ایک صحابی کو مرکز علم بنالیا جائے اور ہر مسئلے میں اس کی طرف رجوع کیا جائے تو یہ بالکل درست ہوگا۔

ہدایت-یافتہ خلفاء کی سنّت:

1. حضرت عمر کے مشورے سے حضرت ابو بکر کا حضرت زید بن ثابت (رضی الله عنہم) کو حکم دیکر قرآن مجید کا جمع کرنا اور اس کی سورتوں کو (موجودہ ترتیب کے ساتھ) مرتب کرنا،

2. حضرت عمر (رضی الله عنہ) کا "پورا" رمضان "مسجد" میں 20 رکعت تراویح کی جماعت"ایک امام" کی اقتدا میں جاری کرانا، ایک مجلس میں دی گئی طلاق_بتہ(جس کا معنا ایک یا تین ہیں) کو تین (٣) قرار دینا

3. حضرت عثمان کا نماز_جمعہ کے واسطے پہلی اذاں مقرر کرنا جو آج بھی مکّہ و مدینہ بلکہ دنیا کی لاکھوں مسجدوں میں ہوتی ہے.

4. حضرت علی رضی الله عنہ (اس امت کے قاضی یعنی جج) کا (اور بقیہ صحابہ_کرام رضی الله عنہم کا) ان سے پہلے کے خلفاء کے اجتہادی فیصلوں اور طریقوں پر اتفاق کرتے جاری و ساری رکھنا یعنی ان فیصلوں پر ان کا اتفاق و اجماع قائم رہنا. جس پر چاروں (٤) ائمہ_کرام رحمہم الله کا بھی اتفاق و اجماع ہے.

إختلاف كا حل:
جو دینی-کام نبی ﷺ اور خلفاء راشدین کی سنّت سے ثابت نہ ہو وہ دین میں "بدعت" ہے.

میلاد/شادی کی رسمیں اور ماتم/فوتگی کی رسمیں، اذاں سے پہلے صلات و سلام، (اذان) میں ذکرِ نبی ﷺ پر انگوٹھوں کے ناخون چومنا(صحیح یعنی ثابت) سنّت سے نہیں. یہ دین میں نکالی گئی نئی باتیں "بدعات" ہیں.

http://www.islamweb.net/hadith/hadithServices.php?type=2&cid=250&sid=5583Ahl_Sunnat:

سوال : اگر بدعات کی دو قسمیں ہیں ایک حسنہ اور دوسری سیئہ ، ایسے تو ہر ایک اپنی بدعتوں کو حسنہ کہے گا اور دوسروں کی بدعتوں کو سیئہ کہے گا، تو پھر یہ فیصلہ کس طرح کیا جائے کہ کون سی بدعت حسنہ ہے اور کون سی بدعت سیئہ ہے؟ حدیث میں تو آتا ہے کہ ساری بدعتیں گمراہی ہیں، ظاہر بات ہے کہ حدیث میں تو اصطلاحی بدعت کے بارے میں کہا گیا ہے، اس سے معلوم ہوا کہ بدعت اصطلاحی ہوتی ہے صرف سیئہ ہے۔ مہربانی کر کے تفصیلی مدلل جواب دیں۔

جواب : جس فعل شرعی کا سبب اور محرک حضور ﷺ کے زمانہ میں موجود ہو اور کوئی مانع(رکاوٹ) بھی نہ ہو اس کے باوجود نہ حضور اکرم ﷺ نے کیا ہو نہ صحابہٴ کرام کو اس کے کرنے کا حکم دیا ہو۔ اور نہ ترغیب دی ہو، دین سمجھ کر ایسا کام کرنا بدعت ہے، جیسے مروجہ میلاد کا سبب (حضور ﷺ کے زمانہ میں) موجود تھا۔ اور صحابہٴ کرام کو آپ ﷺ سے گہرا عشق اور عقیدت و محبت تھی اس کے باوجود کسی نے آپ کا یومِ ولادت منایا نہ حضور ﷺ نے اس کا حکم دیا۔

(۲) شریعت نے جو چیز مطلق رکھی ہے اس میں اپنی طرف سے قیودات لگانا بدعت ہے، جیسا کہ زیارت کے لیے وقت مقرر کرنا، ایصالِ ثواب کے لیے وقت متعین کرنا، مثلاً سیوم، چہلم۔

(۳) جو کام بذاتِ خود مستحب و مندوب ہے، مگر اس کا ایسا التزام کرنا کہ رفتہ رفتہ اس کو ضروری سمجھا جانے لگے اور اس کے تارک کی ملامت کی جانے لگے تو وہ کام مستحب کے بجائے بدعت بن جاتا ہے۔ مثلاً نماز جمعہ، پہلی رکعت میں سبح اسم ربک الاعلی اور دوسری رکعت میں ھل اتاک حدیث الغاشیة پڑھنا مسنون ہے، مگر اس کا التزام کرنا کہ لوگ اس کو ضروری سمجھنے لگیں، بدعت ہے۔

(۴) جو کام فی نفسہ جائز ہے اگر اس کو کرنے میں کفار و فجار اور گمراہ لوگوں کی مشابہت لازم ہو تو اس کا کرنا ناجائز ہے، اس قاعدہ سے معلوم ہوا کہ تمام وہ اعمال جو اہل بدعت کا شعار بن جائیں، اس کا ترک لازم ہے۔ مزید تفصیل کے لیے (الاعتصام للعلامة الشاطبی) کا مطالعہ بہت مفید ہے۔

بدعت سب ہی مذموم اور قابل ترک ہیں جو کسی نے اسے حسنہ سے تعبیر کردیا تو اس سے لغوی معنی مراد ہیں۔ واللہ تعالیٰ اعلم

سنّت ہی اچھا طریقہ ہے، اور بدعت ہی برا طریقہ ہے:

اہل سنّت و الجماعت (سنّت_نبوی اور جماعت_صحابہ کی پیروی کرنے-والوں) کا عقیدہ ہے کہ جو قول و فعل صحابہ_رسول (صلے الله علیہ وسلم) سے ثابت نہ ہو، وہ بدعت ہے. اس لئے کہ اگر اس میں بہتری(نیکی/بھلائی) ہوتی تو وہ پاک جماعت جو کسی چیز (نیکی) میں پیچھے رہنے والی نہ تھی وہ اسے ترک نہ کرتی.
[تفسیر_ابن_کثیر: سورہ احقاف، آیت # ١١]

وضاحت :

اس سے ہم مروجہ بدعات سالانہ محرم کا نیاز یا رجب کے کونڈے بنام خیرات، اور بنام خیرات یا ایصال_ثواب کے, فوتگی کے مقرر و قید-شدہ دنوں کے تیجے، دسویں، باروہیں، چالیسوہیں، عرس-میلا، سالانہ-تیسری-عید(میلاد النبی صلے الله علیہ وسلم) کی نمازیں اور برتھ-ڈے منانا (جبکہ نفل عبادت میں اسلام نے کوئی قید-و-پابندی دن،وقت یا جگہ کی نہیں لگائی)، آذان سے پہلے درود کا پڑھنا اور وہ درود بھی خاص، آذان میں نام_محمّد (صلے الله علیہ وسلم) پر انگوٹھے چومتے آنکھوں سے لگانا، رجب کے کونڈے، سفید یا سیاہ کو چھوڑکر "سبز" عمامہ کو لازم کرلینا، بیس(٢٠) کے بجاتے آٹھ (٨) رکعت تراویح پڑھنا، ایک مجلس کی اکٹھی دی گئی تین (٣) طلاقوں کو تین (٣) نہ ماننا وغیرہ وغیرہ 

*************************************

اگر بدعات کی دو قسمیں ہیں ایک حسنہ اور دوسری سیئہ ، ایسے تو ہر ایک اپنی بدعتوں کو حسنہ کہے گا اور دوسروں کی بدعتوں کو سیئہ کہے گا، تو پھر یہ فیصلہ کس طرح کیا جائے کہ کون سی بدعت حسنہ ہے اور کون سی بدعت سیئہ ہے؟ حدیث میں تو آتا ہے کہ ساری بدعتیں گمراہی ہیں، ظاہر بات ہے کہ حدیث میں تو اصطلاحی بدعت کے بارے میں کہا گیا ہے، اس سے معلوم ہوا کہ بدعت اصطلاحی ہوتی ہے صرف سیئہ ہے۔ مہربانی کر کے تفصیلی مدلل جواب دیں۔

جس فعل شرعی کا سبب اور محرک حضور صلی اللہ علیہ وسلم کے زمانہ میں موجود ہو اور کوئی مانع بھی نہ ہو اس کے باوجود نہ حضور اکرم صلی اللہ علیہ وسلم نے کیا ہو نہ صحابہٴ کرام کو اس کے کرنے کا حکم دیا ہو۔ اور نہ ترغیب دی ہو، دین سمجھ کر ایسا کام کرنا بدعت ہے، جیسے مروجہ میلاد کا سبب (حضور کے زمانہ میں) موجود تھا۔ اور صحابہٴ کرام کو آپ ﷺ سے گہرا عشق اور عقیدتو محبت تھی اس کے باوجود کسی نے آپ کا یوم ولادت منایا نہ حضور صلی اللہ علیہ وسلم نے اس کا حکم دیا۔

(۲) شریعت نے جو چیز مطلق رکھی ہے اس میں اپنی طرف سے قیودات لگانا بدعت ہے، جیسا کہ زیارت کے لیے وقت مقرر کرنا، ایصالِ ثواب کے لیے وقت متعین کرنا، مثلاً سیوم، چہلم۔

(۳) جو کام بذاتِ خود مستحب و مندوب ہے، مگر اس کا ایسا التزام کرنا کہ رفتہ رفتہ اس کو ضروری سمجھا جانے لگے اور اس کے تارک کی ملامت کی جانے لگے تو وہ کام مستحب کے بجائے بدعت بن جاتا ہے۔ مثلاً نماز جمعہ، پہلی رکعت میں سبح اسم ربک الاعلی اور دوسری رکعت میں ہل اتاک حدیث الغاشیة پڑھنا مسنون ہے، مگر اس کا التزام کرنا کہ لوگ اس کو ضروری سمجھنے لگیں، بدعت ہے۔

(۴) جو کام فی نفسہ جائز ہے اگر اس کو کرنے میں کفار و فجار اور گمراہ لوگوں کی مشابہت لازم ہو تو اس کا کرنا ناجائز ہے، اس قاعدہ سے معلوم کہ تمام وہ اعمال جو اہل بدعت کا شعار بن جائیں، اس کا ترک لازم ہے۔ مزید تفصیل کے لیے الاعتصام (للعلامة الشاطبی) کا مطالعہ بہت مفید ہے۔

بدعت سب ہی مذموم اور قابل ترک ہیں جو کسی نے اسے حسنہ سے تعبیر کردیا تو اس سے لغوی معنی مراد ہیں۔

واللہ تعالیٰ اعلم 

سنّت و بدعت کو پہچاننے کا قاعدہ

خیر القرون (بہترین زمانوں) یعنی صحابہ، تابعین اور تبع تابعین کے دور (٢٢٠ ہجری تک) کے بعد جو چیزیں ایجاد کی گئی، ان کی دو قسمیں ہیں: (١) ایک تو وہ ہیں جن کا سبب داعی بھی جدید ہے اور ان پر ایک حکم کو پورا کرنا بھی موقوف ہے کہ بغیر اس کے اس حکم پر عمل نہیں ہو سکتا، جیسے: کتب_دینیہ کی تصنیف و تدوین، مدرسہ و خانقاہوں کی تعمیر کہ رسول الله صلی الله علیہ وسلم کے زمانوں میں اس میں سے کوئی شے نہ تھی. اس کی تفصیل یہ ہے کہ یہ سب کو معلوم ہے کہ دین کی حفاظت سب کے ذمہ ضروری ہے لیکن خیر القرون (بہترین زمانوں) میں ان مذکورہ جدید ذرائع و واسطوں کی ضرورت نہ تھی، کیونکہ نبی صلی الله علیہ وسلم کی برکت سے انھیں تعلق مع الله حاصل تھا اور قوت_حافظہ اس قدر تھا کہ جو کچھ سنتے تھے وہ سب نقش کالحجر (پتھر کی طرح) ہوجاتا تھا، فہم عالی تھا اور پرہیزگاری و دینداری بھی غالب تھی. پھر وہ زمانہ آیا جس میں (اکثر) قوتیں کمزور ہونے لگیں، اہل هوى (خواھش پرستوں) اور عقل پرستوں کا غلبہ ہونے لگا اور دینداری مغلوب ہونے لگی. پس اس وقت علماء امت کو دین کے ضایع ہونے کا قوی اندیشہ ہوا اور دین کی حفاظت کی خاطر ضروری ہوا کہ دین کی تمام باتوں کی تدوین کی جاۓ، چناچہ: حدیث، اصول_حدیث، فقہ، اصول_فقہ، تفسیر و عقائد میں کتابیں تصنیف ہوئیں اور ان کی تدریس کے لئے مدارس تعمیر کِیے گئے، پس یہ چیزیں وہ ہیں جن کا "سبب" خیر القرون میں نہ تھا بلکہ بعد میں پیدا ہوا اور دین کی حفاظت کا حکم ان پر موقوف (بندھا ہوا) ہے. غرض یہ چیزیں اگرچہ جدید (بحیثیت_عمومی و لغوی معنی کے بدعت) ہیں لیکن واقع میں بدعت (شرعی) نہیں. بلکہ حسب_قاعدہ: مقدمة الواجب واجب (وہ شے جس پر کوئی واجب موقوف ہو، خود بھی واجب ہوجاتی ہے)، یہ چیزیں بھی واجب ہیں.

(٢) دوسری قسم وہ چیزیں ہیں جن کا سبب قدیم ہے، جیسے: مروجہ محفل میلاد، تیجا، دسواں، چہلم وغیرہ کہ ان کا "سبب" قدیم ہے. مَثَلاً : مجلس میلاد منعقد کرنے کا سبب ولادت_نبویہ پر خوشی کرنا ہے اور یہ سبب زمانہ_نبوی میں بھی موجود تھا، لیکن نبی صلی الله علیہ وسلم یا صحابہ_کرام رضی الله عنھم نے مجلس میلاد مروج نہیں کی. ایسی چیزوں کا حکم یہ ہے کہ وہ صورت و معنی دونوں کے اعتبار سے اس حدیث میں داخل ہوکر واجب الرد ہیں؛

حدیث : "من أحدث في أمرنا هذا ما ليس منه فهو رد" (بخاری و مسلم)

یعنی جو شخص کوئی نئی بات ایجاد کرے جس پر ہمارا (دینی) حکم نہ ہو، تو وہ (نئی بات) مردود ہے؛

{{{یعنی دنیا کی کوئی نئی بات بدعت نہیں، جس نئے کام کو حکم (دین و ثواب کا) سمجھ کر کیا جاۓ، جس پر ہمارا حکم (سنّت_نبوی، سنّت_خلفاء اور بقیہ صحابہ کی جماعت کے طریقہ سے) ثابت نہ ہو تو وہ (بدعت مقبول نہیں بلکہ) مردود ہے}}}

کیا باجماعت نماز تراویح بدعت ہے؟

بدعات کا جواز ثابت کرنے کے لیے کچھ لوگوں‌ن مشہور کر رکھا ہے کہ نماز تراویح کی جماعت سب سے پہلے عمر رضی اللہ عنہ نے شروع کرائی تھی اور رسول اللہ ﷺ کے زمانے میں اس کا رواج نہ تھا۔ لیکن صحیح اور ثابت شدہ احادیث سے معلوم ہوتا ہے کہ:

رسول اللہ ﷺ نے خود جماعت کے ساتھ نماز تراویح ادا فرمائی ہے۔

اپنے فرمان مبارک سے باجماعت تراویح کی فضیلت بیان کی۔

اور جو صحابہ نماز تراویح باجماعت ادا کرتے تھے ان کی تعریف کی اور اس سے منع نہیں فرمایا۔

یعنی سنت کی تعریف کے مطابق قولی، فعلی اور تقریری ہر لحاظ سے اس کا سنت ہونا شک و شبہ سے بالا تر ہے۔

اب اللہ کی توفیق سے اس بات کے دلائل اور تفصیل عرض کرتا ہوں۔

نماز تراویح کے فعلی سنت ہونے کی دلیل

اہل سنت و الجماعت کی معتبر ترین کتابوں میں سے ایک یعنی صحیح مسلم کی یہ حدیث ہے۔

حَدَّثَنَا يَحْيَى بْنُ يَحْيَى قَالَ قَرَأْتُ عَلَى مَالِكٍ عَنْ ابْنِ شِهَابٍ عَنْ عُرْوَةَ عَنْ عَائِشَةَ

أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ صَلَّى فِي الْمَسْجِدِ ذَاتَ لَيْلَةٍ فَصَلَّى بِصَلَاتِهِ نَاسٌ ثُمَّ صَلَّى مِنْ الْقَابِلَةِ فَكَثُرَ النَّاسُ ثُمَّ اجْتَمَعُوا مِنْ اللَّيْلَةِ الثَّالِثَةِ أَوْ الرَّابِعَةِ فَلَمْ يَخْرُجْ إِلَيْهِمْ رَسُولُ اللَّهِ صَلَّى اللَّهُ عَلَيْهِ وَسَلَّمَ فَلَمَّا أَصْبَحَ قَالَ قَدْ رَأَيْتُ الَّذِي صَنَعْتُمْ فَلَمْ يَمْنَعْنِي مِنْ الْخُرُوجِ إِلَيْكُمْ إِلَّا أَنِّي خَشِيتُ أَنْ تُفْرَضَ عَلَيْكُمْ قَالَ وَذَلِكَ فِي رَمَضَان

(صحیح مسلم کتاب صلاۃ المسافرین و قصرھا باب الترغیب فی قیام رمضان و ھو التراویح)

"ایمان والوں کی ماں عائشہ رضی اللہ عنہا بیان کرتی ہیں کہ رسول اللہ صلی اللہ علیہ و علی آلہ وسلم نے ایک رات مسجد میں نماز(تراویح) پڑھی تو کچھ لوگ نے ان صلی اللہ علیہ و علی آلہ وسلم کے اقتداء میں نماز پڑھنی شروع کر دی۔ پھر دوسری شب نماز پڑھی تو اور زیادہ لوگ جمع ہو گئے، پھر تیسری یا چوتھی رات کو رسول اللہ صلی اللہ علیہ و علی آلہ وسلم تشریف نہیں لائے۔ پھر جب صبح ہوئی تو فرمایا “میں نے دیکھا جو تم کر رہے تھے، مجھے تمہارے پاس آنے سے صرف یہ خوف مانع تھا کہ کہیں تم پر (نماز تراویح) فرض نہ ہو جائے۔ اور یہ رمضان کا واقعہ تھا۔

صحیح مسلم کی احادیث کے صحیح ہونے پر تمام اہل سنت و الجماعت کا اتفاق ہے اس لیے مزید کوئی حوالہ پیش کرنے کی ضرورت تو نہیں ہے لیکن قارئین کی تسلی کے لیے دوسرے محدثین کی فہرست بھی پیش کی جارہی ہے جنہوں نے اس حدیث کو روایت کیا۔

صحیح البخاری کتاب صلاۃ التراویح باب فضل من قام رمضان

سنن ابی داؤد باب الصلاۃ کتاب فی قیام شھر رمضان۔

صحیح ابن خزیمہ جلد سوم ص 338۔ حدیث نمبر 2206

موطا امام مالک کتاب الندا للصلاۃ باب الترغیب فی الصلاۃ فی رمضان

مصنف عبدالرزاق باب الصلاۃ کتاب الضجعۃ بعد الوتر و باب النافلۃ

مسند احمد میں “باقی مسند الانصار” باقی المسند السابق

صحیح ابن حبان باب کتاب الایمان باب التکلیف

المعجم الاوسط للطبرانی حدیث نمبر 5439

السنن الکبری للبیہقی جلد 2 صفحہ 493

سنن النسائی الصغرٰی کتاب قیام اللیل و تطوع النھار باب قیام شھر رمضان

مستخرج ابی عوانہ کتاب مبتدا کتاب الصیام باب الترغیب فی قیام اللیل و الصلاۃ فی شھر رمضان و ثوابہ

امام احمد بن حنبل رحمۃ اللہ علیہ نے باجماعت تراویح کے بارے میں مندرجہ ذیل حدیث صحیح سند کے ساتھ بیان کی ہے:

حَدَّثَنَا زَيْدُ بْنُ الْحُبَابِ حَدَّثَنَا مُعَاوِيَةُ بْنُ صَالِحٍ حَدَّثَنِي نُعَيْمُ بْنُ زِيَادٍ أَبُو طَلْحَةَ الْأَنْمَارِيُّ أَنَّهُ سَمِعَ النُّعْمَانَ بْنَ بَشِيرٍ يَقُولُ عَلَى مِنْبَرِ حِمْصَ قُمْنَا مَعَ رَسُولِ اللَّهِ صَلَّى اللَّهُ عَلَيْهِ وَسَلَّمَ لَيْلَةَ ثَلَاثٍ وَعِشْرِينَ فِي شَهْرِ رَمَضَانَ إِلَى ثُلُثِ اللَّيْلِ الْأَوَّلِ ثُمَّ قُمْنَا مَعَهُ لَيْلَةَ خَمْسٍ وَعِشْرِينَ إِلَى نِصْفِ اللَّيْلِ ثُمَّ قَامَ بِنَا لَيْلَةَ سَبْعٍ وَعِشْرِينَ حَتَّى ظَنَنَّا أَنْ لَا نُدْرِكَ الْفَلَاحَ قَالَ وَكُنَّا نَدْعُو السُّحُورَ الْفَلَاحَ

(مسند احمد بن حنبل، مسند الکوفیین حدیث نعمان بن بشیر عن النبی صلی اللہ علیہ و علی آلہ وسلم)

"نعمان بن بشیر رضی اللہ عنہ نے منبر پر کھڑے ہو کر بیان کیا کہ “ہم نے رسول اللہ صلی اللہ علیہ و علی آلہ وسلم کے ساتھ رمضان کی تئیسویں کو رات کے پہلے ایک تہائی حصہ تک قیام کیا۔ پھر پچیسویں کو آدھی رات تک قیام کیا۔ پھر ستائیسویں کو ان (صلی اللہ علیہ و علی آلہ وسل) نے ہمارے ساتھ قیام کیا یہاں تک کہ ہمیں گمان ہوا کہ ہم “فلاح” کو نہیں پا سکیں گے اور ہم لوگ سحری کو “فلاح” کہا کرتے تھے”

باجماعت نماز تروایح قولی سنت بھی ہے:

سنن ابی داؤد کی ایک صحیح حدیث دیکھتے ہیں جس سے معلوم ہو گا کہ اس کا سنت ہونا فرمان رسول صلی اللہ علیہ و علی آلہ وسلم سے بھی ثابت ہے :

حَدَّثَنَا مُسَدَّدٌ حَدَّثَنَا يَزِيدُ بْنُ زُرَيْعٍ أَخْبَرَنَا دَاوُدُ بْنُ أَبِي هِنْدٍ عَنْ الْوَلِيدِ بْنِ عَبْدِ الرَّحْمَنِ عَنْ جُبَيْرِ بْنِ نُفَيْرٍ عَنْ أَبِي ذَرٍّ قَالَ

صُمْنَا مَعَ رَسُولِ اللَّهِ صَلَّى اللَّهُ عَلَيْهِ وَسَلَّمَ رَمَضَانَ فَلَمْ يَقُمْ بِنَا شَيْئًا مِنْ الشَّهْرِ حَتَّى بَقِيَ سَبْعٌ فَقَامَ بِنَا حَتَّى ذَهَبَ ثُلُثُ اللَّيْلِ فَلَمَّا كَانَتْ السَّادِسَةُ لَمْ يَقُمْ بِنَا فَلَمَّا كَانَتْ الْخَامِسَةُ قَامَ بِنَا حَتَّى ذَهَبَ شَطْرُ اللَّيْلِ فَقُلْتُ يَا رَسُولَ اللَّهِ لَوْ نَفَّلْتَنَا قِيَامَ هَذِهِ اللَّيْلَةِ قَالَ فَقَالَ إِنَّ الرَّجُلَ إِذَا صَلَّى مَعَ الْإِمَامِ حَتَّى يَنْصَرِفَ حُسِبَ لَهُ قِيَامُ لَيْلَةٍ قَالَ فَلَمَّا كَانَتْ الرَّابِعَةُ لَمْ يَقُمْ فَلَمَّا كَانَتْ الثَّالِثَةُ جَمَعَ أَهْلَهُ وَنِسَاءَهُ وَالنَّاسَ فَقَامَ بِنَا حَتَّى خَشِينَا أَنْ يَفُوتَنَا الْفَلَاحُ قَالَ قُلْتُ وَمَا الْفَلَاحُ قَالَ السُّحُورُ ثُمَّ لَمْ يَقُمْ بِقِيَّةَ الشَّهْرِ

(سنن ابی داؤد کتاب الصلاۃ باب فی قیام شھر رمضان)

"ابو ذر رضی اللہ عنہ بیان کرتے ہیں کہ ہم نے رسول اللہ صلی اللہ علیہ و علی آلہ وسلم کے ساتھ رمضان کے روزے رکھے تو ان صلی اللہ علیہ و علی آلہ وسلم نے ہمارے ساتھ کچھ قیام نہ کیا حتٰی کہ (رمضان ختم ہونے میں) سات دن رہ گئے (یعنی تئیسویں رمضان کی رات کو) رسول اللہ صلی اللہ علیہ و علی آلہ وسلم نے ہمارے ساتھ قیام کیا (یعنی نماز تراویح پڑھی)۔ یہاں تک کہ رات کا ایک تہائی حصہ گزر گیا۔ پھر جب چھٹی رات تھی (یعنی رمضان ختم ہونے میں چھے دن رہ گئے) تو ان صلی اللہ علیہ و علی آلہ وسلم نے ہمارے ساتھ قیام نہیں کیا۔ پھر جب پانچویں رات تھی ( پانچ دن باقی رہ گئے )تو ہمارے ساتھ قیام کیا یہاں تک کہ آدھی رات گزر گئی۔ میں نے عرض کیا “اے اللہ کے رسول ! کاش ، آپ اس رات ہمیں اور بھی نفل پڑھاتے۔ فرمایا “جب آدمی امام کے ساتھ اس کے فارغ ہونے تک نماز پڑھتا ہے تو اس کے لیے پوری رات کے قیام کا ثواب شمار کیا جاتا ہے۔ پھر چوتھی رات کو قیام نہیں کیا۔ پھر جب تیسری رات تھی (یعنی رمضان کی ستائیسویں) تو رسول اللہ صلی اللہ علیہ و علی آلہ وسلم نے اپنے گھر والوں ، ازواج مطہرات اور دوسرے لوگوں کو جمع کیا اور انہیں نماز پڑھائی یہاں تک کہ ہمیں فلاح کے فوت ہونے کا ڈر پیدا ہو گیا۔ جبیر کہتے ہیں کہ میں نے ابوذر رضی اللہ عنہ سے دریافت کیا “فلاح کیا چیز ہے” تو انہوں نے فرمایا “سحری”۔ پھر اس کے بعد کی راتوں میں رسول اللہ صلی اللہ علیہ و علی آلہ وسلم نے (جماعت کےساتھ) قیام نہیں کیا۔ 

اس حدیث کو امام دارمی نے بھی اپنی سنن میں روایت کیا ہے۔ دیکھیے سنن دارمی کتاب “و من باب الصوم” باب فی قیام رمضان۔

باجماعت نماز تروایح تقریری سنت بھی ہے

تقریر سے مراد یہ ہے کہ رسول اللہ صلی اللہ علیہ و علی آلہ وسلم کے سامنے کوئی کام کیا گیا ہو اور ان صلی اللہ علیہ و علی آلہ وسلم نے اس پر خاموشی اختیار فرمائی ہو اور اس سے منع نہ فرمایا ہو۔ قول و فعل کی طرح تقریر بھی کسی عمل کے سنت ہونے کی دلیل ہے۔ جیسا کہ اوپر بیان ہو چکا کہ رسول اللہ صلی اللہ علیہ و علی آلہ وسلم نے تراویح کی جماعت تو کرائی لیکن اس پر ہمیشگی اختیار نہیں کی اس خوف سے کہ کہیں امت پر فرض نہ کر دی جائے۔ لیکن صحابہ کرام رضی اللہ عنہم اپنے طور پر مسجد نبوی میں جماعت کے ساتھ تراویح پڑھتے تھے اور رسول اللہ صلی اللہ علیہ و علی آلہ وسلم نے انہیں منع نہیں کیا۔ اس بات کی تفصیل امام احمد بن حنبل نے صحیح سند کے ساتھ یوں بیان کی ہے:

حَدَّثَنَا يَعْقُوبُ قَالَ حَدَّثَنَا أَبِي عَنِ ابْنِ إِسْحَاقَ قَالَ حَدَّثَنِي مُحَمَّدُ بْنُ إِبْرَاهِيمَ بْنِ الْحَارِثِ التَّيْمِيُّ عَنْ أَبِي سَلَمَةَ بْنِ عَبْدِ الرَّحْمَنِ بْنِ عَوْفٍ عَنْ عَائِشَةَ زَوْجِ النَّبِيِّ صَلَّى اللَّهُ عَلَيْهِ وَسَلَّمَ قَالَتْ كَانَ النَّاسُ يُصَلُّونَ فِي مَسْجِدِ رَسُولِ اللَّهِ صَلَّى اللَّهُ عَلَيْهِ وَسَلَّمَ فِي رَمَضَانَ بِاللَّيْلِ أَوْزَاعًا يَكُونُ مَعَ الرَّجُلِ شَيْءٌ مِنْ الْقُرْآنِ فَيَكُونُ مَعَهُ النَّفَرُ الْخَمْسَةُ أَوْ السِّتَّةُ أَوْ أَقَلُّ مِنْ ذَلِكَ أَوْ أَكْثَرُ فَيُصَلُّونَ بِصَلَاتِهِ (مسند احمد بن حنبل مسند باقی الانصار، باقی المسند السابق)

"نبی ﷺ کی زوجہ محترمہ عائشہ رضی اللہ عنہا بیان کرتی ہیں کہ “رمضان کی راتوں میں لوگ مسجدنبوی میں الگ الگ گروہوں کی صورت میں نماز پڑھتے تھے۔ ہوتا یوں تھا کہ کسی آدمی کو قرآن کا کچھ حصہ یاد ہوتا تو پانچ چھے یا اس سے کم و بیش آدمی اس کے ساتھ ہو جاتے اور اس کی اقتدا میں نماز ادا کرتے”

یہ ایک لمبی حدیث کا ابتدائی حصہ ہے۔

- امید ہے اس گفتگو سے غلط فہمیوں کو دور کرنے میں مدد ملے گی باذن اللہ۔ اور واضح ہو گا کہ صحیح بخاری میں عمر رضی اللہ عنہ کا باجماعت نماز تراویح کو بدعت کہنے کے بارے جو قول ہے اس میں بدعت کا لغوی مطلب مراد ہے نہ کہ شرعی۔ 

بدعت سب ہی مذموم اور قابل ترک ہیں جو کسی نے اسے حسنہ سے تعبیر کردیا تو اس سے لغوی معنی مراد ہیں۔

علامہ تقی الدین احمد بن عبد الحلیم ابن تیمیہ (المتوفی 728 ھ) امام ابن تیمیہ اپنی کتاب ’’منہاج السنۃ‘‘ میں لغوی بدعت اور شرعی بدعت کو واضح کرتے ہوئے ’’نعمت البدعۃ ہذہ‘‘ کے ذیل میں بیان کرتے ہیں۔

إنما سماها بدعة لأن ما فعل ابتداء، بدعة لغة، وليس ذلک بدعة شرعية، فإن البدعة الشرعية التي هي ضلالة ما فعل بغير دليل شرعي

’’اِسے بدعت اِس لیے کہا گیا کہ یہ عمل اس سے پہلے اِس انداز میں نہیں ہوا تھا۔

لہٰذا یہ بدعتِ لغوی ہے بدعتِ شرعی نہیں ہے کیونکہ بدعتِ شرعی وہ گمراہی ہوتی ہے جو دلیل شرعی کے بغیر سر انجام دی جائے۔‘‘ 

[ابن تيميه، منهاج السنة، 4 : 224]

علامہ ابن تیمیہ ’’بدعت حسنہ‘‘ اور ’’بدعت ضلالۃ‘‘ کے مفہوم کو مزید واضح کرتے ہوئے بیان کرتے ہیں : 

ومن هنا يعرف ضلال من ابتدع طريقاً أو اعتقاداً زعم أن الإيمان لا يتم إلا به مع العلم بأن الرسول صلي الله عليه وآله وسلم لم يذکره وما خالف النصوص فهو بدعة باتفاق المسلمين وما لم يعلم أنه خالفها فقد لا يسمي بدعة قال الشافعي رحمه اﷲ البدعة بدعتان بدعة خالفت کتابا و سنة و إجماعا و أثرا عن بعض أصحاب رسول اﷲ صلي الله عليه وآله وسلم فهذه بدعه ضلاله و بدعه لم تخالف شيئا من ذلک فهذه قد تکون حسنة لقول عمر نعمت البدعة هذه (1) هذا الکلام أو نحوه رواه البيهقي بإسناده الصحيح في المدخل(2) ؛

’’اور اس کلام سے لفظ ’’ضلال‘‘ کا مفہوم سمجھا جاسکتا ہے کہ اگر کسی شخص نے یہ جانتے ہوئے کہ حضور ﷺ نے اسے بیان نہیں کیا کسی طریقے یا عقیدے کی ابتداء اس گمان سے کی کہ بے شک ایمان اس کے بغیر مکمل نہیں ہوتا تو یہ ’’ضلالۃ‘‘ ہے اور جو چیز نصوص کے مخالف ہو وہ مسلمانوں کے اتفاق ِرائے کے ساتھ بدعت ہے۔ اور جس چیز کے بارے یہ معلوم نہ ہو کہ اس نے کتاب و سنت کی مخالفت کی ہے ایسی چیز کو بدعت کا نام نہیں دیا جاسکتا۔ اور امام شافعی رحمۃ اﷲ علیہ نے بدعت کی دو قسمیں بیان کی ہیں۔ ایک وہ بدعت جو قرآن و سنت، اجماع اور بعض اصحاب رسول اللہ ﷺ کے اقوال کے خلاف ہو تو وہ بدعت ضلالہ ہے۔ اور جو بدعت ان تمام چیزوں (یعنی قرآن و سنت، اجماع اور اثر صحابہ) میں سے کسی کے مخالف نہ ہو تو وہی بدعت حسنہ ہے۔ جیسے حضرت عمر رضی اللہ عنہ کا قول ہے ’’نعمت البدعۃ ہذہ‘‘ یہ یا اس جیسا دوسرا بیان اسے امام بیہقی نے اپنی صحیح اسناد کے ساتھ ’’المدخل‘‘ میں روایت کیا ہے۔

(١) امام محمد بن اِدریس بن عباس الشافعی رحمۃ اللہ علیہ (المتوفی 204ھ)

امام بیہقی (المتوفی 458 ھ) نے اپنی سند کے ساتھ ’’مناقبِ شافعی‘‘ میں روایت کیا ہے کہ امام شافعی رحمۃ اللہ (المتوفی 204ھ) علیہ بدعت کی تقسیم ان الفاظ میں بیان کرتے ہیں :

المحدثات من الأمور ضربان : أحدهما ما أحدث مما يخالف کتاباً أوسنة أو اثرًا أو إجماعاً فهذه البدعة ضلالة، و الثانية ما أحدث من الخير لا خلاف فيه لواحد من هذا فهذه محدثة غير مذمومة، قد قال عمر رضي الله عنه في قيام رمضان نعمت البدعة هذه(١) يعني إِنَّها محدثة لم تکن و إِذا کانت ليس فيها ردُّ لما مضي. (٢)

’’محدثات میں دو قسم کے امور شامل ہیں : پہلی قسم میں تو وہ نئے امور ہیں جو قرآن و سنت یا اثر صحابہ یا اجماع امت کے خلاف ہوں وہ بدعت ضلالہ ہے، اور دوسری قسم میں وہ نئے امور ہیں جن کو بھلائی کے لیے انجام دیا جائے اور کوئی ان میں سے کسی (امرِ شریعت) کی مخالفت نہ کرتا ہو پس یہ امور یعنی نئے کام محدثہ غیر مذمومۃ ہیں۔ اسی لیے حضرت عمر فاروق رضی اللہ عنہ نے رمضان میں تراویح کے قیام کے موقع پر فرمایا تھا کہ ’’یہ کتنی اچھی بدعت ہے یعنی یہ ایک ایسا محدثہ ہے جو پہلے نہ تھا اور اگر یہ پہلے ہوتا تو پھر مردود نہ ہوتا۔‘‘

 علامہ ابن رجب حنبلی (795ھ) اپنی کتاب ’’جامع العلوم والحکم : 1 / 266‘‘ میں تقسیمِ بدعت کے تناظر میں اِمام شافعی کے حوالے سے مزید لکھتے ہیں :

وقد روي الحافظ أبو نعيم بإسناد عن إبراهيم ابن الجنيد قال : سمعت الشافعي يقول : البدعة بدعتان : بدعة محمودة و بدعة مذمومة، فما وافق السنة فهو محمود، وما خالف السنة فهو مذموم. واحتجّ بقول عمر رضي الله عنه : نعمت البدعة هي. (1) و مراد الشافعي رضي الله عنه ما ذکرناه من قبل أن أصل البدعة المذمومة ما ليس لها أصل في الشريعة ترجع إليه و هي البدعة في إطلاق الشرع. وأما البدعة المحمودة فما وافق السنة : يعني ما کان لها أصل من السنة ترجع إليه، و إنما هي بدعة لغة لا شرعا لموافقتها السنة. وقد روي عن الشافعي کلام آخر يفسر هذا و أنه قال : المحدثات ضربان : ما أحدث مما يخالف کتابا أو سنة أو أثرا أو إجماعا فهذه البدعة الضلالة، وما أحدث فيه من الخير لا خلاف فيه لواحد من هذا و هذه محدثة غير مذمومة، و کثير من الأمور التي أحدثت ولم يکن قد اختلف العلماء في أنها بدعة حسنة حتي ترجع إلي السنة أم لا. فمنها کتابة الحديث نهي عنه عمر وطائفة من الصحابة و رخص فيها الأکثرون واستدلوا له بأحاديث من السنة. ومنها کتابة تفسير الحديث والقرآن کرهه قوم من العلماء و رخص فيه کثير منهم. وکذلک اختلافهم في کتابة الرأي في الحلال والحرام و نحوه. و في توسعة الکلام في المعاملات و أعمال القلوب التي لم تنقل عن الصحابة والتابعين. (2)؛

’’حافظ ابو نعیم نے ابراہیم بن جنید کی سند سے روایت کرتے ہوئے کہا ہے کہ میں نے امام شافعی رحمۃ اللہ علیہ کو یہ کہتے ہوئے سنا کہ بدعت کی دو قسمیں ہیں۔

١) بدعت محمودہ

٢) بدعت مذمومۃ

جو بدعت سنت کے مطابق و موافق ہو وہ محمودہ ہے اور جو سنت کے مخالف و متناقض ہو وہ مذموم ہے اور انہوں نے حضرت عمر فاروق رضی اللہ عنہ کے قول (نعمت البدعۃ ھذہ) کو دلیل بنایا ہے اور امام شافعی رحمۃ اللہ علیہ کی مراد بھی یہی ہے جو ہم نے اس سے پہلے بیان کی ہے بے شک بدعت مذمومہ وہ ہے جس کی کوئی اصل اور دلیل شریعت میں نہ ہو جس کی طرف یہ لوٹتی ہے اور اسی پر بدعت شرعی کا اطلاق ہوتا ہے اور بدعت محمودہ وہ بدعت ہے جو سنت کے موافق ہے یعنی اس کی شریعت میں اصل ہو جس کی طرف یہ لوٹتی ہو اور یہی بدعت لغوی ہے شرعی نہیں ہے اور امام شافعی رحمۃ اللہ علیہ سے دوسری دلیل اس کی وضاحت پر یہ ہے کہ امام شافعی رحمۃ اللہ علیہ نے فرمایا کہ محدثات کی دو اقسام ہیں پہلی وہ بدعت جو کتاب و سنت، اثر صحابہ اور اجماع اُمت کے خلاف ہو یہ بدعت ضلالہ ہے اور ایسی ایجاد جس میں خیر ہو اور وہ ان چیزوں (یعنی قرآن و سنت، اثر اور اجماع) میں سے کسی کے خلاف نہ ہو تو یہ بدعتِ غیر مذمومہ ہے اور بہت سارے امور ایسے ہیں جو ایجاد ہوئے جو کہ پہلے نہ تھے جن میں علماء نے اختلاف کیا کہ کیا یہ بدعت حسنہ ہے۔ یہاں تک کہ وہ سنت کی طرف لوٹے یا نہ لوٹے اور ان میں سے کتابت حدیث ہے جس سے حضرت عمر فاروق رضی اللہ عنہ اور صحابہ کے ایک گروہ نے منع کیا ہے اور اکثر نے اس کی اجازت دی اور استدلال کے لیے انہوں نے کچھ احادیث سنت سے پیش کی ہیں اور اسی میں سے قرآن اور حدیث کی تفسیر کرنا جس کو قوم کے کچھ علماء نے ناپسند کیا ہے اور ان میں سے کثیر علماء نے اس کی اجازت دی ہے۔ اور اسی طرح حلال و حرام اور اس جیسے معاملات میں اپنی رائے سے لکھنے میں علماء کا اختلاف ہے اور اسی طرح معاملات اور دل کی باتیں جو کہ صحابہ اور تابعین سے صادر نہ ہوئی ہوں ان کے بارے میں گفتگو کرنے میں بھی علماء کا اختلاف ہے۔‘‘

-------------------------------------------------------------------

(١) مالک، المؤطا، باب ما جاء في قيام رمضان، 1 / 114، رقم : ٢٥٠

بيهقي، شعب الايمان، 3 / 177، رقم : 3269

سيوطي، تنوير الحوالک شرح مؤطا مالک، 1 / 105، رقم : 250

ابن رجب حنبلي، جامع العلوم والحکم، 1 / 266

زرقاني، شرح الزرقاني علي موطا الامام مالک، 1 / 340

(٢) بيهقي، المدخل الي السنن الکبريٰ، 1 : 206

ذهبي، سير أعلام النبلاء، 8 : 408

نووي، تهذيب الاسماء واللغات، 3 : 21

===============================

امام شاطبی اپنی کتاب "الاعتصام"‌میں لکھتے ہیں

وتبين ذلك بالنظر في الأمثلة التي مثل لها بصلاة التراويح في رمضان جماعة في المسجد ، فقد قام بها النبي صلى الله عليه وسلم في المسجد ، واجتمع الناس خلفه .۔ ۔ ۔لكنه عليه السلام لما خاف افتراضه على الأمة; أمسك عن ذلك۔ ۔ ۔ ۔۔فتأملوا; ففي هذا الحديث ما يدل على كونها سنة; فإن قيامه أولا بهم دليل على صحة القيام في المسجد جماعة في رمضان ، وامتناعه بعد ذلك من الخروج خشية الافتراض لا يدل على امتناعه مطلقا; لأن زمانه كان زمان وحي وتشريع ، فيمكن أن يوحى إليه إذا عمل به الناس بالإلزام ، فلما زالت علة التشريع بموت رسول الله صلى الله عليه وسلم; رجع الأمر إلى أصله ، وقد ثبت الجواز فلا ناسخ له .وإنما لم يقم ذلك أبو بكر رضي الله عنه لأحد أمرين : إما لأنه رأى أن قيام الناس آخر الليل وما هم به عليه كان أفضل عنده من جمعهم على إمام أول الليل ، ذكره الطرطوشي ، وإما لضيق زمانه رضي الله عنه عن النظر في هذه الفروع ، مع شغله بأهل الردة وغير ذلك مما هو آكد من صلاة التراويح .فإن قيل : فقد سماها عمر رضي الله عنه بدعة وحسنها بقوله : نعمت البدعة هذه ، وإذا ثبتت بدعة مستحسنة في الشرع; ثبت مطلق الاستحسان في البدع .۔ ۔ ۔فالجواب : إنما سماها بدعة باعتبار ظاهر الحال; من حيث تركها رسول الله صلى الله عليه وسلم واتفق أن لم تقع في زمان أبي بكر رضي الله عنه ، لا أنها بدعة في المعنى ، فمن سماها بدعة بهذا الاعتبار; فلا مشاحة في الأسامي ، وعند ذلك فلا يجوز أن يستدل بها على جواز الابتداع بالمعنى المتكلم فيه; لأنه نوع من تحريف الكلم عن مواضعه[الاعتصام للامام الشاطبی: الجزء رقم : 14، الصفحة رقم: 194]؛

نبی ﷺ نے رمضان میں جماعت کے ساتھ لوگوں کو تراویح کی نماز پڑھائی تھی۔ ۔ لیکن جب انہیں یہ ڈر ہوا کہ کہیں یہ نماز امت پر فرض نہ ہو جائے تو (ایک امام کے پیچھے تراویح کی جماعت کا) یہ سسلسلہ روک دیا گیا۔ ۔ ۔ ۔ ۔خوب سمجھ لو کہ اس حدیث میں (ایک امام کے پیچھے تروایح کی جماعت) کے سنت ہونے کی دلیل ہے۔ نبی کریم ﷺ کا رمضان صحابہ کرام کو قیام کروانا مسجد میں جماعت کی دلیل ہے، اور بعد میں فرض ہو جانے کے خوف سے جماعت نہ کرانا مطلق ممانعت کی دلیل نہیں ہے۔ وہ زمانہ وحی اور تشریع کا زمانہ تھا۔ عین ممکن تھا اگر لوگ باجماعت تراویح پر عمل کرتے رہتے تو وہ فرض ہو جاتی، رسول اللہ ﷺ کی وفات کے بعد جب یہ علت ختم ہو گئی تو اس کا حکم اپنی اصل کی طرف پلٹ گیا اور اس کا جواز بغیر کسی نسخ کے ثابت ہو گیا۔ ابوبکر رضی اللہ عنہ نے اپنے زمانہ خلافت (جس میں دو دفعہ رمضان آیا) میں اسے یا تو اس لیے شروع نہیں کیا کہ ان کے نزدیک رات کے آخری حصے کا قیام پہلے حصے میں امام کے پیچھے قیام کرنے سے افضل تھا، یا پھر اس وقت کے حالات کی تنگی اور مرتدین وغیرہ کے ساتھ (جنگوں)جیسی اہم تر مصروفیات نے انہیں اس طرف توجہ کرنے کا موقع ہی نہیں دیا۔ 

اگر کوئی کہے کہ عمر رضی اللہ عنہ نے ( ایک امام کے پیچھے باجماعت نماز تراویح)کو بدعت سے موسوم فرمایا اور "نعمت البدعۃ ھذہ" کہتے ہوئے اس کی تحسین کی تھی لہٰذا اس سے شرع میں بدعت حسنہ کا جواز ثابت ہوتا ہے(تو اس کی بات غلط ہے)۔ ۔ ۔ ۔اور اسکی بات کا جواب یہ ہے کہ عمر رضی اللہ عنہ نے اسے (شرعی معنوں میں نہیں بلکہ) محض ظاہری حال کی وجہ سے نیا کام کہا تھا کیونکہ رسول اللہ ﷺ نے اسے (فرض ہو جانے کے خوف سے) چھوڑا تھا اور ابو بکر رضی اللہ عنہ کے دور میں اس پر عمل نہیں ہوا تھا (اس لیے اس وقت کے لحاظ سے وہ ایک نیا کام ہی تھا)۔ ۔ ۔ ۔چنانچہ کسی کے لیے جائز نہیں ہے کہ وہ ان کے اس قول سے بدعت نکالنے کے جواز پر استدلال کرے، اگر کوئی شخص ایسا استدلال کرتا ہے تو وہ معنوی تحریف کا مرتکب ہے"

==============================

بدعت کی دو قسمیں ہیں ۔۔۔۔لغوی بدعت اور شرعی بدعت:

لغوی بدعت ہر اُس نو ایجاد کا نام ہے جو آنحضرت ﷺ کی وفات کے بعد پیدا ہوئی ۔۔عام اس سے وہ عبادت ہو یا عادت ۔۔۔۔ اور اس کی پانچ قسمیں ہیں ۔واجب ،مندوب ،حرام ،مکروہ ،مباح ۔۔۔۔ اور شرعی بدعت وہ ہے جو قرون ثلاثہ کے بعد پیدا ہوئی اور اُس پر قولا” فعلا”،صراحۃ” اور اشارۃ” کسی طرح بھی شارع کی طرف سے اجازت موجود نہ ہو ۔۔یہی وہ بدعت ہے جس کو بدعت ضلالۃ اور بدعت قبیحہ اور بدعت سیئہ سے تعبیر کیا جاتا ہے اور علماء نے اس کی تصریح کی ہے۔۔،ملاحظہ فرمائیں:

بدعت کی دو قسمیں ہیں: ایک لغوی بدعت ،اور دوسری شرعی بدعت ۔۔لغوی بدعت ہر نو ایجاد کا نام ہے جو عبادت یا عادت ،اور اسی بدعت کی پانچ قسمیں کی جاتیں ہیں ۔اور دوسری وہ بدعت ہے جو طاعت کی مد میں کسی مشروع امر پر زیادت (یا کمی) کی جائے مگر ہو قرون ثلاثہ کے ختم ہونے کے بعد اور یہ زیادتی شارع کے اذن سے نہ ہو ، اس پر شارع کا قول موجود ہو اور نہ فعل نہ صراحت اور نہ اشارہ اور بدعت ضلالہ سے یہی مراد ہے"
(ترویج الجنان ۔۔والجنہ ص 161)

بدعت کا لغوی معنی

مشہور امام لغت ابو الفتح ناصر بن عبد السید المطرازی الحنفی رحمۃ اللہ علیہ (المتوفی 616 ھ )لکھتے ہیں کہ :

بدعت ابتداع کا اسم ہے جس کے معنی یہ ہے کہ کوئی نئی چیز ایجاد کی جائے ،رفعت ارتفاع کا اور خلفت اختلاف کا اسم ہے ۔لیکن پھر بدعت کا لفظ ایسی چیز پر غالب آگیا جو دین میں زیادہ یا کم کردی جائے"(مغرب ج 1 ص 30)

علامہ راغب اصفہانی رحمۃ اللہ علیہ (المتوفی 503 ھ) لکھتے ہیں کہ " مذہب میں بدعت کا اطلاق ایسے قول پر ہوتا ہے جس کا قائل یا فاعل صاحب شریعت کے نقش قدم پر نہ چلا ہو ۔اور شریعت کی سابق مثالوں اور اس کے محکم اصولوں پر وہ گامزن نہ ہوا ہو"(مفرادت القرآن ص 37)

بدعت کا شرعی معنی 

حافظ بدرالدین عینی الحنفی رحمۃ اللہ علیہ (المتوفی 855 ھ) لکھتے ہیں کہ " بدعت اصل میں ایسی نو ایجاد چیز کو کہتے ہیں جو آنحضرت صلیٰ اللہ علیہ وسلم کے زمانہ میں نہ تھی۔
 (عمدۃ القاری ج 5 ص 356)

حافظ ابن حجر رحمۃ اللہ علیہ لکھتے ہیں کہ "بدعت اصل میں اس چیز کو کہا جاتا ہے جو بغیر کسی سابق مثال اور نمونہ کے ایجاد کی گئی ہو ۔اور شریعت میں بدعت کا اطلاق سنت کے مقابلہ میں ہوتا ہے لہذا مذموم ہی ہوگی "(فتح الباری ج 4 ص 219)

حافظ ابن رجب رحمۃ اللہ علیہ لکھتے ہیں کہ "بدعت سے مراد وہ چیز ہے جس کی شریعت میں کوئی اصل نہ ہو جو اس پر دلالت کرے ،اور بہرحال وہ چیز جس کی شریعت میں کوئی اصل ہو جو اس پر دال ہے تو شرعا بدعت نہیں ہے اگر چہ لغۃ بدعت ہوگی"(جامع العلوم و الحکم ص 193)

اور بعینہ ان الفاظ سے بدعت کی تعریف علامہ معین بن صفی رحمۃ اللہ علیہ (المتوفی 889 ھ) نے شرح اربعین نووی میں کی ہے۔

[مفتاح الجنة في الاحتجاج بالسنة-السيوطي:](الجنہ ص 159)

نیز حافظ ابن کثیر رحمۃ اللہ علیہ لکھتے ہیں کہ "بدیع السمٰوت " کا یہ معنی ہے کہ اللہ تعالیٰ نے اپنی قدرت کاملہ سے بغیر کسی سابق مثال اور نمونہ کے آسمانوں اور زمین کو پیدا کیا۔اور لغت میں ہر نئی چیز کو بدعت کہا جاتا ہے اور بدعت کی دو قسمیں ہیں ۔(اول)بدعت شرعی جس کے متعلق جناب رسول اللہ صلیٰ اللہ علیہ وسلم نے فرمایا کہ "کل محدثۃ بدعۃ وکل بدعۃ ضلالۃ"کہ ہر نئی چیز بدعت ہے اور ہر بدعت گمراہی ہے اور ۔۔۔(دوم)کبھی بدعت لغوی ہوئی ہے جیسے حضرت عمر رضی اللہ عنہ نے لوگوں کے مل کے تراویح پڑھنے کے متعلق فرمایا "نعمت البدعۃ ھٰذا"یہ کیا ہی اچھی نو ایجاد ہے"۔۔۔۔پھر آگے لکھتے ہیں کہ اور اسی طرح ہر وہ قول جس کو پہلے کسی نے نہ کیا ہو ،اہل عرب ایسے کام کو بدعت کہتے ہیں "(تفیسر ابن کثیر ج 1 ص 161)

حافظ ابن حجر رحمۃ اللہ علیہ لکھتے ہیں کہ :

"والتحقیق انھا ان کانت مما تندرج تحت مستحسن فی الشرع فھی حسنۃ وان کانت مما تندرج تحت مستقبح فی الشرح فھی مستقبحۃ والافھی من قسم المباح وقد تنقسم الی الاحکام الخمسۃ(فتح الباری ج 4 ص 219)

یعنی تحقیق یہ ہے کہ اگر بدعت، شریعت کی کسی پسندیدہ دلیل کے تحت داخل ہے تو وہ بدعت حسنہ ہوگی اور اگر وہ شریعت کی کسی غیر پسندیدہ دلیل کے تحت داخل ہے تو وہ بدعت قبیحہ ہوگی ،ورنہ مباح ہوگی اور بدعت پانچ اقسام کی طرف منسقم ہے۔

اس کے قریب قریب عبارت علامہ عینی رحمۃ اللہ علیہ کی ہے (ملاحظہ ہو عمدۃالقاری ج 5 ص 356)

اب اس بات پر غور کرنا باقی رہ جاتا ہے کہ "مستحسن فی الشرع" کیا ہے اور "مستقبح فی الشرع" کیا ہے?

امام شافعی رحمۃ اللہ علیہ (المتوفی 204 ھ )فرماتے ہیں کہ

"بدعت کی دو قسمیں ہیں ایک وہ بدعت جو کتاب سنت یا اجماع یا کسی صحابی کے اثر کے مخالف ہو ایسی بدعت گمراہی ہے اور دوسری وہ بدعت ہے جو ان میں سے کسی ایک کے مخالف نہ ہو تو ایسی بدعت کبھی اچھی ہوتی ہے جیسے کہ حضرت عمر رضی اللہ عنہ نے فرمایا کہ کیا ہی اچھی نو ایجاد اور بدعت ہے"(موافقہ صریح المعقول الصحیح المنقول لابن تیمیہ علیٰ منہاج السنۃ ج 2 ص 12)

اس کی پوری تحقیق آپ حضرات ملاحظہ فرماچکے ہیں کہ مخالفت جیسے قول میں ہوتی ہے اسی طرح فعل میں بھی مخالفت ہوتی ہے۔۔۔جو کام آنحضرت صلیٰ اللہ علیہ وسلم نے باوجود داعی و اسباب کے ترک کیا اور خیرالقرون نے بھی اُسے ترک کیا تو وہ یقینا بدعت اور ضلالت ہوگا۔۔۔کیوں کہ وہ کتاب و سنت اور اجماع خیر القرون اور قیاس صحیح کے مخالف ہے۔۔۔ اور جو ان میں سے کسی دلیل میں داخل ہو تو وہ کبھی اچھا ہوگا جس پر ثواب ملے گا اور کبھی مباح ہوگا جس پر نہ ثواب ہوگا یا عقاب۔

اس بحث کو مد نظر رکھتے ہوئے بدعت حسنہ اور سیئہ کی تعریف یوں ہوگی ۔۔۔بدعت حسنہ وہ دینی کام جس کا مانع آنحضرت صلیٰ اللہ علیہ وسلم کے بعد زائل ہوگیا ہو ۔۔۔یا اس کا داعیہ یا محرک اور سبب بعد کو پیش آیا ہو اور کتاب و سنت اور اجماع و قیاس سے اس پر روشنی پڑتی ہو اور ان میں سے کسی دلیل سے اس کا ثبوت ملتا ہو تو وہ بدعت حسنہ اور باالفاظ دیگر لغوی بدعت ہوگی جو مذموم نہیں ہے علامہ ابن رجب رحمۃ اللہ علیہ وغیرہ کی عبارتیں بھی پیش کی جاچکیں ہیں جو اس پر صراحت سے دلالت کرتیں ہیں ۔۔۔۔اور جس چیز کا محرک اور داعیہ اور سبب آنحضرت صلیٰ اللہ علیہ وسلم کے زمانہ مبارک میں موجود تھا مگر وہ دینی کام آپ نے نہیں کیا اور حضرات صحابہ کرام اور تابعین و تبع تابعین کرام نے بھی باوجود کمال عشق و محبت اور محرکات و اسباب کے نہیں کیا تو وہ کام بدعت قبیحہ اور بدعت سیئہ اور بدعت شرعیہ کہلائے گا جو ہر حالت میں مذموم اور ضلالت و گمراہی ہوگا۔۔۔باقی غیر مجتہد کا اجتہاد خصوصا اس زمانہ میں ہرگز کسی بدعت کا حسنہ نہیں قرار دے سکتا ۔۔۔چناچہ حضرات فقہائے کرام نے اس کی تصریح کی ہے کہ "نصاب الفقہ میں ہے کہ بدعت حسنہ وہ ہے جس کو حضرات مجتہدین نے بدعت حسنہ قرار دیا ہو ۔۔۔اور اگر کوئی شخص اس زمانہ میں کسی چیز کو بدعت حسنہ قرار دے گا تو وہ حق کے خلاف ہے کیوں کہ مصفی میں ہے کہ ہمارے زمانہ میں ہر بدعت گمراہی ہے"(انتہی)(فتاوی جامع الروایات)(والجنہ ص 60)

اسی عبارت سے صراحت کے ساتھ یہ بات واضح ہوگئی کہ بدعت حسنہ صرف وہی ہوگی جس میں حضرات مجتہدین کا اجتہاد کا فرما ہوگا ،اور اجتہاد اور قیاس صرف اُن احکام و مسائل میں ہی ہوسکتا ہے جو غیر منصوص ہوں اور ان کے دواعی اور اسباب آنحضرت صلیٰ اللہ علیہ وسلم اور خیرالقرون میں موجود نہ ہوں بلکہ بعد میں ظہور پذیر ہوئے ہوں ۔۔۔اس نئی تہذیب کے زمانے میں جو شخص بدعت کو حسنہ قرار دیتا ہے اس کا قول سراسر باطل اور مردود ہے۔

کیا ہر نئی چیز بدعت ہے؟

احادیث میں جس بدعت کی مذمت آئی ہے اس سے وہ بدعت مراد ہے جسے شرعی اعتبار سے بدعت کہا جائے، اس لئے ہر نئی بات کو بدعت ممنوعہ نہیں کہا جاسکتا، بلکہ جو عمل "فی الدین"یعنی دین (میں) کے اندر بطور اضافہ اور کمی بیشی کے ہو اور اسے دین قرار دے کر اور عبادات وغیرہ دینی امور کی طرح ثواب اور رضائے الہی کا ذریعہ سمجھ کر کیا جائے ، حالانکہ شریعت میں اس کی کوئی دلیل نہ ہو ، نہ قرآن و سنت (نبوی و خلفاء_راشدین) سے، اور نہ قیاس و اجتہاد سے (دینی ضرورت کے سبب جیسے عربی علوم الصرف و النحو کا سیکھنا وغیرہ)؛  تو  (وہ دین میں) بدعت ہے۔ جیسے عیدین کی نماز میں اذان اور اقامت کا اضافہ وغیرہ وغیرہ (کیونکہ اس کا نہ تو حکم ہے اور نہ ہی کوئی دین کا کوئی نقصان اس پر موقوف ہے جو ضرورت ہو).

اور جو نیا کام "لِلدِّین"ہو یعنی دین کیلئے (یعنی استحکام و مضبوطی کے لئے اور دینی مقاصد کی تکمیل و تحصیل کے لئے) ہو اسے بدعت ممنوعہ نہیں کہا جاسکتا جیسے جمع قرآن کا مسئلہ، قرآن میں اعراب لگانا،کتب احادیث کی تالیف اور ان کی شرحیں لکھنا اور ان کتابوں کا صحیح بخاری ،صحیح مسلم وغیرہ نام رکھنا، (اور حفاظت کے لیے محدثین کا اپنے اجتہاد سے اصول_حدیث بنانا) اور اسی طرح احکام فقہ کا مدون کرنا اور ان کو مرتب کرنا اور مذاہب اربعہ کی تعیین اور ان کا حنفی ، شافعی ،مالکی اور حنبلی نام رکھنا ، مدارس مکاتب اور خانقاہیں بنانا،ان تمام امور کو بدعت نہیں کہا جاسکتا،اسی طرح آج کل کی نو ایجاد چیزیں ،سفر کے جدید ذرائع ، ریل موٹر ہوائی جہاز وغیرہ وغیرہ ،ان چیزوں کو بھی بدعت نہیں کہا جائےگا ،اس لئے کہ ان کو دین اور ثواب اور رضائے الہی کا کام سمجھ کر استعمال نہیں کیا جاتا، لہٰذا جو لوگ یہ کہہ دیتے ہیں کہ جب ہر نئی چیز بدعت ہے تو یہ تمام نو ایجاد اشیاء بھی بدعت ہونا چاہئے اور ان کو استعمال نہ کرنا چاہئےیہ صریح جہالت ہے یا عوام کو دھوکہ دینا ہے۔ (فتاویٰ رحیمیہ:۱۹۰/۲)